[樹大招風] 西裝、皮鞋、皮件討論帖 (16)

因為太細塊
冇得成條褲去睇
Sorry 我知我麻煩
下次再去睇清楚

個人愚見安徒生手工好過LH

估佢可能係講緊痴膠掌?

佢成個底甩

咁徒弟咁快好過師傅就一定係天才

似乎成批貨仔都係咁
另一對：


喵巴：前幾日嘅post，唔記得邊頁喇

上個post未有人解答到問多次
見到上面啲one piece collar shirt覺得好靚
如果整短啲untuck配牛仔褲會唔會奇怪？
同埋係咪通常都係用linen?
仲有想問埋one piece collar仲有冇細分個領嘅款
thanks

個medallion通常唔會打到咁前，留低咁大條罅...
鞋底啲車線打風咁，不過係鞋底平時唔覺眼就算佢啦

唔會，我會跟牛著，本身都係好Causal款

我識係鈕門分別大點，內鈕同開鈕

Dainite 基本上濕水都會跣

咁不如danite 款的Vibram底？
不過唔知香港有無人返貨？
據說是有的，但我自己無見過

Vibram Eton應該有，但無見過

咁誇張

那段路我隔日都行一次，落雨天差D，但平日我又無咁嘅問題喎

我皮底好天都有時會跣，膠底/vibrant/danite咩天氣都未試過pk

新手想請教下各位巴打, link入面個種皮ge鞋點打理? 新鞋落地前洗唔洗上下蠟咁? 唔該!

https://www.herringshoes.co.uk/barker/nairn-rubber_rubber-soled-derby-shoes/cedar-grain

易打理，定期打下蠟就可以

留名

唔該晒巴打

唔知巴打經驗係點，但我係踩落去個下個踭位跣
可能係步姿問題？

訂製恤衫教學文

喵哥話之前篇恤衫教學我話要spilt yoke，但我完全唔記得我有寫過教學文，那篇應是小熊哥寫的，我最多只是搭訕。

今日等我寫番篇

男士正式服飾中著得最多，又最易（即係是最平）入門的項目應該就是恤衫了。
其實訂製恤衫就無乜難度的，因為我相信在香港長大的男士無可能未著過恤衫，所以講解上就簡單一D。

首先是揀布料，恤衫最基本的布料是棉，間或用麻、絲及人造纖維，或這幾種混紡。連登巴打應該不會對絲有興趣，而人造纖維我個人認為實在可免則免，除了不易縐之外，我想像唔到有乜好處

麻主要用於夏天causal的場合，通爽舒服。麻的布料通常比棉貴少少。

棉是最主要的恤衫布料，要講都可以有排講，乜野海島棉呀，埃及棉呀，幾多支呀等。另外就是織法上的分別，poplin，twill，end on end，oxford etc. 基本上記得支數越大，布質就越幼滑，價錢就越貴但就越唔襟洗就是了。平日返工，100支左右就已夠做，留意牛津紡支數是低些的。

Formal程度就淨色＞暗花＞條子＞格仔
白恤衫幾時都是最formal的恤衫

揀完布就揀款，其實恤衫又有乜野款吖，都是領同袖口的款啫
領款你叫鋪頭拿比你揀，都有十隻八隻揀，主要都是領尖長度同開幾闊，buttondown的話，弓不弓（roll唔roll）？，領底插骨是否可以取出（活），領口的是否要tie space。
近來興one piece collar，好難用文字形容，幾適合夏天不打呔的時候著。

衫身就明筒、暗筒、暗筒暗鈕，背肩要不要摺？工摺或雙摺，腰要不要摺。擔杆要不要spilt yoke。尾鈕是否橫打，衫腳是否要三角或五角補強布？全部任君選擇，唔係乜叫訂造喎

袖口最主要都係叫師傅比你揀啦，都有十款八款揀架，不過萬變不離其宗，都係唔係單就雙。袖叉位要不要鈕。

同做西裝一樣，恤衫其實都有襆的，在領和袖口內，未有fusing前（70's前），全部都non fused的，現在你唔特別要求，都是fused的，襆也有厚薄之分（fused唔fused都有軟硬襆），我自己就不喜歡硬襆，看上去唔「活」。如果你或你工人不懂／不喜歡熨衫，我勸你不要揀non fused。

從前D人要件恤衫熨起後挺身，就會用starch漿熨，今天仍有一些洗衣店有漿熨選擇。但漿過的衫出汗後就會黐立立 ，同埋漿熨的衫損耗是快D的，主要是領咀磨光／爛。

講住基本先，歡迎大家隨時指正。

麻甩，你Ｄ數幾時還呀？

To 牛肉乾巴
上個帖提到我著loafer焗到出晒腳汗，你建議我用襪噴霧同爽身粉，想問乜係襪噴霧？同埋爽身粉我都有試過，但一出汗啲爽身粉就黏埋一舊舊，黐晒喺腳板腳趾罅，又黐晒喺鞋入面，好核突 ，你有用爽身粉？會唔會有咁情況？謝謝