[長氣多圖][不爛尾] 中部北陸山地之旅

可以坐愛之風
不過淨係可以富山或者高岡落去
次次入閘職員都問你去邊好煩

好少食正餐以外小食

正餐嚟㗎

見到個おてん定食笑左
咁都可以一個定食
仲要1700円

屋企部電腦又無事啦
可以係屋企加速
如果照呢個進步應該可以去睇世界盃之前寫得完
掛

DAY3 富山玻璃美術館,復古電車

富山其實都有少少古建築

不過整體黎講都幾現代化
係日本黎講
應該都可以稱得上係二線中或頭既城市

無咩人行既商店街


但係咁岩呢個星期六日有跳蚤市場

可惜我要趕景點
而且小弟對手作仔興趣都唔大


富山市電同香港電車一樣
有D好新但都有D好似呢款一睇就知上左年紀


由富山城行左十幾分鐘
到達富山玻璃美術館

個外表勁搶眼
一定唔會認錯

呢座野除左美術館

仲有圖書館

今日之所以去完黑部峽谷都仲可以有富山半日遊
全因為美術館星期六日收八點


地下賣飛同埋賣玻璃
明明之前見到入場費要1200YEN
但去到又話1000YEN包晒
是但啦仲平左

由二至六樓全部都有展館

大概係一半圖書館一半美術館咁樣設計

得2,5,6樓既展館可以影相

扇田克也

我真係識佢米奇
不過係見個美術館設計幾特別先黎參觀JA嘛
入場前比左張野我

總之就係可以影相啦

點知入到去好靜仲好多保安

驚死你整爛佢D展品咁
尤其我地外國人佢直頭好似SALES咁跟住你
我就係最唔鐘意咁樣
真係睇得好唔舒服
最後只係影左好少相


將十幾廿塊玻璃綁埋一齊又叫藝術
我真係識條鐵

三四樓都係大同少異既玻璃
不過我發覺係好少日本仔黎呢間美術館
都係日本妹同廢老多
可能好似港女心態去睇莫奈咁
以為自己會有品味左

雖然我都有去莫奈展

5樓比人包左場

私人攝影展
不過佢歡迎任何人仕入場
但睇睇下佢地就開始發鳩UP
無咩事我都係出番去先

最高六樓係呢個鬼佬既個人作品展

由佢點樣環遊世界
到黎左日本玩玻璃都有介紹




唔同形狀唔同顏色既玻璃
呢度作品少D
大件D
睇上去無咁疲勞

頂樓可以睇得清楚晒玻璃美術圖書館



木同玻璃既配搭得好好
而且用左好多天然光
係度溫書應該真係會幾精神

小賣部淨係賣玻璃唔賣鎖匙扣
即係唔想我消費啦

差唔多夠鐘就去搭電車
CHECK過最近時間果班復古電車會係丸之內去富山站
特登由美術館走過去

經過之前巴打話好好住仲有室內溫泉既御宿野乃

呢一間我係大阪都住過
當時新開兩床都係一千蚊晚左右
唔算話太貴
之後係掛川亦都住過同一公司既DORMY INN
其實如果平平地既話我都幾鐘意呢間公司


今次既目的並唔係呢架電車

終於行到丸之內站

埋站啦

富山市電係屬於富山地鐵公司
其實富山地鐵係總共有三架觀光列車
而其中一架
就係呢架復古電車
唔洗特急券或者指定席券就可以坐得到
但只限星期六日假期限定時段行駛
要CHECK清楚先有得搭

不過入面好多人
一影相就比人望住晒


每人一張檯
我見D日本妹都坐得好開心



木制既感覺真係好舒服

歡樂既時光過得特別快
係富山站落左電車
其實之後係上月台影富山繪卷
富山繪卷係屬於愛之風鐵路既列車
無特定時間同路線
大約兩個星期前官網就會發佈運行班次同時間

咁我拎住張立山PASS諗住可以自出自入啦
點知個職員就問我去邊落車
我唔想講大話
咪話富山
佢碌大隻眼講係咁再問我去邊
我其實只係想上去影相姐
影完咪番黎
又話帶我係觀光案內所問
死都唔比我入
搞左一大輪架富山繪卷都駛走左啦

咁我再問佢係咪去高岡就得
佢話係
咁我聽日再黎過
打死都話去高岡
死仔真係唔撚識變通
我甚至懷疑佢根本直頭唔知咩係富山繪卷添

續

我多數係車站附近食
富山真係少有車站係高分既餐廳

我都係而家先知一searchおでん就出左關東煮

樓主追城印？

本來無追開
但見出左本續100名城就一次過買晒兩本
今次開始追
以前果d又要再去過

其實我見仲有歐洲100名城

我見你餐餐都係正餐

玻璃美術館個到我之前好似睇個有位巴打post過..
啲圖一樣樣...
個種親切感就好似睇過咁


Btw 樓主好型

夜晚仲有宵夜添...

車站附近我淨係去咗間 專食白蝦既

應該無自爆相架wor

有種型feel走咗出嚟

車站商場入面間壽司店d壽司/白蝦水準很不錯

會打扮，型男

玻璃美術館個到我之前好似睇個有位巴打post過..
啲圖一樣樣...
個種親切感就好似睇過咁


Btw 樓主好型

應該無自爆相架wor

會打扮，型男

肥矮毒浸味走晒出黎
我會注意下

白蝦有食
壽司有日佢早收食唔到
去左另一間都唔錯

我食唔到白蝦壽司

呢d真係點追都追唔完，去自己有興趣既就算