女朋友話要層樓做生日禮物，結果我一口氣買左10間比佢

做埋啲無謂野，溝學生妹用依啲招數就話得姐

樓主想問啲屋仔邊到買

好有心 條女會鍾意

lm 樓主繼續update製作過程please

認真我覺得記得佢鍾意乜嘢公仔 乜嘢動畫 仲要咁俾心機造嘅禮物
如果女朋友真心鍾意你嘅話 淨係諗到份心思都已經會好開心

我信佢一定會好受落架 樓主繼續加油

無謂垃圾野

咁多正評，我以為你買紙紮樓俾佢

其實 真係有問題咩？好有心機呀

搞掂啲立雜野之後終於有時間畫下。

我有追post，見到有好多人話覺得好有心思同鐘意份禮物真係好開心，亦比左唔少動力我繼續畫落去。不過我覺得好多批評其實都講得有道理，所以我有認真地睇哂。其實小弟都承認自己畫功好一般，啲公仔都係大部份靠google同少少自己創意去畫，所以係會走左少少樣，加上塊板太細，有時畫到手都震埋 ，唔太美觀請見諒。

我有睇哂大家嘅建議，有人提議我加入嘅卡通人物，我一定會盡量搵位放落去，好開心大家真係比意見我，不過比啲時間我，始終唔太熟啲新嘅公仔，要花啲時間去畫下。目前，我都係決定加番有我同女朋友專屬回憶嘅卡通落去。

至於實用性問題，我都諗過下點用令佢更實用，例如：
加啲香珠係間屋裡面？等佢間接屋都可以香噴噴
開個窿放memo紙係裡面，隨時要用可以mit出嚟
外面加個夾，等佢可以夾住我地啲相或者便條
都有幾多唔同諗法，但始終有少少天馬行空 ，點都好，加到就加，加唔到嘅其實佢本身係一盞燈，都唔算完全無用吧！

好，講番今日進度。

第四隻：

決定畫好得人鐘意嘅龍貓，呢隻有啲自己私心，因為我都幾鐘意佢，所以相信我女朋友都會鐘意，見到都唔忍心話佢唔得意啦，係咪先 ？但敗筆位係佢隻眼到，就畫完果陣一時太興奮，墨水筆hold耐左，眼珠變左一條線，成隻野變到好眼瞓咁，即時個樣戇鳩左，無左原本所想嘅咁精靈，好後悔。唯有加番幾粒炭屎陪下佢當補償啦。


第五隻：

無錯係伊利莎白，利申絕對唔係因為佢夠易畫先放落去，而係因為我女友真係鐘意銀魂。我絕對無偷懶，連果兩隻日文字都花左我幾分鐘時間去google translate㗎 。


大家話可以畫下我同女友嘅q版，我都考慮過，所以畫第六隻嘅時候我腦海努力回想女朋友嘅身影，最後畫左佢出嚟。

個女人成日話自己肥，另一邊廂又不斷諗住食食食。唔好話我無佢心，知佢為食，就畫一埋野食比佢慢慢j 。

今日暫時畫住咁多先。

本身以為整呢盒野好輕鬆，點知原來認真整都可以整好耐。可能有人覺得我浪費時間，好無謂，甚至吃力不討好，不過我覺得既然開始左整，就盡力完成埋佢吧，反正用嘅都係啲空餘時間，同埋就算只係為左佢果一下嘅驚喜，我都覺得值得。

其實佢係認真㗎

藝術白痴做唔到呢啲野成日俾人話無心思 唔浪漫 好羨慕你呢啲畫得畫既人

我男朋友以前都會送呢啲
係鍾意你既點都會開心下既
但其實我用唔著 放係度一星期掃兩次塵
得閒又要抹下 又唔扔得 會有少少少少煩咁啫

支持樓主

無牌子

以我第一次砌既經驗，慢慢砌咗幾個月 出到黎開埋燈個效果真係幾正，佢收到個下係驚喜 依加仲係佢間房

Btw 支持樓主

男人老狗整呢d真係好肉酸

睇留言仲以為樓主用哂成副身家買十隻木屋番嚟
樓主咁有心機為女朋友DlY禮物 份體物又唔貴又唔會嘥佢太多時間 條女明事理既話肯定唔會屌 有咩問題
而家啲人物質主義到

同班毒撚講呢啲真係嘥氣
抵佢地溝唔到女

D料邊度買 幾好

樓主你好暖

樓主話想實用擺香珠
不如直接改建做香薰座
插竹個種又得
買部迷你香薰機改造又得

柴犬

女人開聲講到咁，你仲成隻狗公咁去討好佢
頂爛市就係你呢啲撚樣，搞到女人成日覺得幾無理都好，俾男人氹係應份

如果佢份人隨和啲，話只要你送嘅咩都開心，你整呢啲就係好sweet嘅事，真係祝你哋白頭到老
如果佢講到咁，好心你醒吓啦