On C AllStar
關於膝頭受傷討論⚽️
當日我係著呢對boot,近七年八年真草同仿真草兩用,都踢過好多場地,仿真草都踢過好多個,九龍仔、九龍灣、樂富、黃竹坑、跑馬地…第一次踢顯田仿草,以用家角度,場地嘅膠粒偏多,亦可以踩到好深,比較啜腳,亦比一般踢開嘅深,我一般都會預早30分鐘開始熱身,熟習場地。
而當日其實仲有第二個系統問題,就係管理員唔俾我哋入場,話要十五分鐘前先可以入去,我問點解?佢話場地規定,咁點解我有其他隊友入咗去,我又唔入得?我話雙重標準喎,佢就話自己頭先出咗去,所以啲人自己入咗去。我話咁你點判斷俾咩人入?佢話總之就十五分鐘前先入得,我話要熱身,然後第二位職員走過來叫我同朋友冷靜啲,佢咩都唔知第一句就叫人冷靜啲,然後我話要入場邊熱身,佢就話喺出面熱身囉,我話著住釘boot點喺石屎地熱身,好明顯佢唔識,唔理佢。最終叫咗個好似係經理出嚟,擾攘一番先俾我哋入去,嘥咗我哋足足10分鐘,激x死😡。
我絕對唔介意俾大家知著咩鞋,除咗科學上嘅討論,用家現場實地嘅意見都好緊要,自問曾經都係職業足球員,假如我今次嘅受傷可以引起少少討論,例如場地、揀咩鞋、熱身方法等所有外在內在因素,從而減低未來任何人,業餘也好職業也好(因為有好多職業足球員都喺仿草訓練)嘅受傷或一世掛靴嘅機會,同時減低公立醫院手術或復康負擔等等,我會覺得傷得比較有社會意義,好過啲。
最後,業餘唔代表唔需要安全,所有事情都可以朝住職業心態去令自己令社會進步。
我希望我可以踢翻波,因為踢波真係好開心!
漫長ACL重生旅程啟動,積極,不心急
呢單大家點睇
可以討論下香港咩草場應該著咩boot 減少受傷既風險