【天腦】《病港ＩＩ》（８１）

加更200正評

「其實喺大學我哋一樣可以參與研究。」戴牧博士說。

「大學……」王達尼苦澀地抿嘴，十指交扣：「你哋都知大學嘅安全程度，其實比你哋想像中低，喺到我哋可以提供最全面嘅保護俾你哋。」

我不禁心中揶揄，如果中文大學都叫不安全，港島簡直可以稱得上地獄。

三位專家的表情，都表示著懷疑：「周圍都係荒廢嘅爛樓……」戴牧博士說。

「信我，你哋喺到住排就會覺得啱住。」

門傳出兩下敲聲，推開後侍應捧著一籠蒸點到桌上：「甫魚燒賣，請慢用。」

傳統的點心，末世後幾乎無法吃到。

榕桂昌感嘆：「哇……我對上食茶樓燒賣，都成十幾年前。」

「係我專門搵點心師傅整，你哋大學應該唔會食到？」王達尼遞手示意：「各位起筷。」

尷尬情況來了，一盅燒賣只有四件，但飯局包含我有五個人。

「你哋食。」我主動禮讓。

「唔好嘅，你食啊。」戴牧博士放下筷子：「燒賣我唔啱。」

下道菜式是珍寶蝦餃、菜苗餃和鳳爪飯，最後以紅豆沙作結。簡單享用過港式茶點，就到跑馬的環節。跑馬的樂趣我不懂欣賞，但氣氛是一流的，尤其觀眾的吶喊聲，讓賽事變得緊湊刺激。

「你哋賭唔賭馬？」王達尼行出露台。

「雖然我都差唔多成六十幾歲人，但賭馬真係未試過。」戴牧跟著行出露台。

「試下？」王達尼抬目想了想，開出另一種玩法：「賭贏嘅話，即刻將送你返大學又點話？」

「王生你係講笑定講真？」胡康華眼睛亮起來。

「緊係講真，咁先刺激嫁嘛！」王達尼對胡康華招手：「我哋玩最簡單嘅賭法，賭邊隻第一。」

大家緊靠露台欄杆前，盯緊著場上的馬匹。

曾經因為一些事情，令馬匹本該在港島區滅絕了，導致競馬賽事的消失，但由於部份人私藏馬匹，乃至末日博士刻意留有種馬，如今才能在賽場上重新看見。

場上合共十隻馬，說不上質素上好，但不會瘦得腳蹄發軟。

「我揀……」戴牧手指向其中一匹馬：「六號，代表忠誠嘅號碼。」

「六號？都揀得幾好，胡生呢。」王達尼問另一位專家。

「八號。」胡康華點點頭：「隻馬睇落好健康。」

「榕生……」

榕桂昌低頭注視著角落的盆栽，完全沒興趣理會賭馬的事情：「喔……我、我啊，揀九號啊。」馬匹的狀況看都不看就下注了。

「六、八、九號。」王達尼抽出香煙，叼著點燃：「好我揀一號。」

第一輪賽事的馬匹各就各位，從前的起跑閘變成一條粗繩攔住賽馬。

馬場用發令旗取代了訊號槍，當旗幟放下後就示意比賽開始。

「嘶！」十隻馬匹奔跑而出，觀眾跟著大叫。

開跑後五秒，馬匹開始上下排名。

因為他們處於貴賓房，所以附設收音機由賽馬評述員描述情況：「暫時領先嘅係一號馬「銀色子彈」，緊隨其後係五號嘅「神秘幻想」，叮噹馬頭排第三嘅係六號「電光夢境」同八號「暗影華爾茲」，其餘不分上下，最慢嘅係九號「塵土旋風」……」

戴牧博士看得不自覺握緊拳頭：「你個隻跑得好快……」

「我個個禮拜同睇馬，銀色子彈係我最睇好。」王達尼沾沾自喜。

賽馬評述員：「塵土旋風突然後來居上呀！一口氣超越虛無波動、天界和聲仲有黃金地平線，塵土塵土塵土塵土塵土塵土塵土塵土塵土──旋風！衝線啊！塵土旋轉完成逆轉，由最尾跑上到第一名！」

王達尼目瞪口呆，反應不來。

「唉。」戴牧和胡康華同聲嘆氣。

榕桂昌似乎沒留意到自己下注的馬獲勝，他手裡捏著盆栽的泥巴，貌似想要偷偷放入口。

「桂昌，你啱啱係買九號？你贏咗！」戴牧博士忽然想起。

「係咩？」榕桂昌立即放掉手中的泥巴，往褲子拍掉泥濘：「哈，又幾好彩喎我。」

「你可以即刻返大學啦。」胡康華抑制住自己的激動。

「吓，返大學？」榕桂昌剛剛似乎沒認真聽到獎勵。

「係咪啊王總統？」戴牧博士問。

「嗯……」王達尼捂著半邊臉，好像自找了麻煩：「係嘅，講好咗無理由反口。」

「返到去幫手好好照顧我老婆。」戴牧博士馬上給出委託：「記住，佢平時只係飲暖水，天氣轉涼記得加件褸俾佢，每個月六號係我哋紀念日，記得要去未圓湖附近摘枝花俾佢，每逢禮拜日早少少六點起身，陪佢去湯若望宿舍到彌撒，我哋一齊種咗棵樹喺胡草外面，記得定期施肥同俾水，仲有……」

「我……」榕桂昌打斷他的說話：「其實都未必話要返去？留喺到貢獻下人類都幾好。」

王達尼喜出望外，給予熱烈鼓掌：「榕生，你係我見過最偉大嘅學者。」

「其實我都有另外有個小願望。」榕桂昌抓抓頭髮。

「請講。」

「我想要香煙卡，要第99號。」

「無問題。」王達尼彈響手指，呼叫部下：「拎個箱嚟。」

一名握著手提箱的保鑣，把手提箱放到桌子上。

王達尼和該名保鑣分別掏出一根小鑰匙，插入手提箱的鎖孔，然後同時扭開。

「咔噠」手提箱解鎖，王達尼輕輕地掀起。

王達尼拿出一雙手套戴上，溫柔地拿出第九十九號的香煙卡。

不知道的話，還以為這是發射核彈的手提箱。

王達尼雙手握著香煙卡，遞給了榕桂昌。

「終、終於……」榕桂昌渾身抖顫，無法控制得住自己。

「啲卡價值好大？」胡康華低聲問我。

「我都想知。」我答。

接過香煙卡後，榕桂昌反覆吞嚥口水：「王總統，你知唔知集齊所有香煙卡會發生咩事？」

「會……」王達尼像想起什麼：「你集齊哂！？」

榕桂昌拿出卡袋，顯示出每張香煙卡：「無錯，依間製煙廠話，只要集齊哂就可以到佢哋工廠換到終極神秘大獎。」

「……」王達尼額頭流出汗。

「可唔可以車我去工廠換獎品？」

「可以，當然可以……」王達尼明顯用話語拖延：「完咗賽馬我哋先過去好唔好？哈哈難得嚟到馬場。」

「可以，多謝你。」榕桂昌拉開椅子，身子靠前坐下：「我依家好緊張，好期待獎品究竟會係咩……」

「獎品究竟係咩嚟？」我低聲問王達尼。

「無啊……其實只係我為咗刺激銷量作出嚟，根本就無咩終極神秘大獎。」王達尼不經覺咬斷了嘴中的香煙。

達尼好正

比着之前嘅話，應該好快有同人圖

其實直接帶三位專家入樹鄉行一轉，到時唔捨得走啦

終極大獎就係樹鄉獨家專利研究權

屌你

第一同九十九號卡係咩人物 點解咁難儲

No.1一坪的密林
No.99傭人熊貓

推

病讀有冇機會數到100張卡

推

1.韓湘的死皮
99.瑜小六的腳甲



你哋都係想我咁講

lm推post

比總統個位佢做

唐納瑪將戰勝歸來

小六的口水

瑜小六的私藏青瓜

咁直接車佢入樹鄉就得啦
食泥食到死都得

王達尼輕搔嘴角：「其實我計過機率部份煙卡係好稀有，正常人食到肺癌都唔會抽得齊啲卡。」

「有兩張係你親手俾佢。」

「所以真係搵著自己搞……」王達尼眼梢瞄向榕桂昌，悄聲地對我說：「幫我手，問下佢期待咩獎品，廢事搞到佢期望落空。」

「榕生。」我唯有走去幫忙套話：「你期待嘅終極大獎會係咩？」

「呃，如果係金銀珠寶就太膚淺，哈哈哈。」榕桂昌滿眼都是期盼：「我想要誠意！」

我將話轉述給王達尼，卻讓他更為煩惱。

「M，你依家過去工廠到幫幫我陣間扮負責人，一陣頒獎俾佢。」王達尼直接把責任推給我。

「吓？」我愕然。

「唔該你，你仲有時間去搵獎品。」

我不知自己為何要答應，可能我已經習慣性聽從總統的命令。

賽馬跑完十場後，他們就乘坐專車前往製煙工廠。

專車駛到工廠下，幾人便開門下車。

「我個心跳得越嚟越快。」榕桂昌摸一摸心臟，用力大嗅空氣：「好強烈嘅煙草味！」

已經喬裝成煙廠負責人的我，穿著黑鼠商團標誌性的黑色連身衣，再配搭厚厚的布製面罩，站在工廠門口迎接他們。

「你好，係咪黑鼠牌香煙工廠？」王達尼一下認出我，主動上前詢問。

我刻意不用平時的說話風格和聲線：「係呱，有乜貴幹？」

「我有位朋友，集齊哂香煙卡。」王達尼伸手向榕桂昌。

「咁叻啊？」我對榕桂昌招手：「跟我入嚟。」