[長氣多圖][不爛尾] 中部北陸山地之旅

唔係好明佢想叫你唔好做乜野

唔比行入路軌

學左幾年日放都無乜進步

DAY4 吉宗,藤子F不二雄故鄉畫廊,高岡城跡,高岡大佛

坐冰見線到越中中川站落車



對面就係藤子F不二雄故鄉畫廊
不過首先去醫左肚先
係高岡有間幾高分既平民食店

吉宗
係車站都要行十分鐘左右先到
明明係星期日
係已經成村人係入面等緊位
大概係周圍唯一開緊既食店


話明平民野
最貴果個咖哩烏冬都係900YEN
加隻強都係50YEN
諗下香港D拉麵加強真係食左你隻車

收銀同廚房


烏冬到

舊肉好鬼大件

係香港叫碟咖哩牛腩
真係多過三四件都要還神
我見好多日本人都會加碗飯
不過今日唔算太餓
食完個咖哩烏冬已經好飽

唔算話係好好食
不過就真係好抵玩

食飽飽就去同叮噹見面啦
路牌就咁痴係地面到



美術館除左叮噹畫廊
其實仲有其他展
不過無理到佢
我全心都淨係想去睇叮噹


要上二樓買飛


門口有棟隨意門係度

一入去就有職員話要幫你影相
仲塞左叮噹同叮鈴比你

不過張相就無乜特別

仲貼左個牌話職員好樂意幫你影相
點解咁熱情?
因為成個畫廊真係好細
全場就淨得兩間房
有藤子F不二雄既相機同畫筆之類
仲有D原稿
成個畫廊最花時間應該係套動畫
叮噹CROSSOVER大耳鼠
都應該有十零分鐘
又係個職員特登走過黎講話動畫開始啦咁

如果唔睇既話
真係十零分鐘可以走番出黎
細到痴線
而且唔比影相

出面有個同圖書館差唔多既漫畫架



好多都係我未見過既漫畫

仲有呢部扭強機

我都抽左隻畫家叮噹


雖然畫廊好細
但都買左包記憶方包番去做手信派街坊

高岡並唔係咩多人既地方
而且呢個畫廊都幾鳩下
但長期都KEEP住有人黎參觀
叮噹個名再戰幾十年都應該無難度

又真係細得滯

高岡城就係格離

要行天橋過
不過見其實日本人都唔好咁守規矩


高岡城已經唔存在
連復原天守之類乜都無
完完全全只係一個公園
叫做高岡古城公園


門口有棵冧樹


古城公園地圖

其實已經可以睇到二之丸三之太全部都已經起晒建築物
已經完全無晒古城風味

三之丸

而家係體育館

中之島就無乜野睇

但又有紅葉亂入


有個庭園之類

過左呢條陽春橋

就係本丸


本丸已經變成左休閒空地
完完全全只係一個公園
比人好開心咁係度踢波打棒球

本丸格離係射水神社



今次旅程雖然都有去唔少神社
但就唔係好大型果隻
所以見到就拜一拜
上年學車PASS左
而家去神社我淨係得番一個要求
就係女女女女女
誠心到你唔信

二之丸

而家係市民會館

唔知拜乜



吸印仔就要黎到博物館

講下高岡城既歷史






話說都叫去過廿幾座城
麻木就稱唔上
仲記得去過既城既面貌
但歷史就呢方面就有D模糊啦
尤其係有D館唔比影相
記憶就更加輕易流失
所以我先唔明點解有D十九城都唔比影

高山不近


高岡城跡

完

雖然我都大佛無咩興趣
不過由高岡城行番車站會經過
就順便睇埋




其實真係一D特別都無
參拜就免鳥

續

感覺仲細過東京個果

東京果個都好細架?

睇城既野…歷史都係靠去之前/之後補充架喇

高岡城都唔算戰國時代既城了，而且壽命短（得6年命），反而估唔到響呢度講神保家

嚟緊月尾會去名古屋同北陸
可唔可以俾下意見？
Day 1夜晚到名古屋 住名古屋
Day 2 名古屋市內景點 住名古屋
Day 3 高山—>飛驒古川—>富山 住富山
Day 4 金澤—>白川鄉 住名古屋
Day 5 蒲郡市 橘子樂園+竹島 住名古屋
Day 6 名古屋市內景點
Day 7 早機走
中間會唔會太趕？

旅遊最好嘅境一定係一個好天氣

睇字，應該大你果個少少
但係唔係張張原稿都聽佢講，都要睇佢套片sip時間

乜都講D咁
不過唔夠時間係度睇一陣就走左lu

又唔算太趕既
不過skip左好多咁lor
唔去立山同上高地?

名古屋市內都唔算多景點
去下犬下城或者岐阜城都應該夠時間

同埋去蒲郡有特別原因架?
好似好冷門

你用昇龍道pass?

仲有日上新穗高果D落大雨

黎個真
好影響個人心情

立山個雪壁22號就完 所以諗住等下次再去
蒲郡就係想去個橘子樂園食蜜瓜同提子
應該用高山&北陸pass

用pass但你去得兩日好蝕咁

如果cover到個車費都ok

立山車費真係好差貴，我今年去只係買立山黑部加購票，多限制但平d