[古典文學入門（一）]你所不知道的陶淵明

嘩，巴打真係好好心機。
五柳先生傳其實就係佢嘅自傳？
咁有無啲係旁人描寫佢嘅文章，再發出當時佢地嘅人際關係

有係有嘅
不過好多都係佢朋友寫
又或者後人去評論佢
你可以想像佢社交唔太多
寧願同自己熟嘅欣賞嘅人交流飲吓酒咁

讀作品之前能先了解作家嘅背景同事跡會更好，多謝巴打

多謝巴打建議
遲吓整理版再搞返先後次序
同埋下次開主題時會講返背景先

係囉，依家咁樣好似好多人睇睇下放棄左咁，等完整後再出一個整合加集中討論

呢幾日近新年比較忙
會盡快搞搞

推

新年前再更新一次
就算無人睇都當自己溫故知新

新年前再更新一次
就算無人睇都當自己溫故知新

起碼有我睇

新年前再更新一次
就算無人睇都當自己溫故知新

會睇

留名

今日出新野

陶淵明金剛怒目之姿

如果想像文學、作家為圓形
我地嘅閱讀必然係站在圓外
從某一方向去切入必定有一局限
所以我地會有咁多評論、文學理論
正係想認識更全面、更加好

魯迅評價陶淵明為金剛怒目
其實主要目的係為左糾正前人睇法
希望更加全面去睇陶淵明嘅面向
「金剛怒目，所以降服四魔；菩薩低眉，所以慈悲六道。」
世人多以為陶乃菩薩，忽略左佢嘅金剛

陶淵明雜詩十二首
可以從中體會佢對年少時嘅追憶
雜者，不拘流例，即係無法分類之人生雜感
故曰人生無常，雜感萬端
我地黎讀讀雜詩其五

憶我少壯時，無樂自欣豫。
猛志逸四海，騫翮思遠翥。

後生時成日都過得好開心
而且覺得自己係有能力改變世界
降服四魔，立下一番功業
騫：飛舉貌
遠翥：遠飛

荏苒歲月頹，此心稍已去。
值歡無復娛，每每多憂慮。

隨住年月逝去，已經磨損左自己嘅志氣
就算有喜事都無咁開心
對比起無樂自欣豫真係好多煩惱

氣力漸衰損，轉覺日不如。
壑舟無須臾，引我不得住。

唔係唔想好似以前嘅金剛怒目
而係命運決定了各自有路走
有好多事都返路唔到轉頭
壑舟：喻時光流逝、生命變化

前途當幾許？未知止泊處。
古人惜寸陰，念此使人懼。

人生未來到底仲有咩可能
死後又會去咩地方
上面講過陶淵明係現世主義者
亦可見於佢追憶少年金剛怒目之句
人生只像一張草稿，所有野只有一次

最後大家再讀一次：

憶我少壯時，無樂自欣豫。
猛志逸四海，騫翮思遠翥。
荏苒歲月頹，此心稍已去。
值歡無復娛，每每多憂慮。
氣力漸衰損，轉覺日不如。
壑舟無須臾，引我不得住。
前途當幾許？未知止泊處。
古人惜寸陰，念此使人懼。

雜詩十二首入面
仲有唔少精彩嘅詩句
無方法全部都講所以選左當中佳句黎讀

雜詩其一 為十二首組詩立下定調

人生無根蒂，飄如陌上塵。

極好嘅比喻
中國傳統詩詞成日會見到
飄零、浮萍、塵埃
無一不如人生

其二

欲言無予和，揮杯勸孤影。
日月擲人去，有志不獲騁。

呢句可同上面細讀其五並列

其四

孰若當世士，冰炭滿懷抱。
百年歸丘壟，用此空名道！

冰炭滿懷抱乃奇句
比喻昔日患得患失於功名利祿之間
不如追求自由自在
亦肯定左自己嘅田園生活

新年後再更新
祝大家雞年快樂

新年快樂！
多謝樓主嘅分享

新年快樂！
多謝樓主嘅分享

多謝支持
新年快樂，才思泉湧

分享一首雞詩

袁枚 雞
養雞縱雞食，雞肥乃烹之。主人計自佳，不可使雞知。

呢首幾得意
雞年最多人叫雞食
人與物之間嘅關係好有趣

《閒情賦》點睇 你覺得佢係寫愛情定係另有寄託？

《閒情賦》點睇 你覺得佢係寫愛情定係另有寄託？

巴打問得呢篇都係識野之人
要回答呢個問題
必須考慮到我地作為讀者
到底要係作品追求一種點樣嘅意義呢？

每種文學理論、觀念
其實都嘗試緊回答呢一個問題
但無一本通書可以讀到老
無一種理論可以解答所有文學作品
亦都係話，要視乎返文學作品每篇嘅獨特性去睇

閒情賦呢篇名作
歷久以來會有兩派爭論
觀乎其序、全文，本身就有「召喚結構」
即係話，佢內文已經有呢兩種明顯嘅閱讀方向
作者創作嘅複雜心理結構中，點解實解同虛解不能並存？
尤其陶其時情人剛死，又逢失仕，寫出黎嘅作品本身就係複雜

好多讀者有時勉力追求所謂作者本意
尤其唔少讀古典嘅人
係無實際根據下話首詩係某年寫
因為某事而作
其實一黎係不可信
二黎係令作品單一化
文學閱讀係一種多向詮譯嘅活動

明日可能出新一首
同親戚食飯好悶
可以係咁偷偷地打野

留名
有興趣睇詩詞文學

留名
有興趣睇詩詞文學

多謝支持
我講完陶會再講其他古典詩詞
巴打記得留意

簡介基本古典文學概念：士人思想
兼談陶淵明飲酒二十首其八

讀中國古典文學必先理解中國士人思想
咩係士人呢？即係中國古代嘅讀書人
士人之代表以孔子為首
先秦九流十家，幾乎已概括士之種類
中國古代係一個詩嘅世界
古代士人係「不學詩，無以言」
精英分子上層嘅交流、應答都係用詩做工具

所以讀中國古詩，首先要對士人嘅思想文化有理解，先會有較好嘅理解
呢到我地不妨讀吓陶淵明嘅飲酒二十首其八
陶淵明真係好鍾意飲酒，寫成二十首咁多
飲酒二十首其八，係佢自述自己作為一個中國士人對中國傳統思想嘅接受同思考
我地可以當陶淵明係士人嘅典型黎閱讀，將來睇其他詩人作品可以參照

飲酒二十首序：

余閒居寡歡，兼比夜已長，偶有名酒，無夕不飲。顧影獨盡，忽然復醉。既醉之後，輒題數句自娛；紙墨遂多，辭無詮次，聊命故人書之，以為歡笑爾。

序言可以睇到作者嘅創作動機
酒後自娛，醉心文學，必能見其真情
自陶之後，以酒寫詩者不計其數

飲酒二十首其八：

少年罕人事，游好在六經。
行行向不惑，淹留遂無成。

中國傳統士人，由細到大都係一定讀六經先
莊子天運篇：「丘治詩、書、易、禮、樂、春秋六經。」
荀子勸學篇：「始乎誦經、終乎讀禮。」
總之都係以上六經都係儒家思想嘅經典
儒家呈現嘅係濟世之學，係一種入世、理想嘅主義，對後生仔黎講係好大影響力
尤其孔子作為萬世師表嘅聖人，令到所有士人都以「士志於道」為終極目標，一定要出仕立功，救濟萬民
但我地都知道，成功者只係極少數
好多文人如陶淵明，到左四十不惑之年，都係做唔到咩大官，實踐唔到咩少年嘅抱負

竟抱固窮節，饑寒飽所更。
弊廬交悲風，荒草沒前庭。

理想無法實現，自然要抒發「士不遇」，千里馬遇唔到伯樂嘅感嘆
陶淵明抱住呢種理想，面對現實嘅苦況
食餐飽少少都係成日嘅事，生活成日都好慘
此乃中國古典詩詞之大主題：「士不遇」
不遇，係文人嘅一種文化命限，一種儒家文化理想無法實現嘅悲劇

披褐守長夜，晨雞不肯鳴。
孟公不在茲，終以翳吾情。

前兩句係講訓唔著，好多野諗
等雞叫，因為雞叫就係天光，呢個比喻幾得意
孟公，比喻貴人、伯樂
《高土傳》記載，東漢張仲蔚隱居不仕，「常據窮素，所處蓬蒿沒人，閉門養生，不治榮名，時人莫識，唯劉龔知之。」

最後再讀一次：

少年罕人事，游好在六經。
行行向不惑，淹留遂無成。
竟抱固窮節，饑寒飽所更。
弊廬交悲風，荒草沒前庭。
披褐守長夜，晨雞不肯鳴。
孟公不在茲，終以翳吾情。

留名幫推

留名學野

多謝兩位個名咁特別嘅巴絲支持
呢幾日都比較忙
未必好似呢兩日出得咁快
大家睇住先

巴打好有心機
新手表示要睇多一兩次先明