我個人認為 ai技術呢幾年應該會有self learning 呢個功能 但要講到令飛機完全無人駕駛 呢廿年應該都唔太可行
見上面留言都無咩從飛機角度睇點解要一個飛機師 我一步一步解釋飛機點樣由一個地方去另一個 中間加插下我個人見解
起飛前:
1. Dispatch
主要係set飛行路線 貨倉行李分佈 用邊條跑道起飛 跑道情況(乾?濕?有雪?點解要知可能下小小講)
然後將呢堆資料打入飛行電腦(flight management computer)
2. Cross check and walk around
機師會再對dispatcher輸入既資料啱唔啱 然後calibrate inertial reference system 一個系統用黎計飛行速度 位置 高度 氣壓等等
然後就到 walkaround 呢個時候機師就會圍住架飛機行個圈 睇下外殻/ 機翼有無咩損毀
個人認為如果呢一步要由電腦取替 成本已經高好多 因為你要裝sensor 去感應呢啲損毀 想像下一架機要裝幾多舊
3. Clearance to departure, push back and start engine
要同塔台聯絡 make sure飛機可以起行 有時會同你講traffic congestion 唔比你起行
Push back都無咩特別 係start engine果陣個塔台/ramp會望向飛機既方向 確保無人係引擎左近
4. Taxi
飛機滑行果陣 機師會再check每樣野都係啱既位置 有開燈 飛行路徑啱 等等
4. 起飛
起飛果陣機師會睇實個儀表 確保每一樣野都正常地運作緊
(仲有踩Rudder 等架機唔會比風吹離方向)
呢個時候有個好重要既指標: V1
V1:當飛機過左呢個速度 跑道既餘下日長度唔會足夠令飛機停定
換句說話 姐係飛機點都要飛上天空
係呢個速度前 機師係有權根據程況而reject take-off (RTO)
起飛以後都無咩特別 我反而想講既係空管
5. 空管
好多時空管會要求機師去到某點前達到某高度/ 速度
以香港為例 飛機要過萬尺先可以飛入中國領空
又或者降落時要機師排隊 呢個時候機師就會飛去一個位叫hold
下次搭飛機果陣留意到架飛機圍住個楕圓形飛既話 果個就係hold
另一個角度睇 飛機要自動化既話 空管都要跟隨腳步
6. 降落
呢個時候機師要考慮既野:
人手降落?自動降落?
Flaps應該要落幾多?
如果天氣情況唔理想的話 速度又要快幾多?
(多啲速度=多啲時間比機師去反應唔同情況 eg windshear, microburst)
自動降落的話 機師要不斷mon住飛機各項儀表 確保飛機去緊啱既跑道 速度高度等等係範圍之內
機師隨時可以決定重飛/轉飛第二個機場等等
直到一個位叫minimum 呢個時候飛機就要降落
總括而言 飛機自動化個成本太過高 為左cut機師既成本而放更多既錢似乎唔太可行
講到atc, checklist果堆電腦做唔到咁
返而atc落指令應該可以留俾電腦做,auto guidance同optimization
只能講真係識ai就唔多識飛機,識飛機就唔多深入知咩係ai
而家連手術都可以有部份俾ai輔助我諗揸飛機跟本只係時間問題