【天腦】《病港ＩＩ》（８１）

第二天，我親自神學院找伊聖言約談。

他在主教堂講台上，說著一則則容易入口的宗教故事。

令我意想不到的是，聆聽他說話的教徒數量頗多。

等講課完畢，我們在教堂一側繼續談昨日未完的事。

「嗰隻聖杯鑑定完畢？」

「依我哋鑑定係真嘅。」

「當然係真，撒謊唔係一件好事。」

「好，你有大學嘅離開倖存區批文？」

「有。」

「太好，你搞掂咗最麻煩嗰個步驟。」

伊聖言淡淡地淺笑：「鄭校長同佢女兒都係虔誠嘅教徒，佢哋好支持我為和平而努力嘅行為，雙方嘅仇恨係時候結束，寬恕並唔代表軟弱。」

說到鄭校長和其女兒，我又想起某些事情……

「你確定你真係入到去北部都會區？」

「相信我。」伊聖言衷心的點頭。

「如果約你……」我思索著哪個時間點較合適：「約你星期五？」

「一個好日子。」

「你識唔識揸電動平衡車？」

「唔係行過去？」伊聖言居然想走路過去是不是瘋了。

「善用科技比較好。」身處於末日，不等於要做原始人。

我跟伊聖言約好星期五出發，出發前向大學借取電動平衡車，這些代步工具都是出門的好幫手，以往要用雙腳移動實在過於愚蠢，有賴大學重點發展了電動代步工具才得以應用。

因為我怕有熟人認出自己的樣子，索性去富爾敦樓的理髮店轉個髮型。本身我就長期戴著面具，讓人對我的輪廓沒什麼印象，只要轉換一下髮型就可以騙過九成以上的人。

「想點整呢？幫你鏟兩側同後面，中間修少少令佢無咁厚，前面再留啲啲蔭好唔好？」理髮師給我穿上圍布。

「幫我轉個髮型，唔似本來咁就得。」

「呃……」理髮師拿出幾本男明星做封面的雜誌：「有冇話想似邊個嘅髮型？」

「依個。」我指著金城武長髮時的雜誌封面。

「好，但講明先，剪咗同一款髮型，唔代表真係變到金城武，剪完照鏡你唔好怪我。」

蔡一智

推, 陳醫生都幾變態本身以為佢吸男人d 精, 俾佢老公飲, 增加hormone

一智

狼尾頭嘅蔡一智

補充返m示意圖

「嗒嗒嗒嗒……」剪刀開始剪剪剪。

我閉目養神半小時有多，理髮師方拍拍我的肩膀：「搞掂，你睇下洗唔洗再短少少。」

我張眼一看，整體形象確實不一樣了。

「就咁。」我一手摘下圍布起身，掏出張美食券：「可以拎去我餐廳到洗。」

「呃。」理髮師呆呆看著飄落地上的美食券。

星期五當日，我與伊聖言神父會合好，便在四條柱關口出行。

行程依舊是採取保守安全的路線，行經穿越山路，盡量避免接觸市區。

剛開始的大埔公路上，我們就使用電動平衡車駛入大埔滘。

「伊神父，我哋特別升級咗你個服務。」

「升級咗？」伊聖言望向我。

「我會護送到你入倖存區，保護埋你嘅回程。」我想了個藉口可以混水摸魚一同進入。

「但倖存區入面應該唔會有病者。」

「唔一定，有時好多病者潛伏。」

「但我唔會支付再多嘅酬勞。」

「無問題，今次升級係免費。」

「哈，你係咪有咩嘢盤算緊？」伊聖言好像洞悉出一樣。

「純粹係想打好下客戶關係。」

「多謝你先。」

到了郊野公園上，為節省電源我們以雙腳走路。

郊區山林面積廣闊，有時候不想迷路，指南針是不可少的東西。

「你攰唔攰？」我見經過涼亭，順便問問伊聖言。

「我體能未有咁不濟，可以繼續。」伊聖言說。

「所以……你真係想去宣揚和平？」

「你知唔知宗教除咗提供心靈慰藉外，仲有個好重要嘅作用。」伊聖言考考我。

「團結人心？」

「嗯，就算大家嚟自唔同社會階層，喺上帝嘅眼中都係平等，依種平等可以令人變得和睦。」伊聖言勾勒起淺淺的嘴角：「弟兄，有冇興趣信教？」

「我唔信神。」我了當拒絕。

「……理解。」伊聖言低頭含笑，眼睛像月亮彎起：「咁你信奇蹟？」

「我唔信有奇蹟，就算真係有，我認為都只係勇氣、信心、努力各種因素疊加而成。」

「你係個現實主義者。」

「而你哋信教嘅大部份都係理想主義者，係咪？但你覺得北部都會區嘅農民會理你？佢哋為咗開飯日日要耕田，應該無心情聽你講經，除非你有少少實際利益。」

「可能情況真係好似你咁講，但我唯一嘅天職就係要令人相信，我只需要做到依點就可以。」

「你可以點令人相信？依個年代信字好罕有。」

伊聖言笑而不語，感覺真的好有法子。

穿過兩山之間的林村鄉，代表路程已完成一半。

我們繼續走上大刀屻，即將接近邊境地帶──雞公嶺。

由於雞公嶺上沒有茂盛的樹林，也沒有比它高的山，所以站往山上可以鳥瞰北部都會區一帶的鄉郊景色。

這麼重要的陣地，當有邊境人員看守。

因為伊聖言要光明正大的入去，所以就從蕉徑棕那裡進入。

北部都會區無論哪個角度看都是大得離譜，而且十年間接收不少中國下來的廣東人，所以曾經人跡罕至的鄉郊，如今都像上世紀熱熱鬧鬧的，每個農場都會有人打理著。

幾乎沒有人阻攔我們走入蕉徑棕，但如果你是外地人，村中的人士很快就會認出，大聲呼喝你是誰。

「喂咩人呀你哋！」一位農丁大喝，口水都噴出來：「未見過你哋。」

我原本正要回答，伊聖言卻不慌不驚的回應：「你好，我係嚟自中文大學，係位神父。」

「你隔離嗰隻呢？」

「佢係負責護送我嘅保鑣。」

「嚟我哋村有乜貴幹？」農丁了解我們身份後，脾氣稍為收歛。

「我哋想借路入去倖存區。」

「狗蛋，帶佢兩個入去！」農丁向一位孩子喊。

那位孩子平頭矮小，身形稍胖，看來營養很不錯。

狗蛋他拿著個劍球玩具，蹦蹦跳跳地跑了過來：「哦！我要嘢食。」他攤出手掌問農丁索取。

「陣間夜少少俾塊白糖糕你啦。」農丁說。

「耶。」狗蛋興高采烈地帶路。

「你個名叫狗蛋咁好笑。」我跟那小孩搭話。

「媽咪話如果我個名太高貴，條命會受唔住！」狗蛋高興地玩著劍球：「最近好多人唔舒服，偏偏我無事！更加證明咗。」

這裡地方雖廣，但不缺人煙。

有的老人在樹蔭下捉棋、有的婦女蹲在街巷中煮食、有的男人以廢車當作商店坐於車廂中叫賣。

走至北部都會區的核心區域，終於有像樣的檢查站。

守衛已經不是從前的白衣防疫員，變成現代化的護甲，護甲板是模塊化設計，材料看上去以回收金屬所製，因為外觀看上去有點殘舊，沒有做到拋光和打磨的工藝。

守衛手上的槍械明顯為改裝槍，看來米田貢的軍工革命相當成功。

「下個！」守衛喊。

輪到我們進入檢查站，負責檢查的守衛問我們索要：「居民證？」

「我哋無居民證。」伊聖言說。

「無居民證就死出去。」守衛冷冷地說。

「但我認識倖存區嘅大地主，米田貢。」

守衛們互相望向大家：「證明我睇。」

「喺到。」伊聖言拿出一張照片。

照片中，是米田貢與伊聖言在教堂前合照。

這是何時拍攝的照片？我現在才知道米田貢跟他認識。

沒想到照片真的可以當成居民證，守衛給我們放行入去。

「原來你識得米田貢。」我說。

伊聖言收起照片：「佢以前喺大學個段時間曾經嚟過教會，我聽佢告解懺悔，後嚟影咗幅相，叫我有時間去佢倖存區參觀。」

「佢懺悔乜嘢？」

「依方面我唔可以透露。」

「嗯……」

「但我可以概括地講，佢懺悔咗好多事。」

突然，後方檢查站傳出爭執的聲音。

我和伊聖言一同回頭望向後方，只見有名渾身冷汗的男子拼命想要入去，不停地無力地高呼：「俾我見醫生啊──」

「再唔退後就開槍！」守衛舉槍阻止。

「呀呀呀呀──」

「呯」守衛一槍射心，終結生病男子的性命。

「唔好睇，繼續行。」我拉著伊聖言離開，免得惹上什麼麻煩。

金城武

伊聖言會唔會係天腦教嘅人

睇怕都係，呢度逢教必邪

推

推

推

唔係本身就係麻醉科定係神經外科醫生？

推

推

推

「我哋先搵個地方安頓。」伊聖言說出自己預想：「要去米先生莊園暫住？」

「你打算留喺到幾耐？」

「可能幾日、幾星期、幾個月，睇下有幾多人需要我幫。」

「住喺米田貢到，你可能抽唔到身幫人。」

「原因係？」

「佢係個好鐘意玩嘅人，而且你哋宗教係咪反對人獸……戀？」

「反對。」伊聖言點頭。

「咁你更加唔好住嗰到，怕你見到啲褻瀆上帝嘅事情。」我說得很白了。

「了解……」伊聖言若有所思：「但我既然嚟傳教，點都交代一聲比較好。」

這裡空置的平房和村屋多的是，但是村落間左鄰右里的關係極緊密，無端端出現了不知哪來的人，他們警戒心都會很強，單是經過屋子外頭，兩隻眼睛都盯著你不放。

「呼。」伊聖言走入麒麟村的遊樂場，坐到長椅上休息。

「你抖下，行咁耐正常都攰。」我說。

「你唔攰？」

「未洗坐低休息住……」我雙手插腰，環看周圍：「我去附近睇一睇，你喺到等我？」

「我坐夠會自己問路去米先生到，你要唔要一齊暫住？相信佢唔會介意。」

「我會自己搵地方。」如果我直接住進米田貢地頭，那就太危險了。

「好，我會為你祈禱。」

接下來的時間，我重點調查著周圍的地方，特別是鄰近米田貢居住的地方。

因為他帶走的軍工專家，都肯是住在雙魚河鄉村會所中。

恰好我發現有個絕佳地點，是可以遠距離觀察到雙魚河鄉村會所的動向。

它是坑頭村的其中一幢三層村屋的天台，我甚至望見有數名身穿動力裝甲的人員在沙圈上走動，似乎是測試著性能。

我看得入神之際，察覺到後方有人悄悄靠近。

我轉頭一望只見到七十多歲的老人，身握著煎鍋無情地揮向我頭部。

「啪」煎鍋有打痛我，但沒打傷我。

我兩眼直視著他，等待對方張口說話。

「你入嚟我餐廳做乜！」老人慌忙地退後，以煎鍋指住我：「收數佬！洗唔洗做到咁絕呀！」

「你餐廳？」我看一看自己所在的村屋：「對唔住，我入嚟個陣仲以為係廢屋。」

「死收數佬！出去！」老人中氣十足，對我大罵。

「我唔係收數佬。」

「你知唔知你擅闖私人地方！我係有權自衛殺人！！殺死你係合法嫁！！！」

「……」這地方果然夠癲狂，一來就遇到這種人物。

我踏出村屋，回頭仰望果見二樓真的掛著個招牌──「農家餐廳」。

這鳥不生蛋，室內像廢屋的地方，居然是餐廳？

「點解頭先我入嚟個陣見唔到你……」我對老人的出現有點疑問。

「我飲、飲到貓咗訓喺廚房啫，你唔好當我死先得嫁──」老年人又醉醺醺地大喊：「死收數佬──！」

真可惜，這地方應該是觀察雙魚河鄉村會所的最好地點。