你講你對人一見鐘情/怦然心動嘅一刻,我將佢畫成幾格漫畫

個陣拍左拖大半年，係地下情，平時出街驚撞到熟人連手都好小拖。

有一晚成班friend向天台玩game吹水，我就有啲心事自己坐埋一邊睇星星同夜景。

佢玩左一陣留意到我頹頹地，就慢慢行過黎坐向我隔離，挨落我心口，仲拖埋我隻手。

成班人呆哂咁想問好多野嘅時候，佢"dup"低頭細細聲咁講 「係啊，我同佢拍緊拖啊」。側面望埋去，佢笑得好甜好甜，個下我覺得我係全世界最幸福嘅男人。

之後伴住個夜景傾計傾到天光，隻手冇鬆過。

利申：現任，真係好愛佢

唔該樓主，好想比女朋友睇返一齊回味下

仲曖昧既時候 兩個放工出去摩士公園捉精靈 一齊食完宵夜就行去公園 突然過馬路既時候橋住我條頸 我即刻勁緊張 後來係球場坐低 佢就細細聲問我 「可唔可以做我女朋友」
未試過男仔開口講過呢句 所以個刻真係好心動好開心

我係中長髮斜陰 佢係齊陰短髮
樓主畫啲漫畫睇落真係好心動 加油

攬住男朋友係佢間hall到訓
訓到好lum 凌晨果時佢rmmate先岩岩番黎
開左枱燈 我比佢rmmate嘈醒左
發現男朋友用緊佢隻手幫我擋住啲光
而我都好識做 繼續扮訓得好lum

好高汁

雖然唔係我既故事，但我好想睇佢變成漫畫一定好正

個時拍左兩三個月拖，有一次同佢食完野落樓梯踩空左，成隻腳掌鏟左落地拗柴，佢好緊張咁叫我坐低，然後狗衝左去便利店買涷水幫我敷。
休息左一陣，我本身諗住佢扶我搭巴士返去，佢二話不說揹起我，唔理我反對揹我去的士站，其實我個時喺佢背脊紅都面晒。落左車佢又揹我返屋企，我係咁拒絕因為唔想再面紅，但佢又唔理我照揹我。
其實我份人好唔知醜，係唔知點解個時咁易面紅
唔該巴打

同佢睇入戲院睇Logan
越睇越眼訓 就挨左落佢膊頭
然後佢就開始好溫柔摸我個頭
差d比佢摸到訓著
然後佢錫左我面豬一啖
我嚇到坐直左個人
但最後被佢拖返隻手 拉返去佢身邊

佢個時好shy 好cute 依家好曳又鹹鹹濕濕

先形容一下外觀 男方帶黑色漁夫帽 平陰 面尖 腳幼 女方：斜陰眼大短髮 著短褲
我見親哩個女仔都會怕醜面紅 dup低頭
有一次忍唔住做主動 拉住佢過馬路
佢無鬆手 拉拉下變咗拖住佢 其實大家都好怕醜
但就唔出聲繼續拖到送佢番屋企樓下
攬住咗佢問佢可唔可以做我女朋友

男仔同個曖昧緊ge女仔去歐洲旅行
第一日check in 民宿（有d鄉村feel)
返到房擺低行李
個女仔係床到玩手機
男仔貪玩想偷睇個女仔玩緊乜
哄埋去果陣個女仔岩岩好抬高頭
然後就kiss左（佢地ge初吻）
個女仔塊面即刻紅哂哩左入被窩
男仔就呆左不知所措
然後




個男仔捉返個女仔出黎再温柔咁錫左佢幾秒
利申 初戀 手已分

樓主好想你畫
我形容多d
男仔載黑框眼鏡 斯文
女仔啡髮 眼大 可愛

要等 同埋唔好咁大期望

多謝樓主

同個新朋友一齊出去食煙， 食食下傾心事， 點知最後大家都已經冇煙， 而我就得返一支， 最後一支兩份食。好有印象個煙咀仲有紅色既唇膏印

下篇開始要概括啲 唔係真係變冨樫, 請見諒

樓主好神，我都鐘意創作（音樂），見到幅食煙同我首歌好match,唔知樓主有冇興趣合作玩下。好想要個插畫mv

我首歌:
https://lihkg.com/thread/363141/page/2?ref=android

中學lastday咪會畫花件衫嘅，咁我遞隻手臂俾個我暗戀好耐嘅男仔簽名，點知佢簡左哄到勁埋簽我衣領位，真係紅都臉曬。簽完光速衝入廁所除左件衫睇佢寫咩，佢寫左“遇上你係我既幸運”，睇到嗰下喊左出嚟。
利申：無一齊到，真絲

有晚一班人去個frd 屋企玩通宵，到半夜頂唔順各自搵位訓教，我就訓咗喺梳化，佢訓喺梳化隔離嘅地下。
訓訓吓我隻手就垂咗喺梳化邊就嚟掂到地下，點知突然間佢拖住咗我。
嗰一下個心跳得勁快，雖然有張被遮住少少，但都好驚會比人見到 又唔捨得縮手，又唔敢突個頭出去偷睇佢，一直拖到天光 無訓過咁濟，直到聽到有人起身就即刻縮手，之後就成班人一齊等車返屋企，好似無事發生過咁

已成ex

中學lastday咪會畫花件衫嘅，咁我遞隻手臂俾個我暗戀好耐嘅男仔簽名，點知佢簡左哄到勁埋簽我衣領位，真係紅都臉曬。簽完光速衝入廁所除左件衫睇佢寫咩，佢寫左“遇上你係我既幸運”，睇到嗰下喊左出嚟。
利申：無一齊到，真絲

點解冇一齊

未同現任一齊果陣 有次送佢返宿舍 行到一半佢嫌我跟住佢 我就自己走左 行到一半發現佢有袋藥係我個袋到 我即刻跑返去比返袋藥佢 留低左一句：記得食藥呀 之後就轉身走左 佢好似好冧

有晚放工
佢車我入南灣睇星星
車程中，電台播緊「其實你心裏有沒有我」
我一邊聽一邊望住佢揸車既側面
覺得佢好charming
去到南灣，滿天星星，好靚
我同佢坐係放於沙灘上反轉既小艇上傾偈
之後我地上返車，係車上面訓左陣
到清晨時份，個天開始有啲光
佢就愈訓愈哄近我
我地鼻尖點鼻尖
佢用左手摸著我咀唇
我個心跳得勁快
個人勁熱 發滾咁

我：中長攣髮 大眼
佢：平頭裝 細眼

唔該樓主
呢個係我既心結
因為原來個男人係有老婆
我地識左三個月先一齊
呢件事係我地一齊前一晚發生
到一齊左個幾月時我先知原來佢有老婆
即係打從一開始識佢佢就呃我
呃足我4個幾5個月
原來佢老婆係果段時間去左公幹
直到有日我打俾佢
係一個女人聽電話先知
到而家都過左兩年
但成個經歷我而家諗返仍然好傷
直頭係：你叫我最快樂你也叫我最心痛

中學lastday咪會畫花件衫嘅，咁我遞隻手臂俾個我暗戀好耐嘅男仔簽名，點知佢簡左哄到勁埋簽我衣領位，真係紅都臉曬。簽完光速衝入廁所除左件衫睇佢寫咩，佢寫左“遇上你係我既幸運”，睇到嗰下喊左出嚟。
利申：無一齊到，真絲

點解冇一齊

佢無鐘意我，係我一廂情願
其實樓主畫唔畫無所謂，講出嚟舒服啲。

有晚佢送我番屋企
到左我屋企門口
我準備行入去果陣 佢喂左我一聲
我擰轉頭 未問得切做咩佢就攬住我

樓主係用咩app畫？
Procreate?