[歷史台]普魯士之逆襲，德國統一之路 (2)

嗰件事就係瓜分普魯士既出氣袋－－波蘭。話說當時既波蘭，準確嚟講係波蘭立陶宛聯邦（Polish－Lithuanian Commonwealth），真係慘豬豬啦。波蘭實行選舉君主制（Elective Monarchy），國王係由一班貴族選出嚟，外國勢力可以透過影響貴族，從而操縱選舉。當時波蘭既政事俾俄國控制，國王仲要傳聞係俄國女皇凱薩琳大帝個EX，喺俄國既影響下，佢被逼同多年仇敵普魯士結盟。咁玩法自然引起波蘭貴族既反抗，於是爆發大型起義。俄羅斯於是以波蘭領土做報酬，邀請普魯士出兵鎮壓起義，依個就係點解肥特烈要調走啲兵既原因。結果起義失敗，普魯士同俄羅斯喺1793年第二次瓜分波蘭，分走波蘭三分之二既人口。


末代波蘭國王，史坦尼斯華夫．奧古斯都（Stanisław II August)

到咗1795年，波蘭人民見到隔離法國革命搞得咁成功，於是有樣學樣搞起義，但係佢地冇諗過起義係要資本既，法國有但係波蘭就梗係冇啦。第一次瓜分果陣有份既奧地利今次歸隊，三國今次唔想再玩啦，索性一嘢收佢皮，直接分晒剩餘既波蘭領土，從此波蘭陷入不斷亡國復國既無限輪迴。三次瓜分為普魯士帶嚟西波蘭地區，領土增加咗成四成。


三次瓜分波蘭

腓特烈大帝打生打死都剩係為咗西里西亞依一忽仔地，而肥特烈輕輕鬆鬆就攞咗咁大片國土返黎，自然擺得起副得戚樣啦，過多兩年即係1797年，佢就係咁樣掛住個得戚樣訓落棺材到。睇返佢上任以嚟，雖然領土大咗，首都藝術咗，但係佢將普魯士搞到烏煙瘴氣，仲背棄同盟，私自同法國議和，結果普魯士得罪除咗法國之外既所有國家，外交情況非常不利。係依度，我代表普魯士人民，同你肥特烈講一句：「多撚謝晒！」

就咁睇波蘭真係好撚慘 永遠被動

伍：拿破崙（不可食用）

這是最好的時代，這是最壞的時代。

千古一帝腓特烈大帝殯天之後，普魯士王位就由佢姪仔腓特烈。威廉二世（Friedrich Wilhelm II）繼承。腓特烈大帝為咗唔想後代敗家，於是谷盡心機培育佢依個姪仔，到腓特烈。威廉二世上台時，國內對佢給予極高既期望，相信佢可以帶領普魯士去到新既高峰。

腓特烈。威廉二世在位初期的確不負佢阿叔既期望。佢致力恢復普魯士連年征戰後既經濟，與民休息，輕徭薄賦（下刪一萬字）。佢最大既貢獻，就係開放國家咖啡同茶葉既專賣。喺當時既歐洲，茶葉同咖啡都係非常重要既貿易產品，兩種物品既貿易開放，令到國內商人可以藉此擴大生意，從而有助貿易乃至製造業既發展。另外，佢同阿叔一樣，都係狂熱既藝術愛好者，佢喺柏林興建大量既歌劇院同圖書館，著名既勃蘭登堡門就係佢發起興建，仲不時資助當時著名既音樂家例如莫札特等，令柏林成為繼維也納之後，德意志地區另一文化中心。

好啦，好野就係咁多。係時候講大家最鍾意聽既衰野。


腓特烈．威廉二世

唔係小弟以貌取人，但係佢個肥樣同佢既政績都係一擔擔，肥到小弟要叫佢做肥特烈（唔想再叫人做腓特烈）。新官上任三把火之後，佢就沉迷於宗教活動，即係耶撚啲佈道會等等，導致宗教勢力深入宮廷政治入面，而佢本人亦逐漸俾神棍約翰基斯陀佛（Johann Christoph von Wöllner）控制。依個阿John曾經俾腓特烈大帝評價為「危險的僧侶」，備受冷落，點知依家山雞變鳳凰，自然要耍一威風。係佢既影響下，肥特烈頒佈宗教敕令，大力打擊天主教，規定神職人員只能信奉新教。同時，佢又實行嚴厲既出版審查，壓制言論自由。腓特烈大帝時代既自由同活力，就係咁俾佢搞到冇咗七七八八。

平心而論，佢咁搞法又未至於動搖到國家既根基既。但係好景不長，依個時候既歐洲正係度醞釀緊一場腥風血雨。

就咁睇波蘭真係好撚慘 永遠被動

就咁睇波蘭真係好撚慘 永遠被動

波蘭絕不滅亡

就咁睇波蘭真係好撚慘 永遠被動

波蘭絕不滅亡