女朋友話要層樓做生日禮物，結果我一口氣買左10間比佢

米奇老母的老母

666 回覆

2900 Like 119 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁

米奇老母的老母 2018-04-24 06:34:52

見佢就嚟生日，我就好聲好氣問佢有冇咩想要嘅生日禮物啦，點知件八婆夠膽死同我講: 得閒買生日禮物，不如慳番啲錢諗下點樣買層樓比我仲好啦。

聽完後，我睇一睇戶口餘額，見到都有啲錢，諗都無諗，就衝左落街買樓。最後，我買咗10間木屋比佢。

米奇老母的老母 2018-04-24 06:44:54

果10間木屋係小弟今日心血來潮，係文具店買左盒屋仔燈diy套裝，諗住送比女朋友當係生日禮物。

目前大約整左少少，希望大家睇左可以比少少意見，或者心情會變好啲？因為我整嘅過程都幾開心，所以想同大家分享下。

事不宜遲，開始介紹下先。

由包裝圖可見就係一個連住10間屋仔嘅裝飾燈。每間屋仔中間都有個心心，然後裡面會透啲光出嚟，真係睇到都覺得有點兒溫馨了，希望佢收到都會掛係屋裡面，一樣覺得咁溫馨啦~

背面就係話你知有10間屋嘅部件，然後有燈，但唔包電芯亦無膠水之類其他工具。無計喇，呢個套裝都唔算貴，所以唔包所有工具都預左，不過唔會阻礙到我繼續整嘅決心的。

圖下方有一啲裝飾屋仔嘅示例可以當參考，但大佬，我自問就無咁高繪畫技術整到咁靚喇。見佢有唔同style，又拼貼又黑白又蝴蝶結，最後我決定了，我要用水彩。

拎曬裡面啲材料出嚟就係咁多野了。兩塊裁剪好左嘅木板同一套簡單小燈泡。

Ok，事不宜遲，我地開始畫第一塊。我諗左勁耐，真係唔知畫咩好。

最後，我決定唔多諗了，就畫隻無嘴貓比佢，加埋佢個完全唔知叫咩名嘅朋友企係隔離。其實我女朋友唔算特別鐘意Hello Kitty，但因為佢易畫又得港女心，所以就首先畫左佢先。

第二隻:

之前問過佢鐘意咩卡通人物，佢話鐘意baymax，小弟感到好安慰，因為夠易畫，唔洗兩三下就畫好左，兩個圓圈，兩點加一條線，K.O.。上面有啲空，我就是鳩但畫幾廿個心比佢。

接下來，我又陷入沉思，真係諗唔到畫咩好。

突然，醒起佢之前有套好鐘意嘅動漫，仲同我講佢睇到流哂馬尿，套野叫未聞花名，隻主角我認得，係幾得意嘅，但真係好難畫。

最後我畫左一隻q版女主角比佢，心心加到有啲悶，轉做花

。

自問以有限畫功真係畫到盡哂力，目前完成三間屋嘅封面。

Hello Kitty小屋決定係藍色，油好左個屋頂。

仲有成7間，我真係諗到r哂頭，但依家開左個頭，唯有繼續落去，好驚會中途放棄左。巴打們，有冇啲簡單得嚟又可愛嘅公仔可以推薦我畫下，小弟會努力整埋佢，希望有完成嘅一日啦。可以的話，另外仲想乞句生日快樂比我女朋友，即使距離佢生日仲有好長嘅一段時間，嚟緊又開始忙，會不定期更新進度，但一定要係佢生日前完成！