[歷史台]普魯士之逆襲，德國統一之路 (3)

660 回覆

471 Like 3 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁

樹紅 2017-01-16 22:35:25

留名

幽默感勉強唔黎 2017-01-16 23:02:37

其實當時普魯士既殖民地數量同法國應該差好遠？

法國有咁多殖民地support點解都輸？

食魚有魚味 2017-01-16 23:17:36

其實當時普魯士既殖民地數量同法國應該差好遠？
法國有咁多殖民地support點解都輸？

軍事實力差太遠, 雙方訓練唔係同一個level, 行軍指揮上德軍有總參謀部去制定調動, 所有嘢先計足晒數去做, 果時德軍總參謀部有份準確到分鐘計嘅總員時間表, 相反法軍就係亂咁嚟, 啲將領自己鍾意點打就點打, 毫無大局觀同計劃性, 梗係輸硬.

毛豆腐 2017-01-16 23:17:42

就喺普奧戰爭完結冇耐，普法兩國就發生爭拗，而爭拗點就係兩國之間既小國--盧森堡。盧森堡雖然喺一個出名在個城堡既小國，但係歷史都幾悠久下。自十一世紀以嚟，一直都係神羅邦國之一，領土喺而家既三倍，仲出過三位神羅皇帝。冇錯，盧森堡係德意志國家，盧森堡語係德語而唔係荷蘭語既分支。由於盧森堡位處法國同神羅交界，一方面成為兩者既爭奪對象，另一方面兩邊互相制衡，反而做就佢既獨立。正因為盧森堡位處兩個大國之間，所以首都盧森堡城既防禦工事喺當時既歐洲首屈一指，有北方直布羅陀之稱。拿破崙戰爭之後，為咗平衡鄰國荷蘭同普魯士既利益，盧森堡被劃俾荷蘭國王統治，另一方面加入新成立既日耳曼邦聯，設有普魯士駐軍。

1830年，當時歸荷蘭管既比利時爆發起義，比利時獨立，將荷蘭同盧森堡分開。盧森堡人通常講本地話或者德語法語，總之唔係荷蘭語，荷蘭國王為防止法國同比利時進一步影響盧森堡，於是將佢加入德意志關稅同盟，企圖利用普魯士既影響力作抗衡，自此盧森堡就俾普法兩個睇上。

去到普丹戰爭之後，盧森堡問題又被擺上庇亞里斯既談判枱上。拿破崙三世想向萊因蘭擴張，但遭到俾斯麥既反對，作為補償，俾斯麥表示唔反對法國將盧森堡納入勢力範圍之內。雖然最後冇白紙黑字寫低，但拿破崙三世咁就天真地信咗俾斯麥啦。於是佢啱啱幫手喺布拉格促成普奧和約後，就即刻用巨額金錢，向荷蘭國王買咗盧森堡佢，荷蘭國王嗰排真係holland poor，於是欣然接受offer。

但係俾斯麥礙於德意志人民既強烈反對，竟然反口譴責拿破崙三世既行為，係對德意志既擴張，仲警告法國如果一意孤行，普魯士會對法宣戰。拿破崙三世本來就唔想人哋當佢同佢伯父一樣，都係侵略狂，諗住靜靜雞就食咗盧森堡佢，點知俾斯麥而家大大聲反對，佢只好提出折衷方案，剩係要求普魯士撤走駐軍，但如果普魯士唔接受佢既offer，咁就唯有喺戰場見。為咗歐洲既長期（三年）穩定和平，其他列強於是從旁調解，諗住解決是次盧森堡危機（Luxembourg Crisis）英俄兩國召開峰會，結果雙方喺1867年達成倫敦條約，盧森堡同荷蘭仍然係共主邦聯，其後加入重新組織既德意志關稅同盟。同時，列強承認盧森堡既中立地位，為咗保證盧森堡唔會受任何列強利用，佢哋將盧森堡城既銅牆鐵壁拆除，一拆就拆咗16年，唔係話好似高鐵起啲又唔起啲咁喎，你諗下個城牆有幾勁啦。