【天腦】《病港ＩＩ》（８１）

果然是滿天

以牙還牙姐

不嬲架啦

幫佢增高喎

以德報怨

癲過M

變得性做男人，身高都要高返啲先match嘅

果然是滿天

滿天唔係末世之後自學醫術咩，點解出身港大定我要重睇

佢講姐

應該係以前呃天環人講開 反而想知佢本身係做咩職業

係咪讀藥劑？（唔係好記得）

夠話咪做到男人

高

respect手足
想知係咁啱上開去定係特登為咗病港上去

推

由病港一已經話佢最狠
不破尚都想揾返佢
所以先有一時佳話
果然是滿天。。。。

上去揾天腦

仲記得M第一次帶公仔娃娃去靈實醫院差啲比滿天一個人滅隊

醫療界的風波結束，我亦重新專注自己事情上。

我正值尋思該如何潛入北部都會區，因為他們處於鎖國狀態，邊境不出意外嚴密佈防。

可我坐著思考，機遇就找了上門。

一位來自神學院的年輕神父，來到了病獵學會。

「可以委託你哋外出護送？」

「可以，目的地係？」因養傷暫代前檯工作的病獵詢問。

「北部都會區。」

「請你等等……」

五分鐘後。

會面室。

「你好。」我親自接見神父。

「你好。」神父留著及肩的中分鬈髮。

「神父，點稱呼你？」

「伊聖言。」神父轉身望來，恰好背光。

「伊神父聽講你要去北部都會區，但你有冇聽聞嗰到已經封鎖，正常情況唔會入到去。」

「我知，你哋護送到我去邊境範圍就可以。」

「你有方法入去？」我試探性地問。

伊聖言會心微笑，沒有回答。

我補充：「我只係怕你食閉門羹，白行一轉。」

「我有信心佢哋會放行。」伊聖言說。

「遵循我哋都要了解下，你去嗰到目的係？」

伊聖言反問：「要有目的？」

「旅遊、商業、探親……原因我諗點都有個？」

「我去傳道。」

「但你知大學依家同北部都會區，存在住敵對關係？」

「對上帝嚟講，地上人民彼此不過都係兒女兄弟，我就係為咗緩和家庭關係，而決定今次傳道旅程。」

「費用嗰到唔會低。」

伊聖言從懷中掏出一隻聖杯，輕輕放到桌上：「睇下你覺得夠唔夠，隻杯貴金屬製成。」

我把聖杯拿起檢視，可惜我不懂鑑賞這種玩意。

「我哋會再鑑定，我哋團隊商量完，有下步再通知你？」

「我等你。」伊聖言微笑，負手離開會議室：「再見。」

會面完結，我將聖杯交給博學多才的博海德，由他用人肉眼球鑑定。

「應該真係貴金屬……」博海德檢測了好一會。

「嗰個人係神父嚟。」我說。

「神父變賣宗教用品做旅費，都幾開明。」博海德指向門口：「你可以問問瑜小六，佢差唔多識哂成間大學嘅人……」

「搵我有事！？」房門突然被打開，瑜小六探頭入來。

「哇！你一直偷聽緊啊？」博海德嚇了嚇。

「咩啊，點解講起我嘅？」瑜小六問。

「無，只係講你識好多大學嘅人，絕對唔係講你是非。」

「你識唔識伊聖言依個人？」我直接問瑜小六。

「係咪神父嚟？」瑜小六馬上有頭緒。

「係。」看來沒問錯人。

瑜小六如實說出：「佢係大學裡面幾出名嘅神父，成日聽人禱告，比起其他古板嘅聖職者，佢算係神學院嘅開明派。」

「你詳細到好似做緊人物介紹咁。」博海德笑說。

我不在意神父的為人，只在意能否透過神父，借機會混入北部都會區。