[長氣多圖][不爛尾] 中部北陸山地之旅

我反而去得最多係中部

我都就黎去第三次
中部好多野
玩唔晒

唔同玩法啦
睇你係去瘋狂入貨滿足購物欲定係見識唔同風景洗滌心靈

感覺上依家後生仔女要追潮流，中部呢d相對地無咁多購物機會嘅地方肯定唔會入佢地法眼啦

祝你完到啦
又飛

我都想玩多啲北陸同中部

北陸正呀
上次去足幾日一句廣東話/蝗語都聽唔到

四年一度既世界盃就黎開波啦
我打埋呢篇就準備去睇波
雖然無左心愛既意大利
但都仲係要去支持下
尤其今年世界盃對我好重要
人生第一次參加呢度大型盛事
我已經
唔再想錯失任何一個機會
呢個只係開始
並唔係終結
以後既歐國盃
奧運
我全部都想去


DAY6 明善寺 出會橋 荻町八幡神社

其實我並唔知呢個就係好似好出名既三小屋


就只係行過影下
番到屋企睇番D相
哦
原來呢個就係三小屋
大概就係咁樣既感覺

好多稻草人






經過呢個明善寺既庫裡郷土館

真係有個和尚企係門口
不過頭先已經睇過長瀨定
所以今次就過門不入啦

明善寺





其實係白川鄉都行左一段時間
人流開始慢慢咁減少
畢竟大多數都係跟團既人
唔會係度留得太耐

神田家

繼續係過門不入

之後就黎到民宿群




可以係度住一晚感受一下白川鄉既夜晚
不過我就無咁好興致啦

呢條吊橋叫做であい橋
可以叫做相遇或者約會橋之類
唔知點解特別多人





兩邊都係碎石群

原來橋既對面係停車場
即係話呢班人全部都係旅行團
趕住番屋企既人



呢度太大人
好快咁我又過番橋番去

諗諗下
好似見到有個神社無入到去
想要完整張地圖
就走過去睇下





呢個神社叫做荻町八幡神社
唔知有咩典故

竟然係個朝聖既地方
但我對呢條女一D認識都無

不過呢個想要錢真係幾搞笑


白川鄉入面既美術館


慢慢太陽都開始落山


其實一路行一路好想食雪糕
但好多都收晒工
不過行行下又終於搵到最後一間仲開緊既


佢話呢個係酒味雪糕黎
但除左第一啖真係有酒味
之後就同普通軟雪糕無分別了

條街真係無晒人


最後一個和田家


已經收左工了

係度玩左兩個幾鐘都差唔多夠皮
番到巴士站

1720果班要預約唔上得
只可以坐最後一班巴士離開

其實我見7點半好似係仲有班既
但呢個表又無SHOW出黎

巴士中心無垃圾筒

要自己帶走

上左巴士之後就見到巴士中心收工了

又坐番一個鐘番高山
一日之內去晒高山同白川
感覺好完滿

原本有間全高山最高分既拉麵店BOOKMARK左諗住食
佢特別在夜晚九點先開門
但原來又係星期二休息
無得食高山拉麵
好似真係差少少咁

咁就轉場去左食呢個弱尊

英文名叫JACKSON
食咖哩飛驒炸豬扒


係GOOGLE MAP好高分
但TABELOG又好矛盾咁好低分
不過入去到就知點解啦
因為有八成都係鬼仔鬼妹黎
我唔知點解咖哩飯咁吸引佢地啦
而我只係當佢係間普通既餐廳看待


咖哩都好香
而且仲好大份
係幾滿足
但我都係想食高山拉麵多D

高山入夜之後都幾靜
無高樓大廈所以無夜景睇
無咩野做就早D番酒店休息

續

睇你影嗰D繪馬，個神社應該係寒蟬鳴泣之時嘅聖地 套野勁恐怖 睇左兩集驚得滯冇睇落去

寒蟬仲有出？

睇你影嗰D繪馬，個神社應該係寒蟬鳴泣之時嘅聖地 套野勁恐怖 睇左兩集驚得滯冇睇落去

原來係呢套
咁都好耐歷史下

寒蟬系列後面變熱血漫
要解曬成條線

想像唔到
次次見到d圖好似都係拎住把刀

DAY7 飛驒古川站 氣多若宮神社

今朝個早餐


由高山去飛驒
可以坐JR或者坐巴士
由於身懷兩張PASS

兩種交通工具都可以搭得到
最後揀左坐JR過去
雖然要早D起身
但可以有更多時間可以係呢個城市遊玩

飛驒古川
身處係海拔500米左右
真係估佢唔到


飛驒係屬於你的名字既主場景
一落車未出站佢已經話你知呢影電車既橋並唔係站入面

要出站再行到30米先到

車站

入面就係呢隻傳說中既飛驒牛




出面既的士站
瀧君就係呢度拎住幅畫周圍問人

可能太早
並無的士係度
不過之後等左陣就出現了

的士站入面個休息室


前面就係天橋了


有個專用台比你企上去影相

每日只有0957呢一分鐘會有電車出現係二號月台

其實之前係月台見到個時間表都有寫
不過呢個就更加清楚


因為部相機太wide
所以只可以用相機影相

企左陣就見到班去高山既車

真係出現係一號月台
唯有等0957再番黎啦

咁離開呢個時間仲有個幾鐘
就先去左氣多若宮神社先
今日天氣唔好
一直都落住雨

就好似瀧君當日上山去搵呢個消失既城市一樣

穿過左無機會入去既飛驒美街館




行左段路
就會見到好大個鳥居係盡頭



而呢個鳥居
就係氣多若宮神社
即係係三葉住既神社原型之一




其實硬要講既話
我覺得兩個神社都唔似就真
根本就無人搵得到三葉

比尋日去日枝神社既時間更早





完全無人

事務所九點先開門



去左參拜先




時間係早到
連繪馬室都鎖住左
影唔到D人畫既公仔




結果係度等下十分鐘
等下又十鐘
等左九點三巫女都仲唔出現
雖然話有部對講機係度
但好似催佢番工咁
時間唔等人
我都無辦法再係度等落去
所以我就無辦法係度留低屬於我既繪馬比三葉

呢架係由富山沖落名古屋既特急飛驒

果日係富山錯過左
就無左搭到了

每年既四月十九二十日有古川祭表演


番到去
的士就出現了


可以對應番場景

因為仲有時間
就去埋圖書館





點知
又休館


點解好似去親邊度都總會有野做唔到咁
今次唔係第一次
亦都唔係最後一次
一切都同我預想有好大既出入
總係要帶遺憾番香港先安樂
我真係好唔甘心

但點唔甘心都唔會等到佢開門
唯有番去車站睇雙電車

我大概已經早左五至十分鐘左右黎到
但個位已經比人霸左
無奈只可以走去另一個台
成個視點係斜左少少

之後黎左個泰妹
平時去旅行真係好少見到
係唔知點解係富山同飛驒呢D地方就不斷咁見到

一號線到著

連二號線都到埋

我最期待既畫面出現了

就等一號線離開就可以影到只有二號線既列車
點知

二號線竟然開車先

之後一號線先開始走

結論係
只得二號月台呢個車

成件事係根本就唔會發生既

影埋背後果條車道

係度影相既人
大家都三唔識七
亦完全無交流
但好同步咁離開呢條天橋

續



世界盃開始左
每日都有三至四場比賽
夜晚真係好難可以有時間繼續寫得到遊記
唯有日頭努力

不過今年既比賽好似比起往年刺激
都算有番D安慰
希望去到
可以睇得到場好波啦

樓主起身有無揸自己對波

無追post幾日突然咁感性既

有
但係巨龍健在

不嬲都係

原來係影唔到果個景

睇真d電影出現係特急嚟
而9:58嗰班係普通車
即係個場景根本冇可能100% match