唔好講補唔補貼
成件事就好得意嘅
幾年以黎
綜援有得加,津貼有得加,長俸都有得加,起公屋冇停過,明日大嶼冇停過,北都又話要搞,兩蚊搭車仲要擴大到60歲
呢啲全部都係政府支出,唔知點解從來一個人都冇跳出黎話政府財赤喇要停
就淨係公務員加人工就成個連登屌到臭
就算唔加人工都耐唔耐拎出黎鞭(咩人生贏家呀乜乜柒柒)
係囉點解嘅?
因為我上面講嗰啲,全部你地/屋企人有著數,咪唔嘈囉
公務員出糧,你地冇得分,咪屌囉(已經長開aco都入唔到就自己檢討下啦)
咁個問題就黎喇
點解人地打工出糧要俾你屌?加人工就要俾你屌多兩鑊?
都講到口臭,個加薪幅度就係跟出面加左嘅薪酬調查結果,仲要年年跟唔足添
一黎嗰啲已經冇得做假,你都硬係要當假嘅,咁連登統計個個加30%人工4個月bonus(有巴打cap晒圖啦)你又唔屌佢地假膠9up搞亂檔?
一係就話對面茶餐廳執笠經濟差唔應該用大企業黎比
政府唔拎大企業黎比唔通應該同你街邊檔比囉呵?
既然你地眼中公務員就係唔可以當打份工咁出糧,一定要負擔埋社會責任,經濟唔好要墊屍底,分份糧出去俾綜援戶出糧,天災人禍佢地要去緊急應變,做得好唔好市民都係可以指住你黎屌嘅
其實都冇話你地啱唔啱,不過如果個公務員真係應該係你地所講咁嘅,咁不如公平啲,將公務員當兵役咁就最好啦,人人有份永不落空
![](https://cdn.lihkg.com/assets/faces/normal/agree.gif)