女朋友話要層樓做生日禮物，結果我一口氣買左10間比佢

Lm

嘩屌好撚靚 巴打邊到買架？我都想砌

二十頭嘅女就係

不如你另外開個post屌

好緊張，幾時送

間屋連「汽球」就係一set淘寶買，本身係跟玻璃球，但我無用到玻璃球。
之後樹、長椅、草地、草粉都係淘寶，不過另一間
膠盒都係淘寶模型展示盒。燈同電池盒就鴨記買...

唔該晒巴打
一直都好想砌呢啲，無奈一般都好大間
之前砌嚟送俾個frd，自己就想要細細地嘅

巴打你咁花心思，收嗰個一定勁冧

又畫得幾靚

有無update?

出外公幹一星期，番嚟繼續

幾時送呀？我唔係要睇件野，要睇result呀！

等緊樓豬返黎

你條女幾時生日

好耐無見，小弟呢排突然有啲忙，搞到依家先得閒更新，唔知仲有無人睇緊呢？仲會留得低睇嘅，都應該真係有心想睇份禮物個成品同埋我女朋友個反應，唔排除仲有啲仆街等睇我地分手，真係屌你地啦 ，不過我就真係未驚過。

好啦，嚟到第九間，點都要用下連登仔嘅提議。

首先，可以無視隻柒頭米奇老母，純粹嚟刷存在感，繼續 。
之前有位巴把提議用天線得得b，我見真係幾得意咁就加咗落去，仲有其他巴絲打嘅提議我都有加落去，美人魚呀鬆弛熊呀，仲有最緊要嘅連登emoji同腦魔，加哂後終於感覺完滿啲了。真係多謝咁多睇過比過意見講過一句生日快樂嘅連登仔，令我覺得連登有愛 ，同埋係仲有好多正常，價值觀無被扭曲嘅人。雖然最後成個構圖怪怪地，但呢間係結合大家意見所出，點都特別啲嘅。



第十間

最後呢間就唔打算po出嚟喇，點都要保留番少少秘密比女朋友嘅 。



諗住畫完哂10間屋就完嘅我真係太天真了，真正麻煩嘅仲係背後。

屋嘅背面側面上面全部都仲要油顏色，我真係屌出聲 ，完全係自己攞嚟衰，想懶下hea鳩咁畫但諗到整咗咁耐，又唔想哂之前嘅心機，只好不斷增加自己工作量，唯有繼續完成埋佢啦。

諗左好耐點樣將所有屋統一埋一齊，畢竟所有風格都唔太一樣。最後諗到係用唔同色系嘅星空做屋頂，又可以連貫又好睇。

大概都油好哂了，遂間睇番先，都花咗唔少時間。
1. Hello kitty屋



有冇見到有啲星？話說整果陣係屋企是但拎支黃哂嘅牙刷嚟撥，諗住無人用，點知用完先知原來係細佬支牙刷嚟，結果比我用到開哂叉。我有少少內疚，決定做番個有手尾嘅人，擺番原位 。



2. 粉紅baymax屋

我都唔想咁粉紅，只係就番原本個風格就搞成咁樣。



3. 未聞花名屋

呢間個人覺得隻色配得幾好，不過屋面仲未上好色，其實只有hello kitty果間係上好哂色。



4. 龍貓屋

綠色同龍貓好襯 。



5. 伊利莎白屋

呢間係求奇油，但諗諗下如果油成紅白格仔屋都應該唔錯。



6. 肥豬屋

繼續亂嚟。



7. 寵物小精靈屋

呢間係最似銀河嘅一間，亦係我自己覺得最成功嘅一間。



8. 紅心畜生屋

純粹match番個色系 。



9. 連仔屋

四個字，色彩繽紛。仲有一個字，亂。不過可以係得得B肚腩睇到腦魔真係別有一番風味 。





加加埋埋都整咗唔少，都算加速咗不少進度。





睇落好簡單，但點解我整咁耐？因為，我女朋友其實......6月生日，我提早咗好多整比佢，因為知道自己多野做一定會拖，所以依家整定都差唔多了。呢段日子日日拎住啲木係到舞嚟舞去，屋企人見到都話我幾廿歲人仲成個低B傻仔咁，話連小學雞都唔希罕，但我諗依家唔整，將來人愈大，應該更加唔會有心整，呢啲心思野可能一去不返，所以如果明白嘅人，就會知道佢珍貴之處 ，不過我依家只係諗緊，唔知幾時先真正整完呢？

咁仲要等兩個星期左右
但我有信心佢一定會鐘意

好欣賞你呀巴打
如果我男朋友都會花心機整嘢俾我就好啦

btw我之前整咗張有機關嘅卡俾佢 佢睇咗一眼就擺返埋

龍貓屋隻色勁靚
想問巴打係點做到呢種染開嘅混色效果㗎？

加油巴打
以前都整過禮物送比ex
係個爆炸盒款夜燈，用cutter雕空各面牆某啲位，背面托牛油紙，入面放會變色嘅燈仔

真心靚

上色好靚 巴打好有心思
相信你女朋友一定鐘意