[歷史台]普魯士之逆襲，德國統一之路 (3)

660 回覆

471 Like 3 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁

yxxchuxxx 2017-01-14 21:00:20

live

毛豆腐 2017-01-14 21:30:57

一直以嚟，奧地利軍隊帶俾大家既印象，就係數量唔夠俄國多，質量又唔夠普魯士嚟，成日俾人吊打。但係睇返嗰個年代奧軍既表現，又唔係大家講得咁差。數量方面，扣除去應付意大利既軍團，奧地利軍隊連埋同盟，總共有60萬人，稍勝50萬人既普魯士軍隊，同時奧軍既騎兵比例係對面既兩倍，喺嗰個熱兵器發展未去到完全體機關槍既時期，騎兵仲有相當作用，奧軍既火炮射程甚至更遠。質素方面，奧軍喺幾年前既意大利戰爭入面，憑住強大既士氣，同當時被認為係歐洲最強陸軍既法軍，打咗個和。所以開戰初時，列強都預測，雖然奧地利開頭會俾普魯士稍微壓制，但係戰爭會演變成拉鋸戰，奧地利憑住佢龐大既國土同資源，勝算較大。

事實證明，場仗俾後世叫做七星期戰爭，而奧地利的確憑住佢龐大既國土同資源，輸得一敗塗地。列強既預測忽視咗一個最重要既因素，就係雙方軍事科技既差距。之前講過，普魯士軍隊用既喺後膛槍，而奧軍仲用緊前膛槍，當對面一分鐘可以發射五至八次時，奧軍既開火頻率剩係得一半。更激氣既係，後膛槍可以伏喺度上彈，而前膛槍因為要喺槍管前面塞粒彈落去，上彈時只可以企定定做箭靶，你叫佢點打啫。另外，由毛奇率領既普魯士總參謀部，作出快而準既戰爭部署，再加上普魯士發達既鐵路網絡，令普魯士可以鎖定出線。

司令 2017-01-14 21:49:18

而奧地利的確憑住佢龐大既國土同資源，輸得一敗塗地。

yxxchuxxx 2017-01-14 21:52:54

live

Бласфимя 2017-01-14 21:59:56

而奧地利的確憑住佢龐大既國土同資源，輸得一敗塗地。

笑左

Hog_Rider 2017-01-14 22:15:32

俾斯麥比另外三個天王做佢一獲

JeongYeon 2017-01-14 22:16:44

藺雙魚 2017-01-14 22:38:34

快啲講普法啦、我褲都除埋

-Realistic 2017-01-14 23:20:40

今日無聊睇下德國二戰由盟軍登陸開始到東西夾擊

德國軍隊真係好撚勁

慘在空軍唔夠盟軍多
次次德軍裝甲師都係畀人空軍掃到七七八八
仲要射左1100支v2去英國本土

毛豆腐 2017-01-15 00:11:59

一開波奧軍集中兵力，準備進攻西里西亞，同時普軍從反方向，分做比騰費爾元帥（Karl von Bittenfeld）率領嘅易北軍團、卡爾親王（Prince Friedrich Carl Nicolaus）率領既第一軍團，同埋王太子率領既第二軍團三路，向波希米亞同薩克森進發。三軍既實際指揮唔係各軍統帥，而係隨軍行動既總參謀部，依個由幕後大腦操作軍隊既編制，絕對係史無前例既。毛奇既策略係三軍保持一條線緩慢前進，行進速度就返需要越過高山既第二軍團，萬一敵軍集中進攻某一路，另外兩路都可以迅速救援。相反，奧地利軍團之間既通訊網絡同臨時部署都唔似普軍咁先進，莫講話佢地有冇依個意識，即使想跟都跟唔到。

第一場主要戰役發生係西里西亞同波希米亞之間既山區，入面既小鎮陶特瑙（Trautenau）。當時啱啱橫過山脈既第二軍團，遭遇喺嗰度集結嘅一部分奧軍。本來雙方打到難分難解，點知普軍其中一師太過自信，貿然直入敵軍中路，結果被殺到大敗而歸。王太子於是下令撤退，依場係奧地利喺戰爭入面唯一明確嘅勝仗，奧軍以六千人嘅代價，擋住咗只係損失1338人既普軍嘅進攻。

就喺同一日，四萬普軍喺毛奇嘅指揮下，進攻西線最大嘅敵人－－漢諾威。之前講過，漢諾威喺英國國王嘅領地，但係同丹麥差唔多，隨著一個女性登上英國王位，漢諾威依照自己嘅繼承法，由第二個國王繼承，所以英國冇義務參與戰爭。而依個女性，就係維多利亞女王。返番嚟戰場，普軍對漢諾威軍隊形成包圍網，咁啱漢諾威當時做緊夏季軍演，所以軍隊迅速向南進發，目標同巴伐利亞軍隊會合，但中途被南面普軍截擊，展開蘭根薩爾察會戰（Battle of Langensalza），人數只及對面一半既普軍遭受慘痛損失，但係依場敗仗成功拖慢敵軍步伐。同時普魯士嘅包圍網逐步收窄，漢諾威國王知道自己無處可逃，只好舉國投降。漢諾威軍隊全線繳械，令戰後普魯士可以不費吹灰之力，吞併漢諾威。

又題外話，之前普丹戰爭出過場既紅十字會，就喺依場會戰入面展開組織第一個戰時任務，幫助創會成員國之一嘅普魯士照顧傷兵。普魯士不愧為軍事最強，連戰場醫療方面都領先世界。

普魯士西線既威脅隨住漢諾威既投降而消除，普軍得以集中對付奧地利。奧軍第一軍團會合薩克森軍隊後，本來想進攻東翼既第二軍團，點知將領臨時變卦，轉為進攻西線，準備合兵既第一同易北軍團。奧軍好快就面對西方以嚟既易北軍團，同埋嚟自東面既第一軍團既夾擊。雙方最終相遇，展開伊欽戰役（Battle of Gitschin）。雖然普軍人數上處於劣勢，但係憑住德萊西步槍既強大火力，成功令敵軍撤退。