[長氣多圖][不爛尾] 中部北陸山地之旅

番到富山已經MISS左特急班車
唯有等七點幾班尾班車落去
咁仲有成粒鐘
就去食埋富山最後一餐飯

黎到日本一餐拉麵都未食過又真係講唔通
本身想食呢間一心既

點知去到又話呢兩日唔開

咁就轉場去左車站對出個CICI商場
有間食黑拉麵既
佢自稱得過D唔知咩獎



上面果碗太多肉啦
都係叫番碗好普通既加強就算


唔算話特別好食
不過不失
間野好多遊客
有唔少仲係我係立山黑部見過既面孔

番酒店拎行李就上車站

高山本線同愛之風鐵道共用同一個月台
只係唔係LINE
而一日只得四班特急飛驆
尾班車早係1713已經開走左

我只有坐呢班普通車

好多學生同西裝友放工放學
而我仲要拎埋行李上黎
係真係阻撚住晒其他人
但無計啦
鬼叫夜晚無特急落高山咩

中間仲有係猪谷轉多程先到高山
不過呢程車就好少人
基本上全部都係好似我咁拎住行李
有對鬼人男女仲同我住同一間酒店添

總共坐左兩粒鐘落到高山
其實只係慢左特急唔夠廿分鐘左右
係坐得無咁舒服


今晚住country hotel
就係車站斜對面
酒店地下仲有間幾大下既family mart
十級方便
間房雖然細細地

但二百幾蚊晚咁既質素真係去邊搵

高山唔似得富山咁有夜生活
實實在在既一個古城
落去買個宵夜都就寑了

聽日又要一早係高山市內活動

續

如果冬天去最重要防風保暖，個次聖誕上野邊山半粒鐘已經想死
得零下十度，無雪但極大風，吹到人都企唔穩

真係諗住冬天去野邊山坐 high rail 星空
十二月應該唔會咁凍掛

估唔到黑部水庫上面間餐廳啲飯咁鳩
上次我冇入去添

Btw睇巴打對鞋就知巴打好型

行左幾耐?

富山有乜夜生活
雖然高山都冇

同感
寧願著多都唔好著少

上山大約30-45min
落山可以15min(趕搭車mode)

果間黑拉麵香港都有

對鞋淨係上立山先著過一次

對住大城市就唔算多
但有環水公園
又有個展望塔可以睇下夜景
算係有夜生活架啦

原來香港有
早知唔去

香港同日本點都有差別既

好天都可以試下行

DAY6 日枝神社 上三之町 宮川朝市

今次係高山住既酒店並唔包早餐
早餐就係便利店買既三文治解決
結果以後馮親無早餐既日子全部都買三文治解決

朝早既高山站

同夜晚好唔同

而濃飛巴士站
就係高山車站格離
即場買左旅程既最後一張PASS
信州飛驒廣域PASS

因為我好貪心
邊度都想去
計黎計去都係呢張PASS叫做有得賺
其實萬二YEN真係幾貴
仲要話係慳好多

姐姐教我話白川鄉唔可以坐預約D車
而家出面岩岩就有班唔洗預約既可以出發
不過我朝頭先想朝左個聖先
就係二號車站等高山市內既循環巴士


其實呢架巴士幾抵玩
100YEN一程
平過好多地方
仲幾乎成個高山都去得到

可能高山既遊客鐘意行路掛
成架車得我一個人

其實我都係坐左三個站

花里町2丁目算係最近日枝神社既巴士站
雖然都仲要行十五分鐘左右先到
但點都叫做近左
而且PASS有包
點解唔坐呢

沿路風景



高山真係一個幾清靜既地方
而且有古城FEEL
對比京都亦都無幾繁華
吸引好多鬼佬遊客

想像一下
呢度就係三葉住既地方
令呢個地方更加吸引

係咪有D三葉老豆想改造呢個城市呢





三葉所住既神社
有兩個說法
一個係高山既日枝神社
另一個係飛驒古川既氣多若宮神社

不過呢
門口就唔係幾似既






可能早黎
一個人都無
連巫女都無開工



日枝神社最似既
應該只係個鳥居


其實都有D差別


入面有棵千年大樹


不過好似每個神社都總有一棵係左近

唔理佢係咪真係原型都好
係真係有好多人慕名而來朝聖

我就無咁好畫工啦
等巫女開左工
就買左塊繪馬

祈求我既三葉早日出現
係唯一可以做既事

入面仲有其他唔同既神社



非請勿進地區

打擾完三葉
番去巴士站再坐車去上三之町



呢條古街幾似倉敷美觀地區

不過好短
其實唔多野睇

有間茶室叫做三葉
唔知係食住個名定一早已經係度啦

其中最出名應該係呢間飛驒牛壽司





本來我以為係上町之街係一陣就可以走得
點知排晒隊
花左唔少時間係度





排排下都見到唔少人力車係度行

其實都唔洗諗啦
一定係食最貴A5果隻架啦

佢又兩個指定地方可以比你坐低食野
一個係佢對面既COFFE SHOP
另一個係佢格離間舖頭




其實真係太細舊
食唔出D咩味
仲成手油

話係小京都其實都有D似既
上三之町同宮川朝市中間條街都有D似祇園三條既


宮朝朝市

背靠宮川河既一個市集


因為十二點就收檔
所以特登揀左一個朝早留係高山
下晝先去白川


不過發覺D手作仔同蘋果唔係幾岩我

反而係呢間擺明賣遊客野既買左幾對筷子黎做派街坊

宮川朝市同上三之町既長度差唔多
好快就行完

條河係幾得意既



仲有好多鬼佬係度行
不過行過就算

因為怕燒肉店遲左去會好多人
行到十一點左右就走鳥

續

去到高山咁好天 晴天

之後果日就落雨啦

少人既地方最舒服 唔洗同人逼

我離開高山先放晴出藍天

所以已經唔想再去大城市

但我第二日上新穗高
乜都睇唔到

同埋唔多想去出名既旅遊景點
實好多人 支那同港蝗