你講你對人一見鐘情/怦然心動嘅一刻,我將佢畫成幾格漫畫

睇到紅都面哂，已經好多年冇心動過。

未同現任一齊果陣 有次送佢返宿舍 行到一半佢嫌我跟住佢(口硬心軟個款) 我就自己走左
行到一半發現佢有袋藥係我個袋到 我即刻跑返去比返袋藥佢 留低左一句：記得食藥呀 之後就轉身走左 佢好似好冧

巴打 好想你幫手畫 我初戀黎
加多少少背景
女仔有眼鏡長髮
男仔短髮卷毛
係大學山路黎

上PE堂打籃球
我同朋友係場出面傾偈
無留意有波飛緊過嚟
之後我後面個女仔見到
即刻企係前一手幫我擋咗
雖然我唔係sheshe但係個刻有啲心動
之後佢就做咗我籃球女神

同男朋友係拍野識 我做幕前 佢做機燈

記得有一個shot係要我係中學禮堂個台上面背向觀眾向後跌落台下 雖然唔算好高 又有體育堂藍色個啲厚墊係台下 但都有啲驚 到正式拍個陣拍左幾個take都唔收貨 有一下我向後訓跌落啲墊到個陣整到隻手 都有啲痛 不過見小事 而且好趕時間 就無出聲 自己捽下隻手就行返上個台到 一上到去 望到佢企係台下嘅中間望實我 其實我個陣完全唔識佢 但都好自然用口型問左佢一句 做咩 佢就好大聲咁問我隻手有無事 個下個心真係唔識形容

個次係我第一次做拍攝工作 一直都好驚做得唔好 都幾大壓力 記憶中 我一上返台望返佢 覺得周圍啲燈都係圍住我地兩個而set 橙橙地 好柔和 成個世界好似慢左幾拍咁 係個一刻 好似我同佢先至係呢套電影嘅主角咁

後尾都係好機緣巧合係煞科個日先真正認識對方 其實到左以家個個moment都好深刻 但已經feel到記憶真係會變得好模糊 好驚自己老左會唔記得左個一剎那 以家諗到都忍唔住喊左出黎

男朋友 我愛你呀呀呀

呢個正
想睇

以前屋企樓下有間細細地既剪髮店
入面有個staff係黑長髮既好白既靚仔
有次剪頭髮
本身個呀叔幫我剪剪下 換咗個個男仔剪
個下真係好心動

我仲記得佢隻手好凍 係咁摸到我耳仔

以前屋企樓下有間細細地既剪髮店
入面有個staff係黑長髮既好白既靚仔
有次剪頭髮
本身個呀叔幫我剪剪下 換咗個個男仔剪
個下真係好心動

我仲記得佢隻手好凍 係咁摸到我耳仔

補充番 佢好高既 大約180都有
而我就155左右 短髮及肩

我同佢係喺網上交友app skxxt度識嘅
當時嘅我18歲
大家由喺app傾計到開始傾電話
會咩都傾下 成日傾計傾心事
慢慢發現自己對佢都好有好感
但同時間佢有女朋友
所以一直收埋自己對佢嘅感覺
仲會幫佢喺鬧交嘅時候分析女方嘅內心世界
其實一直都好羨慕佢對佢女朋友嘅好多驚喜


到後來佢同佢女朋友分咗手
有一排佢好鐘意踩單車周圍去
有一晚凌晨佢話踩黎我屋企樓下搵我
我偷偷地離開屋企去搵佢
佢買咗好多零食一齊食
果陣喺屋企附近籃球場度傾計食嘢
食食吓我話：
「如果依家有個波打下就好啦⋯」
佢就叫我眯埋眼
1 2 3 開眼後見到佢拎住個籃球
果陣真係覺得夢想成真嘅感覺
覺得佢好sweet
之後仲一齊share耳機聽住「Up x 最後晚餐」睇日出
最後買咗朱古力奶同雪條食 就送我返屋企
雖然到最後冇一齊過
但心入面一直覺得呢個回憶好難忘好幸福⋯

［她菇頭短髮（去到膊頭）戴眼鏡］同佢一齊做義工（留宿嘅）當晩同佢完成左當日義工嘅活動 我哋兩個一齊行返去宿舍之前，佢話做完成日野好攰，咁我就話又如我咩佢啦，佢呆左一下，之後都應承咗 佢跳上黎個一下，一開始好怕羞 ，一兩秒之後即刻緊緊咁攬住左我，果一下好深刻，最後我地兩個係一個安靜無人嘅馬路邊，慢慢咩佢番去

示意圖：


唔該樓主 希望你見到

慘啦個個都淨係識伸手攞貨
我入嚟留個名擺低個正評架啫

去公園玩鞦韆
果時輸左波 佢問我冇野咩？
我話 算啦 有你呀嘛
佢甜笑
之後望住佢 話鬥望唔眨眼
然後大家都微笑
就係咁簡單

推

推

樓主已經放棄咗

樓主加油呀😂😂

同個新朋友一齊出去食煙， 食食下傾心事， 點知最後大家都已經冇煙， 而我就得返一支， 最後一支兩份食。好有印象個煙咀仲有紅色既唇膏印

下篇開始要概括啲 唔係真係變冨樫, 請見諒

《一口煙的時間》

「原來新嚟嗰嗰阿予係狗公嚟，我聽阿婷同阿瑩都講過話佢成日Whatsapp佢哋」坐在我鄰桌的阿峰雖然壓低聲線，但仍語帶興奮，難掩其講是非的興致。

「天下狗公一尻樣呀，見到靚女就狗衝嫁啦」我一邊附和著阿峰一邊埋頭於眼前堆積如山的工作。

「你知唔知阿峰同隔離TEAM嘅阿淇一齊咗，佢哋成日隔空放閃又成日大庭廣眾互叫BB豬豬咁，真係見到都眼冤。」阿詩眼看阿峰剛剛講是非講得眉飛色舞，就趁阿峰甫離開座位的機會過一過是非癮。

辦公室政治及人際關係比起辦公室本身的工作更難處理，生存在這個是非之地，唯一的喘息機會就是我獨自一人走到後巷吸著一口煙，吞雲吐霧意識神遊的時候，人們叫吸煙作呼吸，可能是除了單純將煙一呼一吸，更是在這虛情假意、工作得麻木的社會下，得到這才是真正活著的呼吸感覺。

這一日我如常躲在這被鬧市所遺棄的後巷吸煙，正當我神遊物外的時候，意識被一把清脆的聲音拉回現實。

「借個火嚟得唔得?」

眼前是一位大約二十出頭的年輕女生，用右手食、中二指夾著一口煙，睜著黑如點漆的雙目看著我，除了她一雙妙目，最令人吸引的就她那塗得鮮紅的朱唇。我將火機借給她，她點著煙後瞇著雙眼不發一言地站在我身旁。我呼出的一口煙與她呼出的一口煙互相交纏擴散，化為一絲一縷的輕煙向外飄去。這冷清的後巷似乎不再那麼冷，她藏在輕煙後那忽隱忽現的臉容反而比辦公室同事的面目更為真實。

「聽日見」

她看著我雙視一笑，只拋下一句就轉身而去。我還沉醉在剛才的氣氛中兀自發眐，看著那帶著唇印的殘煙在地上燃燒僅餘的星火，望穿秋水之美。

「借個火嚟得唔得?」

一如往日，我們二人躲在冷巷「呼吸」，在冷巷的每多一次相遇，交談的話題亦加一分的深入，我們在這短短的時間中天南地北無所不談，談論連場大雨我窗台漏水不得了、她的同事如何討厭、我今天趕著出門如何穿錯不同款的襪。但我們總是在有意無意之間迴避著有關自己的話題。可能是我們都認為一但認識了大家，知道了大家的名字就不能再暢所欲言，又要戴上那應付人際關係的面具。

「借個火嚟得唔得?」她微笑著，嘴角露出了淺淺的酒窩。

「可唔可以話我知你叫乜名?」

我忍不住纏繞心頭的疑問，不再理會那未曾說過出口的禁忌，但下一刻我就後悔了。她原本的笑容猶如僵在臉上一樣，搖了搖頭，臉上的神情變得如我的同事一樣。像初次相遇，她不發一言，掉了帶著她唇印的煙蒂就轉身離開，不同的是，她再沒有說明天見。

在一口煙的時間她走入了我生活，在一口煙的時間她離開了我生活。雖然我連她的名字都不知道，但我每一呼一吸，在那一縷縷的輕煙中總看到她的身影。

「如煙　因給你遞過火
如火　卻也沒熔掉我」

同呢篇文不謀而合

https://www.facebook.com/moonsonson/posts/621666854665942:0

純屬巧合

好少見連登post會有咁多字
btw 樓主真係畫得好好

留名支持樓主







Ps:千其唔好走數,會有報應

做helper，叫我地兩個搬野，本身一人一把撥扇，但我要搬個箱叫佢幫我拎住把扇先，跟住佢竟然一路行一路幫我撥埋扇，雖然我行先睇唔到佢個陣個樣，但一定正到仆街，佢長直頭髮。利申冇問到佢電話幾號屌

中學個陣 好似有得打類似棒球的野 見到個唔識的女仔準備打 佢準備個下 真係禁岩有風吹過來 吹到d頭髮好飄逸 之後就完 但個下個心真係好大力跳左一下