[All About 18] NBA Boston Celtics 波士頓塞爾特人討論區 (21)

總冠軍=有含金量 好似95年 04年 11年 14年呢啲根本可遇不可求

https://www.instagram.com/reel/C8BMONMsqqN/
有少少鍾意左假期哥

https://youtu.be/tOjH9uVZgdQ
睇我綠team d簡直係享受

補充多幾點：
1. Shout out to PP
PP無論單防77同榮定協防頂住Lively都做得好好

2. 邊撚個話譚防守係Bos正選唔算岀色？
正面單防對方ace、指揮換防、護框搶板全部交到貨喎

3. 想講我地容錯空間實在太大
Awful coaching自己都點岀有幾下啡同白賭博式防守導致失位
但我地輪轉防守補位意識實在係太好
牛仔好難搵到我地犯錯時刻攻擊

其實睇翻公海有條車神片 都分析得幾清楚啦 傻譚防守真係做晒最辛苦部份 博命保護籃板 同對面5號位咩位對抗 隨時要應付比對面啲面追住打消耗 如果冇佢做防守重心應該比人地輕鬆pnr起機打到曉飛 我見到FB ig嗰啲人話求其搵個non all star代佢都贏到 真係唔知佢弱智定點

至於廿二中六基本上冇乜excuse 但睇翻你話係咪出手好離譜見到都燥嗰隻又唔係 單打選擇合理 eg拉lively出黎stepback3 佢不嬲咁打效果都唔差 以前打claxton都射到人一面係 增肌加強對抗 用自己靈活同吸引力幫隊波起q
點都會犧牲少少自己啲first step同起手柔軟度 佢克唔克服到好難講 希望會得啦

空位出手都對路 就係唔撚入… 有啲都睇住食既上籃又炒… 部份打手冇雞就當唔關事先

唔係幫佢講說話 但你話佢打得肉酸又唔覺 只能講係tough shooting night

FMVP 榜
假期排第一

今年我講左好多次架啦 根據大家話西強東弱呀嘛
咁東岸拎冠軍既球隊唔洗講含金量啦？
全部都廢既，贏左西岸仲唔夠？

今年真係比我開口中呀
塞真係5out all switch 常規賽節奏就打到西強既牛仔散哂，又話屈正選太勁

隊波真係練人，trade 人 ，執棄將，教練又用到，六門齊 咁點姐 贏波淨係比贏少少咩

希望我今年笑到最後

見啲西強東弱撚谷住谷住，爽
之前吹木狼金塊冠軍，收咗皮1次
依家吹牛仔，準備再收多次

西強東弱是否成立呢點唔評論啦
淨係知今季bos對西岸23勝7負

公海最新黑譚偉論：
tatum = batum料
仲衰過Kevin Martin

似玩膠

小牛主場一定狂響哨

Haters gonna hate，實有呢啲聲音
淨係話菜入final個path最輕鬆呢一點都on9，KP傷左對成team都好大影響
作為菜狗我都只係想拎個champ自己開心就夠，唔需要滿足全世界既人去證明自己既快樂

預咗難打，但G2 無乜手感都贏
G3 可能反彈

Top 5球員點解唔可以咬佢命中率低？個人最大嘅期望係贏波 所以唔介意 / 包容啲球員有打得唔好嘅地方同評價一個球員打得好唔好係兩回事

評價一個球員當然係用本身佢應有嘅期望去量度佢啊 佢淨係因為防守入年度一陣入All star咩？

批評譚仔就轉移視線話隊波贏就得 跟住講話啲人針對譚仔 有有色眼鏡所以所有批評都係bullshit

啲人搞唔清楚清楚譚打得差同塞爾特人值唔值贏冠又係兩回事 我印象中係有人咁講 但你地啲反駁都好奇怪 你地有人話依家贏波啲人就針對譚嘅命中率差黎講

下？？你地嘅回應唔係用正確嘅邏輯去駁個人表現同值唔值得贏冠係兩回事 反而係合理化譚嘅表現 去講人地屌譚係屌得冤枉

落到場出幾次手發覺入唔到波咁都冇計 我又唔係話譚應該起多啲手射到準為止 我亦唔係批評佢打合理波有問題 我又好hater又好 如果有人屌佢冇得分意欲 你回應返佢知自己唔準所以做其他野幫隊波就話啫 不過一個top 5 player命中率咁差有人放大呢樣野屌佢 乜真係有屌錯？

西強東弱呢樣嘢又係亂鳩咁黎 in case塞贏總冠軍 用西強東弱黎judge佢含金量係九唔搭八 相反用塞贏總冠軍亦唔代表西強東弱唔係事實 到底係唔係西強東弱 單單用最後邊隊贏係唔足以證明 兩岸勝率係其中一樣值得參考嘅嘢 但百分率相差幾多先有強弱之分並冇一個準則 到底兩岸各計前8定前15又係要拗 。。。
人地話塞頭三輪冇受到任何挑戰=西強東弱 你地用塞冠反駁唔係西強東弱 大家咪又係咁低質 其實都係同一類人

想講好耐
其實唔知你成日奶公海d 盲反狗做乜
一齊做假膠泥漿摔角咪算囉

駁唔到 唔理性先要做呢啲下欄野

真係唔係為反駁你而反駁
唔講其他鳩論啦 我見大眾鍾意講 難得可以搶口搶下口姐

淨講譚 公平d
進攻淨係入波咩
我諗真係追綠軍既 都係屌雙J低迷既時候永遠都沉迷單打&3分
尋日場波 譚真係算係咁
比人夾分得靚 保持威脅性 唔入都繼續起手22球
唔起邊有人夾 當譚入哂啦 會唔會有12ast ？
會唔會上頭自己打鳩哂最後比人夾死？
無人知
淨係知尋日場波 起手合理 真係屌唔落

大家可繼續屌佢呢兩場波命中低 唔配一陣
但我見佢處理成熟 好撚欣慰

咁鍾意捉人屌 對面有榮縮比你地屌 屌下佢落井下石仲開心啦 講真

下場佢全柒 我一定大大力屌 話佢唔配一陣

咁譚命中差真係冇excuse既 因為開波開始已唔好 冇得賴晒體力唔夠 luka都話有得賴但佢係好sharp冇得比

但出發點都唔同只能講好難討論 所以啲人屌佢呢樣我都冇入公海 做啞撚算 我相信譚迷也好塞迷都好 睇波時都係將贏波放第一位 見到譚打鐵係心痛多過嬲佢（因為至少冇輸波又冇立即捉戰犯既必要），佢有其他因素令佢成為一個就算幾鐵都唔可以換落場既人，令人有啲唔舒服 相信佢本人都係

但你話基於佢係top5所以抵比人咬命中低我大程度同意你 但top5又唔應該講一場波一個series甚至一個playoff既 佢個所謂top5都係用好幾年建立 而事實睇到佢球風成熟左好多 防守進步好多 而同時完全否定佢打法會影響命中都對佢有少少唔公道既 我意見係佢talent係暫時未夠料兼顧得到 如果佢得 佢唔止top5了

所以大家期望放幾高係一個問題 唔一樣就冇得討論 我個人覺得佢就算少少鐵（未到6/22咁離譜啦）都可以係top5 每個series對手身體好誠實 埋牙都係3-4個夾你 如果例夾 佢又例交到波幫隊友 佢都係穩定star水平 而且公道講佢未衰到每場6/22

純個人意見，同意未贏未證明自己出去冇乜好同人拗

唔知你打咁大段廢話係想打緊咩稻草人
我淨呢度好多人對佢命中率低都無話可說無可奈何
射極都射唔入鏟籃入樽都炒係廢㗎啦
呢度無即時屌咩？好多ching有屌喎
佢都知自己柒咪打效率波功過相抵囉
每個人對呢樣嘢都有唔同睇法
定係其實你想大家同你同聲同氣一齊出去屌譚？

咬住人地命中率低都算
你嘅問題係嘗試淡化譚防守籃板助攻等貢獻
有意無意想將討論拉返去命中率再大屌「top乜乜乜唔應該係咁」
直到有人9板12助呢d冇得忽視先焗住認
將球員貢獻同球隊完全分割呢個又係咩邏輯？
你仲好意思同人講正確邏輯？
無譚吸防之後傳導假白邊有打得咁輕鬆咁輕易係corner同dunker spot攞波
數據好清晰
譚12個助攻有9個都係傳到假(6)白(3)手上
一邊讚假白打得好好好Carry但又唔諗吓係邊個傳咁多助攻比佢地出去係咪有d精神分裂？
出到去公海仲癲到專搵反譚嚟圍爐取暖屌返其他bos粉轉頭
講到剩係得自己先識波
你想呢邊d bos粉俾咩回應你？

最後想講西強東弱呢樣嘢係咪存在個人無從判斷
淨係知bos對西岸係23-7
除咗輸兩場比金塊之外其餘球隊每次對戰都係最少贏一場
唔好將東岸其他球隊對西岸表現成點拉埋同bos相提並論
小牛係西岸自己打生打死打出嚟
同bos係打成點冇關係

呢到主隊post 個個都睇開 鍾意得就會有filter
隊波有咩問題 啡譚有咩問題大家會唔知咩
反正你都全部狗竇同公海周圍巡邏
你覺得玩膠下欄唔理性咪出去逐個慢慢傳教囉
同我地講冇用架
你覺得啲人谷咗成個月屌返盲反狗係怨婦嘅可以唔做 不過冇需要話人低質囉
支持一隊波就係唔理性架啦

真係
公海有幾條平時好活躍
好多野講又扮到好識波嘅盲反狗

依幾日定期上去撚下狗
佢地連reply都冇個
肯定谷住谷住等緊game 3搏牛反彈
所以希望班仆街仔集中啲拎埋game 3
咁應該真係可以gel得頭瘋狂搶口了