【天腦】《病港ＩＩ》（８１）

推

「大學無正視到神童嘅錄音？」

「你都唔會信有隻不明生物可以將人腦當成路由器，傳送電磁波殺人於無形，大學只係當陰謀論。」西裝客頭部輕輕搖晃：「可惜無其他情報指向源頭，咁多年嚟都係治標唔治本，淨係解決到掘起緊嘅信徒，但佢哋越嚟越聰明，隱藏得好深。」

「你係咁攻擊佢嘅信徒，佢有冇攻擊過你？」

「有。」西裝客黯淡的臉孔上，勾起淺淺嘴角：「以前我唔係用橡膠子彈，用鉛彈。有次我無任何預兆咁受襲，全身都好似俾某股能量震動住，每個內臟好似要爆開，正常只要一槍打爆信徒個腦，就可以解決問題，但當時身邊有好多人，我分唔到邊個人個腦連接緊天腦，最後我只可以向佢哋每一個都開槍，直到射死真正嘅信徒為止。」

我問：「死咗幾多人？」

「十三個無辜嘅大學人。」

「聽你語氣，睇嚟你放低咗。」

「我唔會糾纏喺過去，當時情況唔係你死就我亡。」西裝客若有所思，彷彿回憶起當天：「我俾咗個稱呼，統一去叫嗰班信徒──虔誠者。」

「除咗你成間大學有冇其他人知依件事？」我自己都很少跟人說起，畢竟沒真正被天腦接觸過，是不會明白那種真實感，只會被人當成懷疑是不是說瘋話。

西裝客點頭稱是：「係有。」

「真係有？」

「我有個團隊。」

「估唔到。」突然覺得自己並不孤單。

「佢哋平時多數都匿喺屏蔽室，嗰到係個用法拉第籠保護住嘅密封空間，可以阻擋電磁波。」

「但都無可能全天候匿喺法拉第籠到。」

「我哋有個天才研發咗V2K干擾器，類似會發出特殊噪音嘅儀器，噪音會干擾傳入腦嘅電磁波防止腦控。」

「V2K？」我又聽到新的詞彙。

「V2K都係個陰謀論，簡單嚟講係一種通過無線技術將聲音直接傳送到人腦，令你腦入面出現聲音嘅技術。」

「你哋認為天腦唔係生物？」

「我同伴認為係外國政府或者軍方，喺天空上面設置嘅腦控衛星。」

「喔……我越嚟越好奇你身份，無乜點見你依種大學人。」我意思是，我平時遇見的大學人都跟病者毫無關係。

「你可以理解我嘅角色其實同你差唔多。」

我本來想繼續喝檸檬水，但都喝光光了：「其實我哋合眾國打算重啟疫苗計劃，但需要保護。」

「唔容易。」西裝客指指天上：「你大腦俾人監控緊，可能會重演中大嘅悲劇。」

「如果學你哋同法拉第籠整間屏蔽實驗室，應該可以防止到天腦干擾？」

西裝客理所當然地說：「如果我哋大學嘅軍工專家未去北部都會區嘅話。」

「平時我可以點樣搵你？」

西裝客明顯有些猶豫，但還是告訴我聯絡方法：「想搵就去新亞水塔。」

我們今日談得差不多，西裝客到底何方神聖，背後是好是壞，我仍要些時間摸索。

畢竟有相同目標，不等同是自己人。

「你仲會留喺港島，定好快就返去？」

仲差三補文會喺今個星期內補

文啊

呢排有交帶 正皮

真 呢排好有交帶

kingsman

墨巴終於出到文

好期待西裝客會對主線帶黎咩沖擊 另一個M嘅角色（走中二病版）

個西裝客咩料？冇啦啦出現扮大袋

虔誠者

未領教過M之道理嘅人

病港清閒的日子不會長久，被派往南丫島的囚犯好快生出了事端，聞說有合共三十一名囚犯，發生叛亂集體朝西南而下前往外伶仃島。

這種事情按理上無需我親自出手，但是外伶仃島有個隱憂，讓我不得不親身去了解，那就是給遺棄島上患有獨眼症的聖靈。

這件事令我了解到一個道理，有些事你放著不管，難保有日會令你麻煩得很，聖靈如是，病者深淵如是。

我是時候要收拾自己一路走來，留下的手尾。

我乘坐一條小船，先前往南丫島了解情況。

島上風貌跟前些日子沒太大差別，最大不同是人類已經重新佔領這片土地。

如今島上主要存在三類人，第一是原居民、第二是輔病獵、第三是囚犯，暫時最高負責人是姜河冥，有見於管理層人手緊張，南淵病獵需要分散，他們都是一等一的軍官，指揮統籌不是什麼難事。

下船後我被人帶到大灣肚的海灣餐廳中，聆聽姜河冥給我的回報。

「咁遠水路嚟辛苦你，其實我哋都處理到。」姜河冥拉張白色塑膠椅過來坐下。

「我本來唔打算插手，但外伶仃島唔同，上面有隻特殊病嬰，我點都要睇睇。」我凝望著風平浪靜的海灣：「但依到距離座島有成十公里，佢哋都走到？」

游水的話可以，但他們不是游泳健將，平時飯都吃不飽，應該比較困難。

「佢哋喺發電廠幫我哋搜索嗰陣，偷咗木條、膠合板、塑料桶嗰類材料整浮板，有個仲整咗木伐挾持負責睇住佢哋嘅輔病獵上去。」

「仲有人質？」

「四個輔病獵，因為有人質，我無放箭追擊。」

「我陣間過去。」

「需要隊員？」

「我哋仲有人手？」我苦笑。

「島上嘅居民佢哋有啲人平時出開海，都幾熟水性。」

「你幫我搵，叫佢哋三點左右喺到等。」我拿走餐廳的枱布，鋪墊外面的沙灘上，然後躺下來享受微暖的日光。

時間一轉，來到三點鐘。

姜河冥替我召集了十六名島上居民，為首的是個叫林祺兵的人，關於他的事我已在薛墊仁等人口中聽聞，就是島上被竊屍賊佔領時，僅餘的殘存反抗勢力。

「好高興見到你，病獵會長。」林祺兵代表其他人跟我握手。

「唔洗拘謹。」我跟他握手。

「希望會幫到你手，我哋會用龍舟盡快帶你過去。」

「龍舟？」

「用龍舟嘅話唔洗慢慢等風。」林祺兵抓起一巴沙子，放開手讓它們落下：「依家無乜風……」

「你話事。」

「各位準備！」林祺兵向自己同伴招手。

十六名島民分別坐於龍舟兩側，我坐船頭不用划船。

林祺兵的呼喝聲下，大家整齊地朝著西南方向去。

龍舟相比起帆船確實是肉眼可見的快，但好考驗劃手的耐力和協調。

我把手伸入冰涼的水中，波紋沿著我手背向外擴散。

「病獵會長……」林祺兵望著我：「以後如果有咩工作，可以介紹俾我。」

「做咩，你都想做病獵？」

「我兄弟同島民好多人仲捱緊餓，非常非常需要食物。」

原來我不經覺間已成為了社群支柱的角色，林祺兵的請求讓我意識到，我不僅需要消滅病者，還肩負著一定程度的社會責任。

「有啱嘅嘢我搵你。」我回答。

「我哋水上活動樣樣皆精。」林祺兵努力地推銷自己。

「你以前係做咩？舊社會時代。」

「我？我係滑浪風帆教練。」林祺兵介紹自己。

緊接隊員們開始介紹自己前半生職業：

「我參加過泛舟錦標賽。」

「我有外國潛水牌。」

「我係教衝浪……」

「你哋職業都離唔開水。」我轉頭望一望外伶佇島：「陣間上島，你哋盡可能唔好亂走，依到住宅區某間屋到有隻好危險嘅病者。」

「吓，咁堆囚犯……」

「都危險，但我嚟主要係擔心個隻病者。」

當夕陽與望南丫島發電廠的冷卻塔重疊時，正值龍舟登陸岸上。

劃手們個個筋疲力竭，坐在原位休息一段時間。

聖靈的最後位置，如無意外仍然是在李氏的別墅。

「我哋跟住你？」林祺兵問。

我舉起兩隻手指：「分兩隊，一隊留喺到睇住龍舟，一隊跟我入去。」人多好辦事，就算幫不了忙都可以分擔傷害。

我穿越一片相思樹後沿著公路走，來到了島嶼中央的一座湖前，豎立的介紹牌標記著「礦石湖」。

礦石湖的湖水為淡綠色，波光如翡翠般閃耀，看上去清澈得令人震驚。湖邊是層次分明的礦山，上面生長著木麻黃，這裡曾是花崗岩的採礦場，亞鐵離子豐富，能稱得上綠水青山。

「水呀！」一位隊員快步走過去，扒著湖水喝。

其他人都在靜待他的試毒報告：「……」

「唔……」扒了幾口水的隊員大讚：「係雨水啊！」

他們顧著喝湖水時候，我卻意識到那些囚犯剛登上岸，都好大機會找上這座礦石湖，附近可能有他們的蹤影。

我沿著湖邊搜查，果然真的發現了些線索。

或許是囚犯當時利用浮板游過來，弄得衣褲是濕漉漉狀態，所以他們脫了下來遺棄此地。

我們稍作停留，便開始沿著公路前往居住區。

隨著太陽下山，整座島亦默默沉沒黑暗裡，大家只能隱約看見彼此的身影。

慶幸島上沒有病者，只要走路小心點，都不致會發生意外。

即將接近的住宅區中，有著微微的火光。

這火光看上去不大，但當周圍都是一片漆黑時，它就是最大了。

「應該係嗰啲犯起嘅火？」林祺兵猜測。

「好大機會係，佢哋唔知喺倖存區出面起火係幾咁危險。」我同意。

大家估吓今個星期五前補唔補得哂D文

催文都無用 最緊要d文有返質量 墨巴有交帶 慢慢補都ok架