「法律撚」其實想同大家講，通姦同分身家係無任何關係

咁最好既辦法睇嚟就係唔結婚

cls
如果個男養家
工人做家務
冇仔女
個女咩貢獻都冇
都可分一半？

連登唯一嘅男人

事實證明，文盲係真實存在的

巴打我又無知一問 如果照你咁講，其實婚前財產係咪有機會都要分俾離婚後既另一方？主要係睇個法官點判？

分身家其實係點?
係一方向另一方要求分身家, 定係兩個人拎晒D身家出黎平分?
如果女既有錢過男, 女既要求分身家, 咁又分唔分到?
掉返轉, 男既又可唔可以要求分女既身家? 定係呢樣野只係保障女人?


我同意應該以分身家同贍養費係保障女性
以前真係好多男人娶個老婆返黎30年, 人老珠黃仔大女大, 之後出去包二奶
但係今時今日大部份都係兩個人打工, 甚至女既搵更多
真係不合時宜

唔好結就最好

香港法律真心反智

想問下樓主
知道女方偷食 又想分錢
預早搬錢走或 拎去過大海
有無刑事責任或洗唔洗賠返出黎？

根本香港法律就唔撚保障男人
包括果d咩非禮強姦都係男人處於下風

請問贍養費係咪一定要俾到對方再婚為止？
有無其他情況可以唔使再俾？

另外我經常聽見有啲男人拖欠贍養費，其實一直唔俾會點？如果個男人失業/俾唔起錢，又會點？？

我死都唔比
拎去買期指 輸曬
佢追都追唔返
三年前既資產已經輸曬
咁仲有咩分？

呢樣最仆街。講真分身家都算啦， 但係有乜理由唔係計net左負債之後條數而係分開計。我之前搞過， 雖然最後傾掂數， 但係睇之前個走勢， 佢就係想分資產但係又唔計負債。

講明白D， 即係原本當你身家係0， 但係你借左銀行100萬炒股票， 咁佢個仆街律師就話100萬現金就平分， 但係你欠銀行個100萬就淨係你欠。

所以記得還撚左loan先好同佢計數。

超過12 or 13年就係長期婚姻， 你預分一半開始計數。
未到 13年既就按年資計數。 越短當然越少

可以月供， 又可以一炮過買斷。

但係而家雙方都傾向一炮過。 女既驚你供供下唔供。 男既驚佢每三幾年要加價。

一直見到好多人都以為成功告到對方通姦就唔駛分身家，就好想開個post專門去講一講現行香港既離婚法律其實係偏坦弱勢既一方。令窮果一邊既伴侶係出軌出面幾乎係無成本。

曾經我見到好多出軌既男男女女，都會似各位鍵戰一樣義憤填膺，尤其是見到派帽既賤人仲可以又食又拎果下真係會真心覺得公義何存。所以慢慢睇下的離婚case，當下補習一下又好，俾將來可能會結婚既自己多個準備又好，都算係學到少少野。

其實香港通姦並唔係刑事案，要告通姦提證亦並非容易，一定要告通姦既原因大多只有兩種：出一啖氣，同埋令其成為離婚理由。世界上除左台灣，同埋一的伊斯蘭國家，其實連南韓等重男輕女國家都已經將通姦除罪化，告唔告通姦其實係香港無乜意義。

接落黎講下大家最著重既分身家。過去2010年前，分身家案大多採用「合理需要」原則，簡約黎講，大約係1/3身家左右，因為已經被國際（及香港）棄用，所以就唔再多講。

真正重點係，依家香港採用案例係來自英國既white v white，入面論述既係「平均分配原則」。即係觀點認為，男同女係家庭入面無論係咩崗位，不論係CEO定Housewife，對家庭既貢獻都係一樣既，所以係呢個情況下，財產係應該平均分配。（時間係一個重要考慮原則，如果討論中有人問再講）

對於上述原則，我只可以話出發點係好，但卻唔適用係香港既實際情況。一般中國男女結婚，好少係女人「下嫁」俾男方，而多數係男方有一定實力先有資格迎娶女方。所以係離婚方面，男人成本其實要高於女人。現今社會，道德淪喪，出軌其實已經不分男女，依近期多數網民熱話，女出軌甚至多於傳統認為「男人有錢身痕」既觀點。

咁有無辦法規避？有幾種唔無辦法既辦法。
1. 如果你係有錢佬，成立家族信託，家族協議可以有效降低你後代離婚時既成本。
2. 唔好俾家用，確保你另一半要婚後繼續工作。有俾開家用先可以要求贍養費，如果另一半同你有同樣賺錢能力，就多數分唔到多少。BTW，分身家/贍養費只存其一。
3. 婚前財產協議，英國係有案例曾經接納，但香港未有。即係話唔好以為簽左就萬事大吉。同埋講錢傷感情，多數要簽果陣，窮果個都會諸多藉口阿支阿左打感情牌，用愛字做牌頭去掩飾自己貪人地副身家既心態。

4. 香港係無「事實婚姻」，同外國唔同，香港只要你唔簽紙結婚，無論幾多年後分手都唔駛分野，除左有小朋友例外。

結論：我曾經都好傻咁問自己，咁結黎做乜。到依家都係得一個傻佬答案，相信佢掛？

怪只怪香港一層樓既價值太高，令貪婪既人性盡現。
Btw，我唔係律師，只能夠些牙一下自己既information，錯左歡迎指正，多謝。如果有人問，我亦會盡力答。

反而想知，如果證明到條女根本連housewife都冇做好，咁又點計？

可以供到一半唔供？
失業？破產？

想問第2點，如果無俾開家用，佢又做開野，咁身家同贍養費 點計?