[長氣多圖][不爛尾] 中部北陸山地之旅

DAY9 高島城

落左小巴過天橋就進入左諏訪高島城

又係因為續100名城既關係
令高島城升左級
可以得到成就一個

高島城勢力範圍


原來有類似松本城紅橋既冠木橋
個效果有D似

成個城就唔算好大
雖然只係一個公園仔
但已經有齊本丸
角櫓之類







高島城
曾經被稱為浮城


位於諏訪湖之中
不過而家個湖細左
座城亦都無埋

300YEN入場

連吸印


仲有D紅葉係度

得地下同頂樓可以影相
中間展覽場所唔比影









續100名城證書

亦都因為咁
先刺激得我黎
而家個情況係
吸印仔送城堡參觀

同一時間
佢仲有另一個印


但有限時
不了

頂樓


可以出去
不過淨係得東同西展望台

東





兩邊展望台並唔互通
未見過呢種設計

西




係立石公園睇過諏訪既遠景
而家可以睇到近景

佢仲有隻諏訪姬唔知咩來頭


今次D石仔靚過松本城


唔知點解
個城就唔算好多人參觀
但就有唔少人企係城門玩電話



玩電話係唔緊要
最緊要係遮撚住晒
張張相都要霸個位係咩玩法



番番車站
不過因為電車班次唔多
今次係坐巴士去下諏訪


係咪有D似白壁土藏街




續

城門玩手機應該係pokemon go

都似係
仲有幾個都渣住
可能有d特別野

99%係到打Gym

唔知有道館定打神獸啦

DAY9 諏訪大社下社春宮 諏訪大社下社秋宮

係上諏訪站搵唔到個巴士站
靠本地人先搵得到
原本唔係車站出面
要前少少

本身坐巴士係可以係春宮大門落車
比火車站仲前少少
點知巴士個站牌唔識轉
頂佢個肺要行多成個站

沿路廿分鐘都無乜風景




話說諏訪大社總共有四個
兩個係諏訪市
分為上社本宮
同上社前宮
另外兩個係下諏訪町
下社春宮
同下社秋宮

你問我有咩分別
我可以答你
我完全唔知
只不過有強迫性習慣既我見到緊係要去晒四個啦

可惜時間真係唔夠
咁既然諏訪市都叫做去左立石公園同高島城
神社就去下諏訪果邊啦

之前講過神宮好似係勁野
咁其實大社我覺得都係勁野黎
起碼出色過神社
好似係
諏訪大社總共有四間
咁一定好勁添

春宮

其實佢格離有個好似幾出名既石佛
仲好似好多細路去完冒出黎
但本身時間已經唔多
想係巫女收工之前買得到繪馬黎掛
就無去睇石佛

範圍就點都大過松本市果D





呢兩條神柱好似係寶黎


每年仲會有御柱祭

本殿


當然唔少得既幾百年老樹


門口路中心有座下馬橋

幾特別

下諏訪既渠蓋

地圖

由車站至春宮至秋宮至車站
係型成一個三角型
如果自駕既話
就可以輕鬆去晒四間大社同立石公園啦

由春宮去秋宮呢條路



叫做中山道

之前遊東海道果時
有見過叫做東海道五十三次
係指古時驛道經過既五十三個宿場
而中山道
亦都有中山道六十九次
其實最尾呢幾日
叫做有路過些少中山道
而係唔知幾遠既將來
好似真係會有條中山道線出現

下社秋宮


幾乎同春宮完全一樣







同樣既兩條神柱


同樣既本殿



不過呢度巫女好似靚D

但其實秋宮係大過過春宮唔少既
有子安社


遙拜唔知邊度既神宮

仲有寶物殿

不過門已閂

聽過呢度出既水係熱水黎

無試到

秋宮比起春宮
近車站好多



聽講呢個站有機會睇到富士山


不過今日係乜都無

由下諏訪坐番車去松本
因為我用PASS
買飛既話係唔知點買
最後買左張最平既飛算
到松本用PASS出
係酒店拎番行李
買埋個便當就番去等車


終於坐到特急信濃

惠那應該無乜都無既地方黎
所以今日晚餐就係火車上面解決


好似真係好耐無食過雞啦
日日唔係牛就係豬

坐左個半鐘落到惠那

八點幾條街真係乜都無
得番D放補習既學生
連想搵間便利店都無

今晚住既房

認真好麻麻
污污糟糟
張床爛爛地
不過住一晚都無咩所謂
同埋下層就係夜總會黎
D音樂聲堅係嘈生下

夜晚
長野發生5級地震

不過而家身處岐阜就無乜點FEEL到

續

日本啲學習風氣都好癲
夜晚9點幾仲見到啲學生係補習社做練習

真係人生只剩低補習
可能鄉下人夢想都係去大城市讀書

終於都黎到尾二一日
預計大約出多五篇可以完場
下星期六終於飛俄羅斯
岩岩好

DAY10 惠那峽

其實呢一日過得患得患失
得既係去到座100名城
但失既絕對係仲多

最原本
我已經係想要取消呢段路
我自覺坐特色列車既興趣已經大過200名城
所以去坐長良川鐵路
係可以兩得兼得
而明知鐵道
只有一架同普通車無分別既大正浪漫號
尋日酒店無人幫到我
就唯有死死氣繼續去惠那呢個地方啦
由一開始
我就已經無咩好感

酒店樓下既免費早餐
我有諗過我係呢間酒店唯一既客人
所以早餐
亦得我一個食


今次唔係自助餐
不過隻蛋煎得好靚


放低左件行李又開始今日既行程
最後一整個旅行天
卻要係呢個無咩特別喜歡既地方進行
心情係無幾好

間酒店係真係幾鳩下


星期六
仲有好多學生係車站集合


明知鐵道係JR站格離

上午會先去惠那峽
下午就會坐明知鐵路去岩村城

買左張惠那至岩村既free pass

係呢個區域可以任上任落

明知鐵路應該都係鐵膠會有興趣既地方
仲有唔少記念品買


去惠那峽既巴士亦都係車站度上車

坐到惠那峽落車




一路行落去就係碼頭
中間都會經過幾間酒店
係無人好似我咁係外面入黎既

呢個地方並唔係咩旅遊旺區
但架遊覽船不間斷每半個鐘出發一次

好痴線

碼頭


正價1280YEN坐半個鐘

其實都幾貴
我唔係幾建議
因為個景真係麻麻
尤其是架船無得開窗
影出黎既效果又再差D
不過一場黎到
又已經無其他野可以做
坐就坐啦

每半小時一班
九點鐘出發

船船亦都係半小時

成個船程就係咁樣玩一個圈

周圍D石都全部幫佢地起晒名

到此一遊證明


船飛



明明得個みる
我真係好想知點樣あそぶ啦

全部廢老遊客


四份一都坐唔到

不過見D廢老偏向右坐
我又跟埋一齊坐右邊lor

啟航

因為架船無得開窗
而隻窗又有折射
仲好污糟
影出黎就係咁既撚樣

半個鐘就係咁樣睇同聽





係真係幾無聊
完全係浪費人生

上面呢個係觀景台

我建議大家上面望一望好過
絕對靚過係架船到望下望下

番到碼頭

第二架遊覽船已經出發左

岸上幾間酒店


咁既遊客量
真係好懷疑佢地到底有無錢賺

呢架應該係高級D既遊覽船


巴士站既休息室

同預想一樣
入面全部都係蜘蛛網

下一站係惠那峽展望台

續

點搵到呢啲奇怪地方去

包冇中文客

有一日係fb d 日本群見到有人貼相幾靚
之後又見中部d名城都去得七七八八
岩村城又順路
如果今次唔去將來都好難去得到
咪plan惠那呢個地方
係無諗過架船咁伏

真係無聽過

DAY10 惠那峽展望台 天佑稻荷 大井宿

一直坐巴士去到天佑稻荷落車


要行番轉去先去到展望台
中間經過天佑稻荷

不過見佢要上山
skip左先

一直落斜

前面就係展望台啦

成個惠那峽既地圖

前面全部斜斜地
都有少少危險


展望台全景


有橋有水有石

格離果個展望台

仲有得玩銀仔

好
上橋玩下先

惠那峽全景

橫過馬路過對面影既

即刻覺得惠那峽高質左
唔理D石頭
河水真係幾綠
不過係有D大陸feel

岸上面仲有個遊樂場

見佢都有個展望台就行過去睇下


點知原來要比入場費先去到果個展望台
要過千YEN不了

見展望台個大嬸望黎望去
成日無生意
走去幫下佢啦

一邊食雪糕一邊等

架船終於到

等左咁耐
就係等架遊覽船寄過惠那橋既一刻


收工

見仲有時間
去埋個天佑稻荷




呢個城市真係無乜人
番巴士站等車

因為今日係星期六
得三班車番惠那站

要計算得好精密先可以一個朝頭去遊完船河再黎展望台

原本以為自己都PLAN得唔錯
10日以黎最多都係有D景點唔開
但今日
係成個旅程最失望既一日

番到車站
見仲有成粒鐘架大正浪漫號先到
就係周圍轉個圈欣賞下呢個無咩人既城市

原來呢度亦都係中山道既其中一站

叫做大井宿


條橋應該有D歷史

上面仲有古畫


一路跟住探索下呢條古道

星期六
條街完全無人

明治天皇舊址







本來有個中山道資料館可以睇下

但佢開放參觀但又完全無人

我都係出番去

大井宿本陣



從前既中山道69次
其中一站大井宿就係呢度





行行下見到有間大阪燒餐廳

見有人行入去又餓餓地
咪諗住食下lor
點知係惡夢既開始

其實時間就得番半個鐘左右
但老闆好似岩岩醒
而且仲有兩台客
佢燒下燒下
我D時間就一分一分咁過
叫左野食又唔係意思走wor
我都醒啦
同佢講改做拎走
點知
都係趕唔切
得番五分鐘
我真係搞唔掂啦
比錢佢同佢講唔要啦
用我係日本最快既速度跑去火車站






點知都係趕唔到
望住架大正浪漫號車尾
而我就喘氣喘到仆街

成個鐘之後先有下班車
如果唔係on99去搵野食
都唔會搞成咁
如果我去長良川鐵道果邊
亦都唔會搞成咁

坐唔到長良川鐵路架nagara
我算
去唔到郡上八幡城
我都算
但今日連架大正浪漫號我都搭唔到
我真係好失望
好似呢一日完全無意思一樣

係呢一個鐘入面
直頭有一刻
我係想直接落岐阜番酒店
乜都唔做就等聽日番香港算

跟住有人踏住架單車黎到我面前
原來係大阪燒餐廳個老闆
佢幫個炒麵打包再拎過黎睇下我仲係唔係
然後係咁講唔好意思話唔知我趕時間
其實唔咩好意思
一直都係我問題
如果我唔入去食
如果決斷D早D走
如果
所有如果都係我既問題
老闆仲好好人幫我係觀光所拎D單張話美術館D野唔錯可以一戰

咁我就係車站食起呢個燒麵


仲係熱辣辣
但如果唔係呢個炒麵...

心情先叫做好番D
等左一粒鐘坐下一班車出發岩村城
大正浪費號就坐唔到啦
唯有坐普通車繼續我既行程
希望仲趕得必上岩村城

續

feel到你果種sad

第一次去旅行咁唔開心
去意大利都仲未有比人偷野
但呢下真係好似比人偷左一日咁

灰到核爆