大德意志方案主要受奧地利,同以巴伐利亞為首既南德諸國所支持,佢地認為奧地利四百年嚟都係德意志既大佬,應該由佢統一德國,而普魯士依啲北佬,嚟自鄉下地方(南德地區不嬲工商業方面較發達),唔配做佢地既大佬。
小德意志方案主要支持者就係以普魯士為首既北德國家,以及關稅同盟入面大部分成員。佢地認為奧地利,或稱哈布斯堡帝國,領土入面只有三成係德意志地區,其餘部分包括匈牙利、捷克(波希米亞)同南斯拉夫等。倘若奧地利加入統一德國,依班異族應該點處理呢?話明德國,就冇理由會有南斯拉夫係度啦,如果奧地利放走佢地,又要擔心佢地會唔會同英法勾結,嚟個東西夾攻,到時就大鑊啦,所以為咗德意志既共同利益,奧地利無得玩依個統一遊戲。
德意志國家對兩種方案持唔同意見,史稱德意志問題(Deutsche Frage)。
其實仲有人提出第三個方案,就係統一所有德意志國家,除咗奧地利同普魯士。。。小弟都係講返俾斯麥算。

由誰統一德國?--奧地利?普魯士?

西德意志語系地圖(1918年;英語不在圖中)