[長氣多圖][不爛尾] 中部北陸山地之旅

都係會攻鼻？

會架
我覺得出呢種味好on9
唔知有無納豆味

納豆

女仔手嚟

咁不如出臭豆腐

之前比fd迫食納豆壽司
食完差d嘔

有女就唔洗對住部ipad食

臭豆腐我又唔區

好彩無買到阿根廷波衫
如果唔係去到都唔洗著
所以我決定都係留番去到睇下邊隊入決賽先再買
意大利出唔到線
唯有做番個勝利球迷
其實用咁樣完全第三者既角度去欣賞比賽都係唔錯既一件事


DAY8 大正池 田代池 河童橋

第一次去日本唔係住係城市入面
雖然間房無冷氣
但都訓得好舒服
而且六點未夠就起左身

打開窗

FEEL到空氣好清新
由尋日雨天變到今日既晴天
精神爽利
落樓下浴場浸番轉
可能太早完全無人
獨霸成個浴場

早餐好簡單
叫做有野落左肚



因為住得比較近上高地
原本諗住訓到自然醒慢慢先出發
點知今日咁早就起左身
就提早出發同D廢老爭巴士

平湯之森別館

其實唔係好大
但我好超級鍾意

步行至巴士站


一朝早乜都未開
個足浸連水都未放

山的名字


二號巴士站出發上高地

準時八點開車


三個字左右就到大正池

穿過少少樹林就到達大正池


全個上高地既地圖

由大正池到明神池大約7公里路程
而河童橋大約係大正池同明神池既中間
所以全日既路程大約10.5公里左右
唔算好遠
不過連埋影相行行企企都花左半日時間

大正池

可能有風
真係無想像中咁靚





明神池亦都一樣
只不過成個上高地周圍風景都唔錯
所以我對呢個地方評價都還好
起碼好過新穗高好多

原本我有PLAN過睇完大正池就坐下一班巴士到河童橋
留力步行來回明神池
但見唔少人都選擇行路
所以我就跟風照行

之後就係濕原




上高地有唔同既樹



行左陣又見到燒生


呢個景最出名應該係呢D枯樹



砂礫群



上高地位於海拔千五米

比香港任何一個地方都要高
今次旅程經常係千幾二千米既地方來來回回
雖然就唔算話係好高
但已經係我人生既初體驗
不過其實行起上黎都無咩特別差別

之前友人成日同我講話想去森林探險
其實日本一樣有呢D地方



熊目擊情報


成日聽到D廢老一邊行一邊鈴鈴鐺鐺咁
原來係為左擊退熊人

佢地D裝備真係好齊

行行下D樹開始矮左

呢個就係尋日應該望到既穗高連峰

田代池就係格離




真實睇果時好細好淺水
不過D相又有D細覺好似唔錯咁

慢慢開始有D漫無目的咁行




田代橋


由呢度開始就係分叉路

我選擇左唔過橋呢邊

去個廁所都見到如果見到熊人點算好


成個前半部既上高地最靚應該係呢個灣位







望住穗高連峰

所以話
根本就唔需要特登坐纜車上去
周圍都望得到

係呢度已經好近河童橋

去左巴士站換飛先

由大正池去河童橋大約花左一個鐘左右時間
因為仲想留番時間去埋松本城
就換定下午一半二十分巴士落松本

大約預差唔多三小時來回
應該差唔多

問過其實如果早左或者遲左都可以上既
只要架巴士唔爆就得
最後我係上左十二點四十分果架巴士

到松本方向就係係四號站上車


又番番去岸邊
竟然仲有囡囡係度跑步

不過應該唔係日本人黎

前面就係河童橋

成個上高地最著名就係呢條橋
雖然一D特別都無
但位處上高地既中心
係出發同終點既場所





係度可以望晒兩邊燒岳同穗高連峰既景色



而向住穗高連峰既方向走


就係上高地既下半部
明神池既方向

續

熊驚鈴鐺聲?

d熊仔唔會去嘈既地方
好似係

上高地d景真係好靚
睇下下次去日本的話有無機會plan埋落去先

好睇遲左一日好天去
早一日去都唔知點算好

我都想去

樓主又扮嘢

又屈

DAY8 岳澤濕原 明神池

開波出發明神池
咁由河童橋去明神池總共有兩條路
一條係過左河童橋既路
遠D
另一條係唔過橋既路
近D
咁好似我呢D貪心既小狗緊係想兩條都行晒啦
所以我就揀左先苦後甜
先行條遠既
事實證明我都無選擇錯
因為遠果條路係多野睇好多

河童橋離明神池大約3.5公里

話明係濕原
即係同頭先由大正池行過黎條路差唔多




不過呢度既遊客明顯地減少
可能好多人去到河童橋已經係終點




呢D木板就好似係上高地既標誌咁
但一見到有對頭人行同一條木板就要彈黎彈去都幾煩

行一陣就到左岳澤濕原最有睇頭既地方
D水並唔係清到綠咁既款
而係一撻撻咁既色




反而咁樣又唔錯
再加埋D樹干
個畫面幾靚

行左大約半公里

仲有山有水



但可能尋日落過雨黎
地下唔少地方都有積泥

繼去完意大利之後
對ultra boost又瀨野
所以而家已經變左粗用
whatever啦

然後就係無窮無盡既樹林






即係咁
上高地呢條路就只係一條平路
以難度五分最高分黎講
呢度路應該值零分
但係入到樹林之後就開始覺得有D詭異
無論係後追既人又好
前追既人都好
一個人都見唔到
更加唔好講係回程既人
因為我真係好早去
唔應該有人咁快可以番到轉頭
係呢個環境
突然間靜下HIHI
而我亦都諗起之前廢老戴住果D鈴鈴鐺鐺
我係度諗
如果突然間有隻熊爬左出黎
我係咩都做唔到

雖然係日光日黑
但我只係想快D離開呢片樹林
或者搵番D人係我身邊出現
我唔想變到好似李安納度咁樣

行行下就發現唔少地方都有呢舊野

呢舊野係痴住係地下
踢都踢唔走
唔知乜鳩黎

終於行左一半左右

慢慢又有番少少風景睇下





好多木板都已經比人行到爛晒


呢度有D木板係做到好似停車場令私家車減速果舊野

唔知整係度做乜鳩

仲有一公里






慢慢開始有人打回頭
唔洗再怕有熊仔沖出黎
不過亦都面對另一個問題
就係日本人好鐘意打招呼
尤其係呢D山路
D阿婆阿伯就好鐘意ちはちは咁叫
咁我又こんにちは咁回番佢
然後就係無窮無盡咁LOOP
講到口水都乾
又有D人叫到你係外國人就唔會講
搞到每次一見到人
都要猶豫洗唔洗講野呢
係好on9既煩惱
當係比自己係呢片無咩做既路上少少既思考

終於望見家鄉

前面就係回頭既明神橋

明池神近在眼前



不過係估唔到竟然要收錢
做到個自然環境咁物質化

入面有分一之池同二之池




架船仔係裝飾用既

參拜亦都唔需要用到呢架船
係唔知睇過邊個台仔BLOG竟然話要坐船到對岸參拜
真係痴撚線


零零舍舍有個錢箱放係渡頭
好多人係度拜個池


事實係
個池起晒紋
同我想像又有D出入

二之池



入面仲有條碎石路可以行

好多廢老唔敢行
我就偏要走入黎





其實就無幾多野睇
盡頭真係有個牌話已經係盡頭無野行啦


回頭有D景好似靚少少



穗高神社就係明神池門口

山長水遠走過黎
我寧願拜個池好過