[歷史台]普魯士之逆襲，德國統一之路 (2)

我仲睇緊第一個post
但見到個point 好想留言
就係話普魯士軍服整到好型提升士兵士氣
其實我都係咁覺得
套制服型啲靚啲你員工著起都行得大步啲
完全唔明點解香港各行各業啲制服都可以咁柒
講緊係大公司又柒細公司又柒連紀律部隊都係柒

納粹啲軍服

香港公司要你做奴隸
著住套制服就代表你係公司既物品，唔再係你自己
金融才俊就一套套西裝，行岀黎高下立見

學名學野

留名

留名

留名

留名

留名先
搵左勁耐都搵唔到

留名

F5掣就爛

加速

我偶像拿破崙要出黎喇

留名

繼續推

而對面陣營則派出普奧聯軍打頭陣，由於肥特烈不善打仗，所以就以卡爾．威廉．費迪南親王（Karl Wilhelm Ferdinand） 為主帥。依位費迪南親王係國王既堂弟，喺真正既戰神出現之前，佢被譽為最接近神（腓特烈大帝）既將領。五年前佢受肥特烈指派，帶兵協助鎮壓荷蘭反動騷亂，以狂風掃落葉既姿態鎮壓叛軍，成個軍事行動幾乎冇流血。肥特烈心諗今次搵佢揸旗實冇死啦。點知佢打仗係勁，但係政治頭腦就麻麻。佢見革命者捉走咗路易十六，就喺開打之前發表布倫瑞克宣言（Brunswick Manifesto），再次警告革命者，千祈唔好郁到路易十六一條毛。


男神費迪南親王

唔講由是何，一講就激到班革命者團結喺嚟，士氣大增。兩軍喺法國北部展開華爾密會戰（Battle of Valmy）。軍備精良，訓練有素既聯軍共37000人，主動進攻臨時由義勇兵組成既法國軍隊共40000人。雖然係雜牌軍，但係法軍憑著士氣既加持之下，一邊嗌住「祖國萬歲」，一邊堅守陣地，竟然頂住咗進攻。費迪南親王見到軍隊冇法子突破敵軍防線，只好提前離開戰場。依場戰鬥雖然早早結束，仲要係平手，但無疑幫革命者打咗支強心針。其實普魯士，又有乜好怕喎！戰後普魯士覺得戰事俾預期難打，軍費仲要貴到那脷，決定從法國徹兵。


革命軍繼續周圍「解放」人民，係同年成立法蘭西第一共和國，然後喺翌年1月21日將曾經既國王推上斷頭台。此舉搞到其他君主制國家包括西班牙荷蘭英國等紛紛反對革命，法國索性一次過向佢地宣戰。依堆國家聯同普奧兩個鐵膽，組成第一次反法同盟（First Coalition)。


第一次反法同盟

曾經有人形容過(其實係小弟），一二戰既德國就好似三五成群入面既阿雞咁，周圍挑人機，結果慘遭圍毆。其實喺德國統一之前，阿雞依個角色係由法國擔任。近至法國革命戰爭，遠至當年既西班牙王位繼承戰爭，法國都係被圍攻嗰位。所以有人恥笑（唔係小弟）法國係重大戰爭入面從來都係輸既一方，其實都要體諒下佢既處境，當然兩次世界大戰佢自己唔打得就除外啦。

阿雞

留名

lm支持

留名

法國新政權為咗應對包圍，於是實行全民徵兵，成千上萬既憤青湧去當兵，令到法國能夠動員比其他國家更加多既兵力。你諗下，佢地唔係鍵盤戰士，而係成班勇武憤青，個個年青力壯咁樣殺埋黎，都咪話唔得人驚。到咗1794年，法國已經完全佔領比利時同萊茵河附近既神羅國土，喺比利時建立傀儡國－－巴達維亞共和國（Bataafse Republiek），甚至試過越過庇利牛斯山，進攻西班牙。普奧聯軍被逼採取守勢，而英國一如既往，剩係夠膽用海軍騷擾法國。


就喺依個危急關頭，肥特烈竟然命令普軍全面退場，仲要係翌年同法國簽訂和約，退出第一次反法同盟，仲秘密承認萊茵河以西既神羅領土歸法國擁有。點解要咁做？因為肥特烈覺得依個時候有更重要既事去辦。

lm

live左

留名

因為毛豆腐覺得依個時候有更重要既事去辦。

就係繼續出文