[長氣多圖][不爛尾] 中部北陸山地之旅

DAY3 白蝦亭,富山運河環水公園

富山除左係鐵路王國
美食都唔少
至少我SEARCH左好多間都可以食用既
係度待番三五七日都應該都未需要重覆

而富山站已經有兩間高過3.5分既餐廳
一間白蝦刺身
一間迴轉壽司
每日都大排長龍

睇唔到富山繪卷
就去左食野
一入商場就見到好多人排隊
原來係排白蝦亭既外賣
咁今晚就決定食呢個
堂食

問左好多人都只係排外賣
堂食條隊就唔算太長
十零分鐘左右



除左最出名既白蝦
仲有蟹可以食
但黎得呢度
唔係唔食白蝦呀

一場黎到
叫左最貴果款
買完有個牌等派飯




號稱200條
全部都係蝦
真係
好 撚 正 呀

終於搵到一樣可以同鰻魚匹敵既食物
成口都係白蝦滿足死

跟果塊蝦片都唔錯
走果時係佢姐妹店買左黎做手信拎左番公司
同事都話幾好食

食飽飽
經過電鐵富山站入去睇下
換即日飛上立山黑部應該就係呢個counter

仲有雙層觀光列車個座位表可以睇下

原來有一半位係反向

番酒店放低晒行裝就出發今日最後一站
富山運河環水公園

PS:無腳架,以下D相可能會睇壞眼,唔好打面

環水公園係車站北
而巴士站所有野都係車站南
要穿過地道先可以到

有人玩滑板
亦都有唔少流浪漢
同地面完全係兩極黎
不過無圖

行幾分鐘就到


如果仲係意大利既話
咁既時間出夜街真係一步一驚心
所以先話日本舒服
揹個斜揹袋仔又可以死出去

富山環水公園

都有唔少情侶
我偏偏就黎係咁按快門騷擾佢地

最亮麗果條叫天門橋

無咩技術既我最多都係影到咁

純粹較慢個快門黎影

行近D發現條橋原來會變色



而且仲有人係上面
突然覺得好興奮
原來環水公園夜晚都幾多野玩
好彩日頭唔得閒黎姐

上橋

全景

然後就上塔啦

三層樓
上完去先知原來有電梯

左手面果間係聲稱最靚既星巴克
好似係
不過唔知點解我對呢樣野無咩興趣
好似當日去島根旅館個老闆介紹我去出雲大社果間一樣
真係唔覺特別

同對面座塔有條紅線牽住

如果對面係個日本妹你話幾浪漫
但似係一家人多D


夜晚就睇唔到連峰啦





過埋去對面果座


九點半收工

但其實一個職員都無

係度玩左一排
影左D相
已經心滿意足


間STARBUCKS應該真係開到好夜


富山北同富山南既電車又係唔同公司既
不過富山北無咩景點
就無搭過呢一條線了

又買左件宵夜番去食

今次真係FATFAT

續

呢段睇法醫女王
石原里美好正呀

我食完碗白蝦刺身
第二日去食壽司都無叫白蝦壽司啦

我發覺自己真係有強迫證
死都要排d城落行程到

我都係上面個間食白蝦刺身丼

Btw 我就冇上橋影 公園

白蝦亭真係要等好耐

日本都追唔切
仲點追歐洲

我都係喎
個旅程一定要睇城
不過日本睇城應該好易
每個市都會有

但多野睇既唔多，除左自己想去/熟歷史個d

應該個個去富山都會食

我叫唔叫好彩
淨係等左陣

強迫到去歐洲都要搵d城黎睇
但人地一定要跟住個guide行

好多都係山頭
行好遠但又無野睇
真係想放棄

歐洲d城大到嚇死人
之前去俄羅斯去冬宮夏宮個d差d唔識路

我排個陣前面有兩個人

所以自己覺得有愛先好去，之前0400起身特登就係去備中松山城；重有落大雪行差唔多3km就係為左去米澤城

冬宮洗唔洗買定飛呀
就去
我仲book左兩架過夜車

好似去邊度都要搵城堡睇
搵特色車坐啦

其實都好快食完唔會等太耐
係第二日去間壽司早左收工
D人流轉晒去食白蝦

好彩我search過有兩間壽司差唔多分轉左場姐

我女友訂左先，穩陣d好

我個陣坐紅箭號，第一次坐臥鋪列車

我都係坐紅箭號
仲有程坐grand express
貴過住酒店

Grand Express再靚d
最貴個隻有得沖埋涼
我坐紅箭號都係坐第二貴個隻兩人房

我食個間迴轉壽司都有3.05分