2024年春季日劇討論(4)

有啲太造作係真
其實前兩套作品唔多唔少都有啲
好在劇本入面有其他精彩之處支撐住 所以還算瑕不掩瑜

依套第一集老實講係有少少失望嘅
當然感動位都唔係完全冇，但整體略為太刻意
要角們雖然性格唔同 但個個都故作温柔
人物心理同行為唔夠流暢，變咗個故事說服力都爭緊少少

覺得依個第一集劇本需要演員喺演技上同魅力上都好強大先會carry到
目黑蓮演技爭啲 有種好努力咁做緊戲嘅感覺
古川琴音就 未太做到我行我素怪怪地嗰種魅力
子役都係好難演，舉個例子：

「你媽媽已經死咗」
「死咗後會點？」

依句對白要 好無邪地道出一個靈魂拷問...
覺得係《mother》入面嘅蘆田愛菜咁嘅lv 先有機會carry到

不過可能只係本身期待值太高(？)

記得花01我都係嘈劇本
點解可以咁夾硬拉4個主角相遇
當然後面美鳥呢個角色嘅存在係合理化到件事

不過經一事長一智 而家淨係第一集
我都唔敢咁快講古川琴音個角色係咪太psychopath
唔俾男方知道自己生咗個女 但係又要教個女點去對方屋企

唔知大家有冇留意到海個書包入面有張手畫嘅地圖
寫咗啲站名 箭嘴最後就係指住男主角住嘅經堂站

即係話古川係有預謀 就算個女蕩失路
都可以攞張地圖叫人帶佢行
希望個劇本今次都可以合理地解釋到 古川背後嘅心理同埋行為

twi嗰邊唔少日本人覺得海嘅寓意係「生死」
但憑海最後嗰句對白問夏「你幾時會開始做我老竇」
我覺得海嘅寓意係解「親職」

佢introduction句copywriting已畫公仔畫出腸
「到底人係幾時自然而已地成為父親母親」

個人認為套劇個主旨就係要去研究親職之始
同為人父母嘅自覺係點萌生出嚟

所以之後除咗講男主點樣開始肩負做人老竇嘅責任
仲可能會探討有村係幫手湊女嘅過程中萌生母性

另外仲有男主家庭背景線 應該會講佢同後父/細佬同後母建立親子關係嘅經過咁

期待劇本會藉住男主家庭背景線 襯托有村同海嘅關係發展
帶出冇血緣關係嘅家庭點「成形」

如果之後呢方面着墨不足嘅話 我會好失望
到時先評估佢為唔合格都唔遲

目黑蓮口中有鐘意嘅人就係川口咁

就係因為睇完silent我都覺得9成9係
所以先更加覺得古川搞左個咁既誤會出來係自己攞來
而家望就望之後d集數可以講返佢點解要咁做

但係silent要分手個理由合理d
睇下之後解唔解得通
但第一集就因為唔知做乜鳩要暪住目黑走左去
暪又唔係暪到底又偷偷地帶個女去佢屋企
仲搞到目黑俾佢老母同事敵視
搞到我完卜全感動唔落淨係覺得成件事好on9

嗰種荒誕又有啲manhattan feel