[長氣多圖][不爛尾] 中部北陸山地之旅

咁都無計
呢件事發生唔到
我最盡都係得呢兩張

諗住冬天去岩舟

聽日去立山黑部
希望唔好落雨啦
落返松本先去上高地

sosad
要睇到朝早果班車真係要係附近住宿先有機會
如果係東京的話真係諗都唔好諗

原來果度附近有巴士站
我去左果度兩次，每次都係行上行落

應該d運氣用晒係果度嫁啦

其實無的士都ok嘅，最緊要個景係度

而家先知秒速5厘米係呢個位

正呀，緊係等落雪先去

同飛騨古川一樣，除左朝早同夜晚，都係一個鐘一班車

巴打記得要留意番搭車時間
班次唔密
如果唔係到時係雪地等車就等凍死咁濟

八個字行下影下相好快過姐

最緊要係要著夠衫
今年我四月左右上多次立石公園，無落雪不過凍到仆街

當時衣著係一件短袖t shirt, 一件U記長袖hoodie, 一件U記有毛長袖外套

DAY5 黑部水壩

黑部湖個站係有D似防空洞



同大媽係防空洞角完力
出去就見到大大個黑部湖



而另一邊就係黑部水壩



由細到大
我一直都覺得水壩呢種設計好型
尤其是電影成日都會用很宏偉既角度出現
而netflix有套日本動畫叫做黑骸
亦都係用黑部水壩作為背景



其實一出左車站
氣溫就已經同係立山上面完全唔同
加上真係好曬
我直頭除淨件短TEE係度行
不過呢個選擇都係無錯既
因為
黑部水壩
應該係成個立山黑部最辛苦既地方

雖然叫做落左山
但黑部水壩都係係海拔千五米之上


水壩除左展望台
無晒係度周圍話幫你影相果D工作人員
得番呢部自拍機

呢部野又ON9又嘈
真係唔知有無人會比錢咁樣影

扇澤方向既出口

今次旅程唔會經過
叫做係立山黑部唯一坐唔到既交通工具
不過其實無軌電車即係同之前係室堂去大觀峰果應該係一樣
都係穿過山峰去到另一邊用既交通工具

係水壩上面行完
就上去展望台

展望台有兩個

一上一下
上面望晒黑部湖全境
而下面
就用黎欣賞水壩用既

決定上左去先
大約要行二三百級樓梯
發覺今次旅程真係成日要上上落落
去到最後係岩村城隻腳已經唔係幾聽洗
明明之前係泰國上左千六級樓梯都仲未死得
可能真係老左又肥左
出年上富士山真係幾惡搞

一路上個風景就越黎越廣



係下面行過雖然無咩特別
但上到黎睇其實都係唔錯既
雖然同雪山比係有D距離

終於上到最頂展望台


頂唔順太熱
又好撚肚餓
買左件大福餅黎食

原來即係雪米糍


展望台既景觀



[img][/img]
係呢度望番落去個景真係唔錯

其實本身係有諗過趕回歸番去係五點可以坐到特急落高山
不過真係太過肚餓
我自己都搞唔掂
又覺得無謂咁辛苦
就決定放棄班特急
夜晚坐普通車落高山算

展望塔下面有間餐廳

就係呢度解決午餐

雖然真係鳩流流
但餓起上黎連塊叮熱既漢堡扒都覺得好食

其實下面都有間餐廳
不過呢度有景睇

同少人好多

食完休息過就落番去

其實就係望好似真係幾高下


一落就落到最底

呢個真係叫做冰山一角

成個水壩真係會有某D位係未熔晒雪

新展望台有個特設會場

講下黑部水壩既歷史之類
不過幾乎無人睇既




水壩其實有個吸印仔活動


但個活動張紙呢
無咁叫我點玩
去邊搵
唔係去拎完又要番番黎下吸印嘛
即場放棄#

最底層可以見到水壩全貌




呢個月份並無放水活動
要去到六月尾先有
不過放心
我應該唔會黎第二次
所以
呢世都唔會見到了

下面條梯駁唔到上黎

到底要點樣先用得到

好辛苦咁又上番去
其實黑部湖邊好多垃圾

一眼望晒
全個展望塔

好似真係幾高下

續

希望你遇到好天氣

我五月去熱到仆街
好彩有睇其他巴打遊記
坐的士上去

同巴打一樣
覺得水壩好宏偉
尤其外國片影水壩放水果刻

我第一時間就諗起變形金剛個水壩
睇過有段片仲係水壩射籃

DAY5 立山黑部 麵家いろは

係黑部湖行完就要番轉頭啦

番番去排隊等車上立山
得小貓幾隻


黑部湖淨係單程去富山都要8000YEN

不過如果要買既話一早係扇澤買左飛啦
點會黎到黑部湖先買

今日酒店全無


竟然好神奇地有得坐


黑部平仲有個展望台

係回程先見到
見仲有時間

就上埋去裝下乜料

就咁一個天台
不過風景幾好




但係個吊車太低啦

是咁的
咁我係黑部湖除左件褸
發左幾下神經
就想試下短袖上雪山既感覺會係點

點知一出去等吊車已經凍到仆街
諗起之後仲有六日要玩
都係著番件褸先

對面去黑部平架吊車都幾多人


大觀峰一樣都有展望台

原來呢度都已經二千三米高

同室堂唔差得好遠

但係又細又多人

好多垃圾係度塞撚住係條路玩自拍
日本妹又唔敢出聲叫借借
大佬我堅係趕住走
真係屌出聲
用廣東話講咪撚阻住啦
雖然言語唔同
但我諗佢地一聽到語氣就知講緊粗口
即刻散開

上面溶緊雪唔比上


大觀峰除左展望台
仲有個雪窿

幾得意




坐多程無軌車就到室堂
今次坐左車頭
同司機同一樣視線


今次無係室堂停留啦
直接轉巴士

雖然只係三點幾
但已經開始少人

雪牆仲會收工
有工作人員執野


真係好多人係雪牆寫字


終於都要分手啦

我地以後都未必有機會再見啦

點知要等成粒鐘先富山地鐵


前日來回宇奈月溫泉
今日再來回立山
前前後後坐左四程富山地鐵
不過普通車都係第一次坐