【天腦】《病港ＩＩ》（８１）

亞貢明顯連apple 都唔識串

合理 我估如果雙重人格嘅話會有個debuff 可能係會再兇殘啲咁

「以下係我推測……」生物專家抬一抬眼鏡，神情堅定地說：「估計，呢隻牙齒做嘅大劍，係取自病鯨中嘅王，你可以理解做係一隻特殊病鯨，萬中無一。基於鯨魚水中嘅環境特性，佢嘅牙齒遇到水之後，係會得到強化增強捕食能力……」

「強化？」

「即係密度同堅硬程度會遇水而增，但當抽離水面之後，威力同堅硬程度就會隨時間而減。」生物專家詳細說明。

拎咗嚟做萬能工具（爆門）

複製韓箱入去

push

今日休文一天

無文傷感

推

推

有冇得補？

白鯨仲有冇意識喺度

有

後續你就知

推

鳩估，應該一開始入去嘅M想陰正版M，正版M又on99比人陰，最後白鯨出黎救場

個個都懷疑舊m
我買舊m冇問題

但寫到佢特別狂暴 好難信佢冇問題

燥底啲姐，未必有陰謀嘅

當一個physical人有2個意識，意識入到伊甸園係唔係2個個體

我估舊想困住新

跟手開波打架搶肉體

一段時間後，屋外終於傳來動靜。

兩名天環人從天而降，如同擁有飛行能力。

「你又話佢哋無特別能力同正常人一樣？」我小聲地問。

「我怕你驚鬼驚馬。」亞貢眼睛銳利地盯著外頭：「但其實殺佢哋好易……」

「搞咩，堆畜生自相殘殺？」男天環人拎起一條十二指腸查看。

女天環人擦擦鼻子：「真係好鬼臭，洗唔洗叫神君重置世界。」

「唔需要。」亞貢直接行出屋外，面對他們兩人。

兩名天環人看見亞貢後，表情明顯有些畏怯。

「伊甸園屠夫……」男天環人渾身浮現電流。

「小心，佢都食咗禁忌果實。」女天環人全身冒出火焰。

這個場景，讓我感到似曾相識。

「呀──！」亞貢咆哮，雙臂揮出鋼爪跟上：「馬克！」

火焰和雷電瞬間襲捲亞貢，我飛身撲出窗戶，拔出武士刀就往兩名天環人項上砍去。

「劈劈──」他們皆人頭落地。

我立即轉望亞貢，只見他全身體燒成焦黑，髮型電成爆炸頭一樣，散發著微微的炭烤味。

「嗄。」亞貢呼出黑煙，我才驚覺本人未死。

「你未死？」我看著亞貢。

「未……」亞貢淺淺一笑：「我都有自己嘅能力。」

「究竟咩事？」我一頭霧水。

「依個夢境伊甸園入面存在住禁果，食咗會有超能力。」亞貢搜尋著天環人屍體。

「就咁？」我等了一會，都等不到亞貢說下去：「起源係點，點解食咗禁果會有超能力，禁果又係點嚟？」

「我食嗰個禁果係偶然得嚟，至於禁果來源，又代表乜，我都答你唔到，你要習慣下有啲事，注定永遠無答案。」

「但你可唔可以飛？」

「唔可以，但我係不死身。」亞貢搜出一部雙向傳呼機：「搞掂？」

「依部嘢係舊時代產物嚟。」正常人應該使用手機，但精神世界裡有手機就不合理。

「係，天環城係按照李氏夢想中嘅年代設計，陣間你上到去會好似返咗去上世紀嘅香港。」亞貢在傳呼機上輸入著一段英文。

「我居然識英文……」我在旁偷看著。

「其實原來英文好易，只要你肯俾心機自習十年，你就會變英文高手。」亞貢說。

「你打咗咩入去？」

「呃上面嘅人帶我哋上去。」

等傳呼機的訊息傳送出去，我們要做的依然是等待。

「但你當初係點上去？你總有第一次。」我好奇地問。

亞貢看著我：「我怕講完，你都唔會信。」

「你講。」

「依個世界睇落乜都無，但其實乜都有。」亞貢橫視天上的穹蒼：「木材、礦石、植物纖維，最重要係依到唔需要面對生老病死，食物同天災問題，戰爭都幾乎無，所以如果你肯努力，係乜都會發生。」

「即係……」我仍未聽得懂重點。

「由第一次工業革命開始到現代科技，總共橫跨唔到二百年，而我喺依到幾歷咗幾個世紀，所以你覺得呢？」亞貢很喜歡賣關子，像極了我。

「所以你由零開始，砌咗嫁飛機出嚟？」我說出一個自己都無法相信的猜想：「單憑你一個？」

「其實唔係單憑我一個，仲有嗰晚外伶仃島，本身應該捉捕嘅嗰堆囚犯，佢哋意識都入咗嚟，喺我講出真相之後，佢哋用咗好長時間去接受，成為我科技掘起嘅勞動力。」

「但天環人無阻你計劃？」

「緊係有，有幾次發展到好重要嘅時刻，嗰班友就嚟玩獵殺，令我哋突破唔到科技，但最重要嘅係重生後智識依然會喺個腦，失敗嘅經驗都一樣，我哋就二十四小時不眠不休咁不停努力，終於發明到滑翔機同熱氣球，飛上去天環城。」

「好難想像，原來聖靈個腦入面都遵從住物理定律。」

「聖靈一早唔係你現實見到嘅嬰兒。」

「咁嗰堆囚犯依家喺？」

「最近一次死哂，等緊下次世界重置，每次世界重置死人就會復活，得佢哋口中嘅神君可以重置。」

「真係聽到頭都爆。」

「我都癲咗好多年先冷靜接受依到。」亞貢瞧向那屍山血海：「原本我都想成為佢哋一份子，唔再思考，回歸生物本能，淨係食、訓、柯，乜都唔洗理，再無痛苦……俾人殺都唔知，反正唔會死。」

「……」

「但我唔係咁嘅人，所以就發生後面一連串嘅事。」亞貢微笑。

「你意志好強大。」我讚揚。

「其實我就係你，你就我，雖然我只係複製出嚟嘅意識，你先係本體，但換轉係你你都會咁做，結果都係一樣。」亞貢說出很引人省思的話。

「你搞到我開始有啲自戀。」我開玩笑地說。

能跟自己當朋友，真是件很奇妙的事。

不一會，有個熱氣球飛靠過來，我和亞貢同樣潛伏在旁。

等他們一降落，馬上跑出來虐殺籃子上的天環人，搶奪他們的熱氣球使用，起飛邁向遙不可及的天環城。

隨著我們高度的上升，天環城全貌漸漸展示出眼前。

七、八、九十年代最繁榮的香港，大樓外牆掛滿各種招牌、車輛、街景，一比一的重現著，像蒙上層懷舊的濾鏡，天環人的衣著同樣回到從前的世紀，那一個獅子山精神年代。

「依個香港係李氏最鐘意嘅年代，所以天環城係咁嘅樣。」亞貢俯視著下方。

「李氏喺咩位置？」我橫望多幢摩天大廈。

「嗰到。」亞貢指向方方正正，最高的一幢大樓。

「可以直接飛入去？」我問。

「你確定？」

「係，直接同佢談判，我唔係要殺佢，只係要防爆門密碼，佢會識做。」

亞貢調較熱氣球方向，轉為撞向李氏中心。