你講你對人一見鐘情/怦然心動嘅一刻,我將佢畫成幾格漫畫

就算樓主畫唔晒，睇到咁多咁冧既故事都好夠

好普通 佢第一次望住我露齒笑個下 心跳得好快 希望樓主會畫到我
Btw畫得好靚 支持

對唔住巴打
手快負評左
點解好似收唔返
你記住正評數加一負評數減一

個陣大家啱啱開始
上左佢到訓 不過要訓廳
佢拎左套衫比我著
然後洗左我套衫
我訓係梳化望住佢係露台掠緊我套衫

望住佢個背影 個腦好似觸電咁

佢係好瘦好瘦細細粒 皮膚白白長頭髮既女仔



期待樓主

曖昧緊
係學校 得兩個人上既堂
佢戴住口罩好攰咁趴係張枱到
我啱啱坐落佢對面
佢哄個頭埋嚟
隻眼水汪汪咁望住我
發燒發到成塊面好哂
之後叫我摸下佢額頭 問我係咪燒得好熱
個女仔係橋本環奈TYPE

出面落住好大雨
一齊撘緊通宵小巴返屋企
佢準備落車 我望住窗外面
落車既時候佢叫一叫我 我一轉過黎
佢就錫左我塊面一下
我就即刻好甜咁笑 同佢byebye

男 露額頭髮型
女 長頭髮斜陰

謝樓主 好期待

某年九月一日，係小一既開學日。一入課室就喺面前搵咗個位同幼稚園同學坐。兩點鐘方向見到個極其可愛既女孩子坐喺老師面前既位置，下巴托住枝當年shine賣廣告既芒果汁(唔知你哋記唔記得有啲咁既嘢)。望住佢好冇心機聽老師講嘢既樣。咁就鍾意咗佢十幾年了，仲曾經經歷曖昧期，sweet到爆。但最後因為自己當年唔成熟，冇辦法追到手而家同另一位男仔穩定交往中

中學果陣我同男朋友共用同一個locker
有日放學我諗住擺番d書入locker 一開個locker門
見到入面擺左兩隻公仔 係大家既生日日期（佢12月我9月）果陣我地拍拖無幾耐 見到果刻我好驚訝 開心到有少少眼濕濕 而佢就係locker 格黎等緊我一齊放學 到我擺完書行去佢格黎唔敢直視佢咁講多謝 （因為我好怕醜 當刻好想即刻攬住佢錫佢但唔敢）

佢係一名靚仔 高瘦 佢下巴右少少有粒墨
我就瘦 矮佢大半個頭 斜陰馬尾 下巴中間有粒墨

希望樓主可以畫到我呢篇 我地拍左3年拖 之後分開左兩年 依家一齊番 想借助樓主既畫記錄以前既美好回憶 感謝

達哥 扔筆 大大聲講個 完字
唔知有無機會見到你畫

一開始識你個陣 覺得你好少講野又唔熟 一開聲就mean到我 之後你都有keep住搵我 大家相處落都幾開心 遺憾既係我無勇氣最終無一齊而你都只係講左句byebye
其實只要望住你打波已經好心動 而家先識後悔 每次見你打波好型都好想衝過去攬住你
我知你有上連登不過唔會認到我 多謝你讓我做最真實既自己 係你面前做番一個小朋友

中學個時 冬天好凍
上緊堂嘅時候 我唔夠暖
就問隔離個男仔可唔可以借件褸嚟著
佢就借咗
件褸好大件 個袖已經蓋過隻手
所以拉鏈時唔方便 拉咗幾次都拉唔到
佢突然伸手過來幫我拉
同佢個人貼得好近 勁緊張抖唔到氣
完全冇預計到佢會幫我

lm

樓主加油 希望可以畫到我呢個 個故事好短
那天你獨自站在河邊，戴上耳機，靜靜的看著風景，有那麼一丁點注目，然後，我好想了解你

平時朝早第一個小息同朋友係小食部啲枱櫈到食早餐
有一次見到個低一級嘅女仔 坐另一張枱食早餐
見到佢同佢啲朋友傾計個陣笑得好靚好甜
對眼不自覺咁望住佢 比佢吸引左
之後都無之後了 係平時食早餐會偷望下佢
有時同佢對望
但真係好記得個下比佢笑容吸引住嘅感覺
講真 笑得甜嘅女仔會加好多分

同男朋友係拍野識 我做幕前 佢做機燈

記得有一個shot係要我係中學禮堂個台上面背向觀眾向後跌落台下 雖然唔算好高 又有體育堂藍色個啲厚墊係台下 但都有啲驚 到正式拍個陣拍左幾個take都唔收貨 有一下我向後訓跌落啲墊到個陣整到隻手 都有啲痛 不過見小事 而且好趕時間 就無出聲 自己捽下隻手就行返上個台到 一上到去 望到佢企係台下嘅中間望實我 其實我個陣完全唔識佢 但都好自然用口型問左佢一句 做咩 佢就好大聲咁問我隻手有無事 個下個心真係唔識形容

個次係我第一次做拍攝工作 一直都好驚做得唔好 都幾大壓力 記憶中 我一上返台望返佢 覺得周圍啲燈都係圍住我地兩個而set 橙橙地 好柔和 成個世界好似慢左幾拍咁 係個一刻 好似我同佢先至係呢套電影嘅主角咁

後尾都係好機緣巧合係煞科個日先真正認識對方 其實到左以家個個moment都好深刻 但已經feel到記憶真係會變得好模糊 好驚自己老左會唔記得左個一剎那 以家諗到都忍唔住喊左出黎

男朋友 我愛你呀呀呀

LM

同男朋友係拍野識 我做幕前 佢做機燈

記得有一個shot係要我係中學禮堂個台上面背向觀眾向後跌落台下 雖然唔算好高 又有體育堂藍色個啲厚墊係台下 但都有啲驚 到正式拍個陣拍左幾個take都唔收貨 有一下我向後訓跌落啲墊到個陣整到隻手 都有啲痛 不過見小事 而且好趕時間 就無出聲 自己捽下隻手就行返上個台到 一上到去 望到佢企係台下嘅中間望實我 其實我個陣完全唔識佢 但都好自然用口型問左佢一句 做咩 佢就好大聲咁問我隻手有無事 個下個心真係唔識形容

個次係我第一次做拍攝工作 一直都好驚做得唔好 都幾大壓力 記憶中 我一上返台望返佢 覺得周圍啲燈都係圍住我地兩個而set 橙橙地 好柔和 成個世界好似慢左幾拍咁 係個一刻 好似我同佢先至係呢套電影嘅主角咁

後尾都係好機緣巧合係煞科個日先真正認識對方 其實到左以家個個moment都好深刻 但已經feel到記憶真係會變得好模糊 好驚自己老左會唔記得左個一剎那 以家諗到都忍唔住喊左出黎

男朋友 我愛你呀呀呀

同個男仔第一次出黎 去左灣仔海旁 果日係12月31號 果晚我地一齊望住個海 對面中環大廈d燈好靚，一路傾心事 一路等倒數。
終於倒數喇，我地10,9,8,7⋯⋯1，新年快樂，我地相視而笑，跟住煙花好快就爆岀黎，好靚，我同佢並肩企係高地靚位，睇住眼前好似伸手就摸到既煙花，係我咁多年來最感動既一刻！期間，我地一時咬下耳仔，一時笑下。我望住就快完既煙花，突然轉頭望向佢，就係呢一刻，我覺得好幸福，我心動了，我確定自己喜歡佢了！
誰知佢突然轉頭望我，嚇到我即刻望番煙花，心仔卜卜跳！就係咁，我地繼續並肩望住前面既煙花，過左屬於我地既第一年倒數


辛苦樓主，我地依加都過得好幸福呀，所以想樓主畫畫幫我地記錄低

係走廊行過 擦身而過 我回頭望到佢同朋友傾計嘅時候 佢嘅笑容深深咁吸引住我

有一次番大陸玩，去左屋企人既朋友既屋企住，而個個人就有個女。佢個女好好客，招呼得我地好周到，會車我地到周圍玩，同埋會請我地食好多野。
印最深刻嘅就係佢湊佢嘅表弟（好細個，三個月大）個陣我話想抱下個BB，但我唔識抱 之後佢貼得我好埋 教我點樣抱BB
個一下我就比佢吸引住左，覺得佢係一個好好既女仔
就係咁，我就鍾意左佢
（佢髮形中分 冇紮頭髮既 長度中等）
唔該你啦樓主

btw 樓主真係畫得好好

btw 樓主真係畫得好好

補返少少野
佢戴眼鏡