[長氣多圖][不爛尾] 中部北陸山地之旅

係
勁多團
但都無計
鬼叫一年得兩個幾月有得睇咩

我鍾意雪但對立山黑部零興趣
都係之前去東北見雪開心得多

完全明白樓主第一次見雪既感動

可能係多人同少人既分別

朋友

一定要去立山行雪壁
去白川鄉睇點燈

想當年佐佐成政從北陸翻越成個立山，落到去今日既駿府城，但德川家康已經唔想同秀吉作戰

樓主除左曬防曬
有無帶太陽眼鏡？

有帶太陽眼鏡
不過無查防曬
成個頭除左眼果PART好似燶左咁

好慘
最後咪又係反秀吉

點燈好難
又唔知佢時間
又無車落番去
一係要自駕
一係參加佢D團

最後做埋秀吉御伽衆

仲要因為肥後一揆（熊本）被秀吉大做文章處死

無計喇形勢比人弱，唔認契弟都唔得

所以依個我plan咗係幾年後

DAY5 室堂平

PLAN行程果時
一直都以為去立山黑部
緊係睇雪牆啦
唔係仲有咩睇呀

但去完發覺最吸引既
並唔係雪牆
而係室堂上面既雪山範圍
係果種
我第一次可以感受到踏足雪地
周圍都比雪包圍既感覺
咁先係一種滿足

從來都無諗過係立山上面過夜
原來室堂有間酒店

仲要好多人住

係室堂望番落去
就係雪之大谷

睇番D相至知
原來用12MM影相
角落頭會有明顯既黑影
平時都唔係咁覺
係係立山影既相特別明顯

下面就係真正站立係雪山上既路

一開始就會舖左D膠板係度防滑

不過我都叫做足左準備
其實唔踩膠板都無問題
不過事實亦都話比我知
其實著普通波鞋黎
問題亦都唔算太大
真係唔算好危險

呢度都有個小型雪牆

室堂平地圖

溫泉方向

話說室堂有兩間旅館
好似可以浸個日歸溫泉
一間室堂山莊

另一間係雷鳥莊

因為我仲要回程番富山
兩間都無去到

而呢個就係立於室堂站既室堂酒店

漫步雪山




一開始都幾多人
仲有好多廣東話出現

但越行上去就越少人




同係鳥取沙丘玩沙一樣
係呢個室堂雪山
我可以瘋狂玩雪同自拍
完全無人見到我做D ON9野

其實真係有人帶齊裝備上去爬山
然後滑番落黎


中間乜阻礙都無
我覺得好撚正

前面呢個係室堂山莊

呢個係雷鳥莊

好似好多人係果頭番黎咁

仲有呢個溫泉

已經結晒冰

其實我想行落去睇
但真係太斜
唔敢再行

雖然話係雪山
但就唔算好凍
雪之大谷話得三度
但感覺上仲暖過冬天既九州
至少我著短袖TEE加風褸已經完全大丈夫
不過真係好大風

玩到個心創晒
真係好唔捨得離開
人生第一次睇雪
又唔知下一次見到雪既時間係幾時啦
但如果再唔走
又未必趕得切回程富山落高山
所以奉勸大家
唔好好似我咁ON9

玩完入番室內

除低副太陽眼鏡
成個世界好似唔同左咁

室堂仲有個雄山神社既展示室



本社位於立山山頂
不過係度可以遙拜
好似係

落番去見到話咩雪崩強風係度嚇人

室堂應該係全個立山黑部最多人流既地方

買完個鎖匙扣我都唔敢係度久留

即刻出車去大觀峰

室堂至大觀峰呢條路係坐呢款無軌電車


穿過隧道到達立山既另一邊

到左大觀峰再轉吊車落黑部平



係度度望對面赤澤岳真係好靚好壯觀

相信
如果我有一日踩入瑞士
應該可以睇到更加壯麗既山景
不過應該要等我上左富士山先
一步一步踏上頂峰

架吊車多人到死

想影張相都影唔到


黑部平並未係故事既終點



其實個個都係賣紀念品買
每個人上黎立山黑部
淨係交通費都要成千蚊港紙
再加上係度食野買野住既洗費
我諗呢個區既收入應該真係好可觀

黑部平一樣有展望台
不過景觀就麻麻




係黑部平
要再轉纜車落山


先到達黑部水壩

由富山開始
要先坐富士山鐵到立山站
轉纜車上美女平
再轉高原巴士到室堂
無軌電車到大觀峰
吊車到黑部平
最後纜車到達黑部湖
足足六程

如果要到信濃大町果邊
仲要坐多兩程
無軌電車加巴士先到

而我
因為要來回
總共係坐足十二程先可以番得到富山
淨係交通
都起碼浪費一半以上時間

續

一係就快閃白川
星期五去
星期一番

得咩

點燈喎

點燈唔係多數星期日咩？

要check

上網search過立山黑部既pass
正係坐車十幾廿款
巴士地鐵纜車
真係塔到暈