議會所提倡既,大部分都係老生常談,特別在佢哋提出既統一德國,係由世襲君主做領袖,而唔係部分革命者提出既共和制度。由於議會反對奧地利首相梅特烈既歐洲協調政策,所以老大奧地利皇帝費迪南一世無緣統一德國既龍椅,議會於是單方面選出老二腓特烈.威廉作為國家既領袖。

德意志革命的人性化象徵--Germania

法蘭克福議會,上方掛上Germania

法蘭克福議會主席加根
腓特烈.威廉一收到邀請,心諗:你想送朕去死?!佢如果做咗德國皇帝,莫講話會得罪奧地利為首既德意志邦國,其他國家尤其係俄國更會予以強烈譴責,甚至出兵干預。所以佢即刻reject offer,仲話唔會接受「來自溝渠的皇冠」,搞到局面勁尷尬。
有戴耀廷依個人版你睇,學者通常都係唔識搞政治既,結果議會又為皇帝邊個做嘈咗成年,最後都係得個吉。到咗1849年4月,奧地利議會代表不滿自己君主冇得做德國皇帝,全體退出議會,仲拉埋南德國家走人,剩返既議員最後都俾普魯士軍隊趕出議會,雖然有部分頑固派繼續喺第二度開會,但係已經冇人再理佢地。
1848年,德國距離統一就係這麼近,那麼遠。

普魯士軍隊趕走法蘭克福議會成員

加根向Germania哭訴:「姐姐,我幫你做咗個皇冠,但係腓特烈哥哥將佢掉埋一邊呀!」