[樹大招風] 西裝、皮鞋、皮件討論帖 (16)

大斜肩拗膊造恤衫，肩到上胸肌中間有多餘布料摺係咪避免唔到

恤衫並不是緊身衣，無乜可能貼曬個身，只要不會太礙眼就ok了，我都唔識點樣講點才算「完美」，或者完美根本就不存在。

相當同意，恤衫做到貼曬身真係唔掂，但我發覺出面d師傅見係後生仔黎做就default做到貼身，可能我去d3-4舊水一件d平價舖頭做 ，之後再造第二轉恤衫同師傅講話之前太貼唔掂，叫佢喺背加返兩摺，格甩底做闊d，都算有改善。小弟成日要OT對電腦多，恤衫貼身對背同膊頭都大負擔。
另外做返棉質，唔好做人造纖維，質料透氣有d彈性都舒服好多。

巴打 有冇邊間鋪頭推介呀
想去整恤3同西褲

我去尖東間樓上舖tailor-axx造過兩轉，3/4舊一件，感覺都可以，但試過既舖頭唔多，所以都冇話有咩推介
如果可以比到5舊一件有冇巴打有推介？
PeterLxx / Jenstxx得唔得？

哩2間好多巴打都做過，正常野

睇呢條link啦！
https://www.youtube.com/watch?v=KeYbLzYz_sg

你都有今日

我都唔知自己點解要咁多事，就嚟寫呢啲教學文

其實做衫就好多時用上襆(interfacing)，西裝、恤衫，女裝都會。咁襆有分粘襆，同埋唔粘(fused and non fused)，用途都係比個「body」塊料。恤衫領唔加襆，個領會軟乃乃，唔好睇。咁未發明fusing 前，襆就是一塊布夾喺恤衫料之間：

兩面都無黐住的，咁塊襆硬，個領咪硬囉，個襆軟的話，個領相對就軟。
但從前D人的恤衫領係追求硬挺的，在襆都唔夠，仲要漿硬，所以當fusing出現時，大家都好高興，因為唔使攪乜，個領都挺一挺。
Fusing:
錯美麗都大廈圖一用：


Fusing本身有不同厚薄硬度可以選擇的，它是黐死在塊料上，不會走位的。
咁乜嘢將佢黐實？就是熱力，它有一面有層膠，當你加熱就會黐住塊料，其實西裝也是一樣

Fusing在工序上係簡單D的，因為你熨咗上去，它就不會走位，可以好容易車，但non fused的只是塊布，你要固定塊布，跟住車，它有機會噗起，唔平，咁你要拆咗再車。

Fusing唔好的地方係佢有機會甩，噗起咗，多發生於你浸住件衫太耐，同埋勁卒佢 ，當然隻fusing本身渣都可以係原因。

Non fused好處係件料看上去自然D，因為無裱硬咗，同埋舒服D（個 collar stand/band)，因為透氣少少，如果是透氣的料如麻（不過著麻你都唔扣埋個領啦！） 但最麻煩係要小心熨，否則會熨壞個領，個縫位摺起咗

大至上係咁，仲有乜想知？
一個非行家寫到咁，都算係咁上下吧

我拖都唔夠12個鐘，你估係你咩

係個背度加兩個pleat，咁個後背多咗伸縮的位，自然就無咁扯。我對上文理解就咁，我唔知麻甩同你睇咗乜，或者你兩個講緊乜

是有影響的

Fusing甩甩地果陣就會起水泡，都幾核突

我估佢意思係：「佢做左件恤衫，後面有兩條dart，近排佢肥左，件衫變到好窄好緊搞到個人好攰，要解決係咪要拆左兩條darts放寬件衫就得？」

所以我先咁答佢

愈fine愈難熨

用圖溝通啦。
Pleat本身就係留返少少多餘布，令件衫鬆少少。
我諗樓上巴打指嘅係：佢現成件恤衫，喺條dart度放鬆少少腰位，令件衫無咁緊身

Center Box Pleat, Side Pleats, No Pleats


Darts

1 咁同時造pleat and dart 背隻睇落會唔會太多野？
2 若果slim cut 是否唔會落pleat, 否則違反左slim cut 原意？

話說肥左
變左好窄 背攰到喊
係咩解左背果兩行pleated就得

係咪應該係：後尾解咗背後兩行darts就得


呢D連登中文,我呢D大叔真係睇唔掂

1、見仁見智，但兩個功用不同，一個係方便活動，一個係做番收腰個效果出黎。

2、其實唔關事既我諗，pleats係一個會開合既設計，你唔拉伸佢果時會番番原位，而且slim主要係收腰，令個人睇落slim d腰少d布，pleats就多數放上背，用黎俾你彎身活動，視覺上同你做得slim唔slim無乜衝突。

佢入面有fusing的,所以你只要熨平佢，扣番領咀鈕，個roll係應該自然會出現的

感謝
我有意造件slim cut ocbd, 想落工字褶，但諗落落dart 又好怪咁

感謝，係時候學下點熨衫

確實係好怪的

工字又的確明顯左d

個人覺得slim cut clean少少會好啲

兩個建議:

1) 睇番嗰幾本Classic Menswear 天書,學番基本野， 例如以下三個組合:




2) 簡單d，可以follow 熊哥既IG，佢既OOTD有business，亦有weekend causal，估佢而家有超過100套西裝，除左d英意出名幾間，仲有主要係WWChan/DB/Suitaccess(新A記)同大陸有間叫Ficus既。我覺得佢既品味同配搭可謂爐火純青得黎有規有矩，適合大部分既男人。佢而家唔係香討留言係可惜，但佢既OOTD其實已經將佢累積既知識同經驗表達出黎，好值得學習。