【天腦】《病港ＩＩ》（８１）

嘩
但絕情啲講，即係其實可以唔理？

收起隻野
大結局嗰陣一齊望一下佢就算啦

無限月讀

補第一篇欠文

如果真的如老年人所說，單純是我的意識給複製入去，那麼對現實的我應該沒有影響。

我直接殺了聖靈，更是一了百了。

「伊甸園計劃……佢腦裡面保存好多好多人意識，所有大小秘密都喺裡面，換另一個諗法佢哋仲在生。」

「你意識都喺入面？」我提出另一個疑問：「你話你以前只係個清潔工，但對佢了解咁深，完全唔似。」

「做專門清理病者污垢嘅清潔工，比隔住間房嘅研究員仲要親密……」

無論如何，都要先把聖靈帶回去。

我附近的民宅裡找來嬰兒車，把包裹得密實的聖靈放入其中，再拉下遮陽罩隔絕它與外界接觸的可能。

我推著嬰兒車回去酒店大堂，然後等待到早上來臨，才跟著大家一起回到大排岸邊，取回自己的龍舟船。

如今囚犯僅死剩一個人，我們不可能地毯性搜索全座島，只好當作他命大，收隊作罷。離開前，我叫林祺兵他們割下數名囚犯的人頭，帶回去震懾其他囚犯，以防下次再生事變。

人頭就放在發電廠入口堆成小山丘，讓每個囚犯都看得見。

我不是有什麼惡趣味的人，但有時文明的手段是不管用。

回去港島區前，我留在南丫島用餐，他們用南丫島的特產做了碗湯給我──海帶湯。

材料只需水、醬油、魚頭和海帶，就能做出一大鍋分給很多人喝。

我一口就灌掉湯，嘴嚼爽口的海帶。

「你叫林祺兵？」我對共餐的島民問。

「係。」林祺兵立馬放下湯碗。

「雖然今次行動表現唔到乜嘢，但我叫睇到你哋嘅紀律性，有時候聽聽話唔幫倒忙已經好出色。」我對他作出評價。

「多謝。」

「如果你哋真係願意，我可以俾你哋加入病獵協會。」

「……」林祺兵張大眼睛，顯然是意想不到。

「喺病協可能唔會有薪酬，但係兩餐溫飽肯定有。」

林祺兵立即說：「已經好夠。」

「你哋擅長海上活動都有啲幫助，喺依家嘅病港航海係好重要嘅技能。」

「我哋隨時聽候你差遣。」林祺兵相當誠懇。

「俾第一個任務你哋，載我返去港島先。」

如是者，他們急忙地喝完熱湯，就準備船隻帶我回去。

回到港島區，我首先派人將聖靈帶去陽明山莊收容，此子威脅聽上去不大，但可能暗藏其他能力，不能留在倖存區內。

聖靈被困的牢房，是最高級別囚室。

囚室位於地下，直白點說是個焚化室，是以前病者人道主義機構留下，他們長年用於焚化病者屍體，一個按鈕可以將任何生物燒成碳化。

聖子囚禁在頂層，牢房最大特點純粹是堅固的保險門。

在病獵協會總部倒塌以後，一部份原先關在裡面的病者，已經被轉移至陽明山莊來，延續該設施真正的用處。

另一邊廂，我聽說了那位植物病理學家胡康華，居然像那些囚犯一樣想要逃脫，幸好被駐守的軍人發現並阻止。

臣服這些知識份子，不能拿著人頭威脅他，因為會被嚇怕，我只好問他有何所求。

胡康華總是支支吾吾，只說一定要回去。

他隱憂表情讓我覺得確實有什麼緊要事，只是他不好說出口。

「如果你個原因真係十萬火緊，我會體諒你，但你應該俾大學認定咗係叛徒，返到去都有排解釋。」

「你唔會明嫁喇……」胡康華眉頭緊皺，難以啟齒：「我、我培養咗好珍貴嘅真菌，無我睇住啲心血成果會無哂。」

「如果我幫你拎到啲真菌培養皿出嚟？」

「拎唔到……」

「你哋三個成年人我都拎到出嚟，你啲培養皿會拎唔到？」

胡康華牢牢的望著我，終於說出真相：「佢……係個活人實驗體。」

「……」

「佢身體係同樹相連，唔會搬得到……」

「你搞咩？」

胡康華馬上說：「唔係我嘅錯，實驗有簽同意書。」

我思考著該問什麼：「嗰個人有冇清醒嘅自我意識？」

「有……」

「佢同棵樹合體咗幾耐？」

「大概七年八年。」

「佢會唔會餓死渴死？」

「理論上可以堅撐一段時間。」

「你點解要咁做？」

「純粹係個研究！佢變成都係我想。」

「所以如果我返到大學，你要我點做？」

「幫自動灑水系統補水就得，啊，仲有修剪下啲葉……但今日幫到都無用，正常我要每日記錄同監測佢情況。」

「無其他人幫你咁做。」

「無，我只係信我自己。」

「你俾佢位置我。」

「筆，俾筆我。」

我拿了枝筆和紙給胡康華，他隨即寫下實驗體所在。

我瞥了紙條一眼，其後收入懷內：「我有事再去大學嗰陣順便睇睇。」

「盡快啊唔該。」

「但你最開始研究嘅目的係？」

「我只係發現外面運嚟嘅藥材，拎裡面嘅真菌培養完產生出嘅化合物有抗病毒活性，所以睇下有冇機會……整到抗病毒感染嘅真菌。」

「睇嚟結果唔成功。」

「……」

在對付病毒方面我們人類有著不同的路線和方法，但唯一肯定是路上會有諸多的犧牲。

推

大筒木輝夜都出埋

真菌，應該準備研究賴桑

原來病獵冇人工
咁如果接出面市民啲委託，使唔使同協會分成

我會處理胡康華的事，但首要解決港島尚餘的手尾，畢竟經常來來回回，是很辛苦的事。

眼下剩餘的重要事項，還有病者深淵。

馬爾斯自首次調查後，後續又前去調查幾次，他測量出深淵的底部大約五十米，太陽位置良好的話，會映照出深淵下的大坑，大坑中間又有個二十平方米的天然井，裡頭垂直且注滿了海水，朝井內再深潛十米就到盡頭，盡頭是一道直徑五米的防爆門。

例行會議上，馬爾斯說出以上種種發現，令我有點驚訝。

「加埋差唔多成百米深，應該深到入海床。」我說出自己正常的推測。

「如果我仲係人類身體，無可能潛到咁深。」馬爾斯銳利地瞇眼：「我都好奇裡面收埋咗咩，要收得咁入。」

「依個位置已經係海床嘅地層，你見到個道防爆門係垂直定係水平擺？」

「水平。」

「即係門後仲有更深嘅空間。」我若有所思。

「會長你覺得係乜。」

「我無頭緒，但我印象中以前深淵上面嘅海怡，係有好多隻病獸駐守，好似要守住某啲秘密。」

「病者會有咩秘密……」

「要查。」我思緒隨著敲打桌面的指尖躍動著：「防爆門厚唔厚？睇落有冇可能爆開。」

「都幾厚，我估水下炸彈都無用，佢有個俾人入密碼嘅位。」

「密碼？」

「會長，仲有樣幾特別嘢未同你講，防爆門表面有標誌，印住係李氏工程建築公司嘅商標，裡面可能係李氏家族同病者嘅勾當，而李氏嘅人可能知密碼。」事件變得更加撲朔迷離。

「我記得以前李家長子李騰虎，就生活喺病者國度到，話唔定真係有關聯，但李氏嘅人都死哂……」我尋思其他可能性，突然靈機一觸想起了聖靈。

或許，聖靈會不會早就複製了李氏的意識入去？

假如有，或者可以在聖靈的腦袋裡找出密碼。

不過現時未有進入聖靈腦袋的方法，上次僅僅是把自己意識複製入去。

為了解開防爆門後的秘密，我們準備了乙炔切割器，嘗試讓馬爾斯帶過去切割，不出所料毫無功效。水下炸彈不是沒想過，但是引發天然井倒塌的話，會給埋葬裡頭。

我最可靠的絕世好寶劍，很快就浮現我腦海中，它曾經助我打破袁豐所匿藏的安全室，可以一試。

我找了適合航行的時間點，帶上鯨牙大劍乘船前往鴨脷洲。

踏上這片焦土，帶著我到深淵設置了頂繩的位置，經由頂繩可以輕鬆下降到底部。

「你打釘打咗幾耐？」我行到坑洞的邊緣，探頭俯視下方的萬丈深淵。

「一日一夜。」馬爾斯給我穿好安全帶。

我開始快速游繩，持續下降至深淵底部，雙腳著地後朝著正中間走去，停在天然井前。

我抬頭望一望，發現馬爾斯亦正游繩下來。

「咚──」我先把鯨牙大劍掉落天然井裡，讓它吸收水份變更鋒利堅固。

期間我幾次深吸一口氣，深潛到下方盡頭查看防爆門結構。

防爆門設計是圓形門板，重型金屬結構，門的中心果然印著明顯的公司標誌，相信是源自人類建造。

密碼裝置要以鍵盤輸入，長度共有八位數，沒算錯的話有合共一億個組合。

待鯨牙大劍浸泡半小時，我方重新下潛握起大劍，反覆朝防爆門揮砍，作出鯨旋。

不知是我力量衰弱，還是防爆門太堅固。

我的努力沒對防爆門造成任何傷害，而且我體力已大不如前，時時需要上水換氣，沒有效率可言。

是次爆門行動，宣佈告終。

我單單是把鯨牙大劍帶出水面都頗為吃力，馬爾斯見我沒再升上來，馬上游回來提住我的下盤推上去。

「嗄。」上升到水面，我雙手立即抓住地面。

「會長……」馬爾斯笑著說：「你體力差咗。」

「係，人老咗就係咁。」我把濕潤的長髮梳向後。

「道防爆門真係好棘手。」

無計可施，我們只好打道回俯。

馬爾斯讓我先攀上去，他可以充當保護者控制繩索張力鬆緊。

我乾脆俐落地攀上到大約十五米的位置時，上方頂繩設置點突然出現一個身影，他身體被過度成長的肋骨包裹住，如同烏龜的模樣。

我呆呆看著他：「龜肋人……」以前的病者國度調查中，我們發現這片焦土尚有極少部份病者存活。

這個龜肋人，就是其一。

「落嚟呀！」馬爾斯雙手放繩。

我二話不說以飛快地速度滑下，龜肋人則握起頂繩用牙齒咬斷。

「啪」繩索斷裂。

繩索斷裂前我已迅速滑下到十米以下，並在斷繩當下抓住石壁，穩定住身體。

「好險。」我對自己說。

龜肋人默默看了幾眼，就轉身往其他地方走去。

「隻病者整斷咗條繩……」馬爾斯握起斷落的繩子。

「你識唔識徒手攀爬？」我向地面的馬爾斯問。

「我咁高應該唔得。」

原本我想說自己都可以，但考慮到鯨牙大劍的重量，這件事馬上變得無比艱難。

我唯有扔下大劍，好輕身攀登。

我手指不停摸索石壁上的握點，心裡想著盡快登頂，可惜攀登也不是我的專長。

回到十二米左右的位置，一個本應是握點的石塊鬆脫，令我霎時失去平衡滑落回到八米位置，手指好不容易抓住某個裂縫，卻又手滑使我真正地下墜。

「呯」我保護頭部著地，以抗墜性硬接。

「會長！？」馬爾斯跑來查看我狀況。

「咳……嗄啊……」我渾身疼痛。

又強行降智

咁深嘅窿都唔叫多幾個幫手睇住上面

道門咁實淨斬唔入都正常
但係門以外位置斬得入啦掛

牙m真係弱左

似007 Skyfall嗰集咁

之後要諗辦法入underworld救愛麗絲出嚟

白鯨心諗你條仆街又將我把大劍亂鳩劈