「法律撚」其實想同大家講，通姦同分身家係無任何關係

一直見到好多人都以為成功告到對方通姦就唔駛分身家，就好想開個post專門去講一講現行香港既離婚法律其實係偏坦弱勢既一方。令窮果一邊既伴侶係出軌出面幾乎係無成本。

曾經我見到好多出軌既男男女女，都會似各位鍵戰一樣義憤填膺，尤其是見到派帽既賤人仲可以又食又拎果下真係會真心覺得公義何存。所以慢慢睇下的離婚case，當下補習一下又好，俾將來可能會結婚既自己多個準備又好，都算係學到少少野。

其實香港通姦並唔係刑事案，要告通姦提證亦並非容易，一定要告通姦既原因大多只有兩種：出一啖氣，同埋令其成為離婚理由。世界上除左台灣，同埋一的伊斯蘭國家，其實連南韓等重男輕女國家都已經將通姦除罪化，告唔告通姦其實係香港無乜意義。

接落黎講下大家最著重既分身家。過去2010年前，分身家案大多採用「合理需要」原則，簡約黎講，大約係1/3身家左右，因為已經被國際（及香港）棄用，所以就唔再多講。

真正重點係，依家香港採用案例係來自英國既white v white，入面論述既係「平均分配原則」。即係觀點認為，男同女係家庭入面無論係咩崗位，不論係CEO定Housewife，對家庭既貢獻都係一樣既，所以係呢個情況下，財產係應該平均分配。（時間係一個重要考慮原則，如果討論中有人問再講）

對於上述原則，我只可以話出發點係好，但卻唔適用係香港既實際情況。一般中國男女結婚，好少係女人「下嫁」俾男方，而多數係男方有一定實力先有資格迎娶女方。所以係離婚方面，男人成本其實要高於女人。現今社會，道德淪喪，出軌其實已經不分男女，依近期多數網民熱話，女出軌甚至多於傳統認為「男人有錢身痕」既觀點。

咁有無辦法規避？有幾種唔無辦法既辦法。
1. 如果你係有錢佬，成立家族信託，家族協議可以有效降低你後代離婚時既成本。
2. 唔好俾家用，確保你另一半要婚後繼續工作。有俾開家用先可以要求贍養費，如果另一半同你有同樣賺錢能力，就多數分唔到多少。BTW，分身家/贍養費只存其一。
3. 婚前財產協議，英國係有案例曾經接納，但香港未有。即係話唔好以為簽左就萬事大吉。同埋講錢傷感情，多數要簽果陣，窮果個都會諸多藉口阿支阿左打感情牌，用愛字做牌頭去掩飾自己貪人地副身家既心態。

4. 香港係無「事實婚姻」，同外國唔同，香港只要你唔簽紙結婚，無論幾多年後分手都唔駛分野，除左有小朋友例外。

結論：我曾經都好傻咁問自己，咁結黎做乜。到依家都係得一個傻佬答案，相信佢掛？

怪只怪香港一層樓既價值太高，令貪婪既人性盡現。
Btw，我唔係律師，只能夠些牙一下自己既information，錯左歡迎指正，多謝。如果有人問，我亦會盡力答。

咁有無辦法唔分身家？

贍養費係咪有小朋友又跟對方先要俾？

如果無小朋友係咪分身家一鋪分完算？

成立家族信託基金有d咩條件？例如要有幾多資產之類

1. 唔結婚就無身家分
2. 贍養費係用黎維持對方離婚黎生活水平=離婚前生活水平
3. 法庭如果頒令以「徹底分清」形式，俾完一筆就無手尾

無記錯睇新聞好似話5m hkd定1m usd 已經可以，不過得咁少既話管理費相對地都唔平

姐係話1m usd以下要硬食
Btw,如果係是但一方父母出首期、供樓亦係該方供多d.法庭會按比例來分層樓？

其實又可以講一講大家最鐘意既chi na新婚姻法，出台原意係遏制刻意騙婚離婚分錢者。想當年我睇完都拍案叫絕，睇住的謀人寺和尚/尼姑係度大罵chi na偉大黨都係一件樂事。

大家都知道當年係chi na，高淨值人士（多房產者）係大熱門國民老公人選，當新婚姻法一出台，對方既婚前財產即刻同你say goodbye，即係對方婚前賺既錢同你一的關係都無。

其實，大多數chi na皇民都係靠屋企慳埋俾個仔女買婚房用黎結婚，新政一出，只要無俾錢果個俾唔到出資證明，無論幾多年後都無得分。就算加左名，最後離婚都可以完好無缺咁收返間屋。

得罪講句，離婚分身家制度本身on9

按公平原則黎分身家，法庭會考慮到雙方對家庭既貢獻（做家務，湊仔，煮飯都計），以及雙方一齊既時間長度。

（好似臭雞同怪叔叔咁樣，怪叔叔既資產就好危險。）
無錯我係支持出軌賤人仆街死既鍵戰。

又唔可以咁講，舊屎女性既工作機會較少，亦有同工不同酬，保護返佢地係應該既。

但係我都幾認同Bill Burr講既野，同樣煮飯湊仔，做Kobe 老婆同做孫悅老婆可以差好遠，but why?
即係話呢的勞動力既價值取決於有錢人既身價？都幾荒謬。

象徵性1蚊贍養費其實暗藏陷阱

香港好似未有承認婚前協議並係有異議既情況底下強制執行，所以得唔得都係兩睇。

即係保留日後追討權利囉

有睇開我開既post既人，都知我真係希望香港既男人都可以堅強的，理性的唔好見到女人就發晒癲咁狗沖。

希望巴打們可以係開始一段感情前停一停，諗一諗果個人係咪適合自己，又或者係結婚前諗下係咪可以行一世。

咁Kobe老婆同孫悅老婆要面對/承受既壓力都唔一樣
一家唔知一家事、結婚後始終女方要承受男方既施壓>男方

咁可能大家見到既世界角度唔一樣啦，公唔公平就見人見智。

你可以參考一下李德義個新抱呢單野
https://hk.news.appledaily.com/local/daily/article/20111202/15855199

睇相佬話「女人口大食窮郎」都不無道理。
佢老公就係用同你講差唔多既理由去打，結果都要俾10幾億出黎。

Btw，女既唔係窮人，屋企都係勁野，都幾犀利。（無眨義）

補充多的呢單官司既資料俾大家：
http://realblog.zkiz.com/greatsoup38/29800

其實主觀的講，分身家既決定係偏人治而非法治，你所提出既理據好睇法官採唔採納。

點解你要將錢俾晒媽媽？呢個行為由幾時開始？一切一切都睇個理據合唔合理同有無必要性。

我個人認為你呢個理由好牽強，係站唔住腳

婚前協議都無辦法強制執行 香港法律真係好落後
就算唔係富豪 小小地有層私樓都驚老婆變心分身家啦