你講你對人一見鐘情/怦然心動嘅一刻,我將佢畫成幾格漫畫

正皮幫推

而家個女朋友未一齊果陣
有次我隻手整親
沖完涼手痕R到流血
跟住佢個樣好緊張咁幫我痴膠布

有一年嘅學校聖誕聯歡，想將禮物送俾個女仔。佢個時因爲一啲事而成日唔開心。

前一晚我買左一隻用緊水泡既鬆弛熊公仔成個放入書包入邊，啱啱好位置。

係完結當時，佢同一班女同學由課室出去經前梯離開。

我就見佢地開始落去，我就跑向後梯衝落去。去到一樓再跑返去前梯，係隔離兵兵球枱等。

見到佢地落到，準備轉落去樓梯個時。

捉住佢前臂行到枱旁，係書包拎出公仔俾佢。

佢收到嘅笑容好靚咁多謝我，仲抱住隻公仔笑住走。

我諗樓主有排畫 開定第二個post都得

同女朋友未一齊果陣出過去陪佢買野
之後比佢啲frd趕咗我地去行尖咀海傍
心入面其實好驚唔知佢係咪真係肯同我一齊
行到藝術館附近嗰陣要轉彎就借機拉住佢隻手指尾行咗陣
點知佢突然拖晒我成隻手
問我係咪好耐未拖過女仔手
仲行到痴實我
嗰吓開心到唔知講咩好成個人啞晒

女朋友我好愛你啊！

數年前的中秋節，有人請全店的人吃月餅，月餅只有六個，人卻有七個。我不過是兼職，肯定是多餘的那個，我也知趣沒有多說甚麼。你將我拉進狹小的貨倉中，緊靠着我將月餅拆開。月餅尚有數厘米便碰到你的嘴唇，不過眨眼，親吻月餅的卻是我。我沒有張嘴，你也沒有收手，你低聲道：「等我食你口水尾喇。」我怯怯的咬了一口，像是在敷衍你，實不然。月餅甜，我的心更甜。

我：高馬尾、黑框眼鏡、好瘦
佢：眼細細但成個樣都勁warm，有少少佬味
你叫我等你換衫一齊走，我冇等到，之後你畀公司調去新界，我就做咗文職，兩年後再見返面你已經有女朋友，同埋都唔太記得我⋯⋯

辛苦晒樓主要係咁睇留言同畀心機畫，過年先有得睇/冇得睇都冇所謂。我當做畀機會自己放低心入面一個小小嘅遺憾。

多謝樓主帶返細個嘅幻想空間俾我

支持

一個小小肥長頭髮尖面既女仔見到街邊雀仔飛過然後好驚 我好想保護佢一生一世 宜家已經變左ex

[member]
佢係外地返香港 同我講無人接佢機
我問佢洗唔洗我去接佢無應我機
我一上完堂就仆左去機場
佢一落機就同我講land左 我係甘同佢講廢話
之後我等左45分鐘終於忍唔住打電話俾佢問佢係邊
佢就笑住話你唔係真係黎左接我機啊嘛
當佢講到一半既時候我已經係佢隔離同佢講 :「我甘岩路過」
最後就幫佢拉行李返屋企 永遠都忘記唔到佢果下對我笑得幾甜


有次食飯送佢返屋企
佢突然同我講佢屋企人既事俾我知
我不其然甘捉住佢隻手望佢 想俾佢知我會陪住佢
點知 佢都同樣望住我
果下個心突然跳得好快

一齊睇演唱會 企standing 果陣好多人
佢又細粒突然間俾人一推成個失平衡
之後我一手拉佢埋黎攬住佢
果陣四目相對 feel到大家既心跳
就甘對望左十秒左右先鬆手繼續睇

以上都係對住同一個人 好多次心動
但 ⋯⋯我地只係朋友
[member]

[member]
佢係外地返香港 同我講無人接佢機
我問佢洗唔洗我去接佢無應我機
我一上完堂就仆左去機場
佢一落機就同我講land左 我係甘同佢講廢話
之後我等左45分鐘終於忍唔住打電話俾佢問佢係邊
佢就笑住話你唔係真係黎左接我機啊嘛
當佢講到一半既時候我已經係佢隔離同佢講 :「我甘岩路過」
最後就幫佢拉行李返屋企 永遠都忘記唔到佢果下對我笑得幾甜


有次食飯送佢返屋企
佢突然同我講佢屋企人既事俾我知
我不其然甘捉住佢隻手望佢 想俾佢知我會陪住佢
點知 佢都同樣望住我
果下個心突然跳得好快

一齊睇演唱會 企standing 果陣好多人
佢又細粒突然間俾人一推成個失平衡
之後我一手拉佢埋黎攬住佢
果陣四目相對 feel到大家既心跳
就甘對望左十秒左右先鬆手繼續睇

以上都係對住同一個人 好多次心動
但 ⋯⋯我地只係朋友
[member]

話俾佢知,唔好將來先後悔

樓主好正

同男朋友曖昧緊嗰時(以前係同事)，我唔知嬲左佢啲乜，炒炒下檔有段空檔，佢無啦啦落左樓下買左兩條能得利比我，
我食左幾粒問佢點解咁好運買到條咁多紫、綠色(我淨係鐘意食呢兩隻味，但次次買親都勁多橙色)，
原來係佢買左幾條然後砌左兩條只有紫色同綠色嘅能得利比我，即刻由個心度笑左出嚟

同男朋友曖昧緊嗰時(以前係同事)，我唔知嬲左佢啲乜，炒炒下檔有段空檔，佢無啦啦落左樓下買左兩條能得利比我，
我食左幾粒問佢點解咁好運買到條咁多紫、綠色(我淨係鐘意食呢兩隻味，但次次買親都勁多橙色)，
原來係佢買左幾條然後砌左兩條只有紫色同綠色嘅能得利比我，即刻由個心度笑左出嚟

我係及肩短髮，佢係剷兩邊gel中間嗰啲頭

有一次上去佢hall度玩到好夜，佢讓咗佢張床比我瞓，自己瞓佢roommate嗰張。當時我瞓喺佢張床睇網上愛情漫畫，佢走咗黎我床尾櫃除低眼鏡。唔知點解當刻覺得佢好靚仔，就想偷影佢，點知開咗閃光燈
佢即刻問我做咩偷影佢，一邊行番去隔離床。我話snapchat撳錯制，之後轉身面向佢張床，勁心虛扮繼續睇漫畫。
睇睇下好想知佢瞓咗未，就移開電話，點知發現佢一直凝望住我
同佢對視完之後成晚瞓唔著 咁就比佢偷咗個心

我地係project teammate
有日上同學屋企傾project 傾傾下大家都攰 就諗住第二日再傾過
跟住得返我同佢同另外一個同學係屋裡面
我同佢坐係個沙發度 佢話想訓陣 我就諗住坐過少少比佢可以伸直對腳黎訓
跟住佢話唔洗 問我可唔可以借對大脾比佢 “long”住對腳黎訓 我都冇諗啲咩 就將佢對腳放上我大脾度
跟住佢開始訓 我就繼續睇電視
過左一陣 佢話訓唔著 話佢要拖住人地隻手先會訓得著 講完之後就即刻拖住左我隻手 放左上佢肚腩仔上面 我嗰陣望住佢 心跳加速 心諗：屌 我唔會鐘意左佢下話（因為我唔鐘意細過我既人）跟住我就呆左咁望住佢訓教既樣 過左一陣 佢無啦啦開眼 好似見到我望住佢 我就即刻拎轉頭 扮冇野 就住就發現自己好似鐘意左佢

啲故事好sweet 好想知個啲一見鍾情嘅故事主角係咪大家都係靚仔靚女
回想緊同ex嘅sweet野

幫樓主推

菇頭 黑色眼鏡 大眼 學生妹 回眸一笑 好似比海嘯打中咗咁 成個世界靜止咗

同屋企人去日本，行到一半去食糖水，望到個架妹waiter真係個心係咁跳，落order個時又笑住咁望住我落，到我走個時突登行出黎同我say bye bye

第一次見係中四係自修室溫書，回頭一望，見到佢，目光真係移唔開，眼定定咁望住佢幾秒。

之後有次一齊食飯，臨走望住佢對眼講掰掰，周圍啲人好似靜止左咁，嗰刻我淨係望到佢。

再之後有次幫小朋友冒住雨咁係戶外搵野，搵左成粒鐘到搵唔到，佢叫個小朋友唔好再搵，因為唔會搵到，一手抱起個小朋友跑返簷蓬底。
之後再聽佢同小朋友個媽媽講，係我幫佢一齊搵之前，佢已經幫啲素未謀面既小朋友搵左成半個鐘。

知道樓主唔會畫到，睇到你呢個post就諗返起佢，就想打返出黎。

佢由頭到尾都無中意過我，我由第一眼見佢就中意佢。

同個新朋友一齊出去食煙， 食食下傾心事， 點知最後大家都已經冇煙， 而我就得返一支， 最後一支兩份食。好有印象個煙咀仲有紅色既唇膏印

下篇開始要概括啲 唔係真係變冨樫, 請見諒

《一口煙的時間》

「原來新嚟嗰嗰阿予係狗公嚟，我聽阿婷同阿瑩都講過話佢成日Whatsapp佢哋」坐在我鄰桌的阿峰雖然壓低聲線，但仍語帶興奮，難掩其講是非的興致。

「天下狗公一尻樣呀，見到靚女就狗衝嫁啦」我一邊附和著阿峰一邊埋頭於眼前堆積如山的工作。

「你知唔知阿峰同隔離TEAM嘅阿淇一齊咗，佢哋成日隔空放閃又成日大庭廣眾互叫BB豬豬咁，真係見到都眼冤。」阿詩眼看阿峰剛剛講是非講得眉飛色舞，就趁阿峰甫離開座位的機會過一過是非癮。

辦公室政治及人際關係比起辦公室本身的工作更難處理，生存在這個是非之地，唯一的喘息機會就是我獨自一人走到後巷吸著一口煙，吞雲吐霧意識神遊的時候，人們叫吸煙作呼吸，可能是除了單純將煙一呼一吸，更是在這虛情假意、工作得麻木的社會下，得到這才是真正活著的呼吸感覺。

這一日我如常躲在這被鬧市所遺棄的後巷吸煙，正當我神遊物外的時候，意識被一把清脆的聲音拉回現實。

「借個火嚟得唔得?」

眼前是一位大約二十出頭的年輕女生，用右手食、中二指夾著一口煙，睜著黑如點漆的雙目看著我，除了她一雙妙目，最令人吸引的就她那塗得鮮紅的朱唇。我將火機借給她，她點著煙後瞇著雙眼不發一言地站在我身旁。我呼出的一口煙與她呼出的一口煙互相交纏擴散，化為一絲一縷的輕煙向外飄去。這冷清的後巷似乎不再那麼冷，她藏在輕煙後那忽隱忽現的臉容反而比辦公室同事的面目更為真實。

「聽日見」

她看著我雙視一笑，只拋下一句就轉身而去。我還沉醉在剛才的氣氛中兀自發眐，看著那帶著唇印的殘煙在地上燃燒僅餘的星火，望穿秋水之美。

「借個火嚟得唔得?」

一如往日，我們二人躲在冷巷「呼吸」，在冷巷的每多一次相遇，交談的話題亦加一分的深入，我們在這短短的時間中天南地北無所不談，談論連場大雨我窗台漏水不得了、她的同事如何討厭、我今天趕著出門如何穿錯不同款的襪。但我們總是在有意無意之間迴避著有關自己的話題。可能是我們都認為一但認識了大家，知道了大家的名字就不能再暢所欲言，又要戴上那應付人際關係的面具。

「借個火嚟得唔得?」她微笑著，嘴角露出了淺淺的酒窩。

「可唔可以話我知你叫乜名?」

我忍不住纏繞心頭的疑問，不再理會那未曾說過出口的禁忌，但下一刻我就後悔了。她原本的笑容猶如僵在臉上一樣，搖了搖頭，臉上的神情變得如我的同事一樣。像初次相遇，她不發一言，掉了帶著她唇印的煙蒂就轉身離開，不同的是，她再沒有說明天見。

在一口煙的時間她走入了我生活，在一口煙的時間她離開了我生活。雖然我連她的名字都不知道，但我每一呼一吸，在那一縷縷的輕煙中總看到她的身影。

「如煙　因給你遞過火
如火　卻也沒熔掉我」

同呢篇文不謀而合

https://www.facebook.com/moonsonson/posts/621666854665942:0