去左人生洗腦課程，記錄晒入面所有內容細節

查理斯王子 · 2023-07-03T17:17:04+08:00

呢D課程由細聽到大，但到而家都聽到有好多人被昆上去，直到有日有個朋友同我講佢讀左個課程，話個課程好好改變左佢，令佢人生好正面積極，搵返人生目標，幫到佢好多，叫我都去上堂聽下，體驗下，我一聽到就知係洗腦課程，佢仲話幫我比埋錢，有咁嘅機會緊係唔放過啦，睇下入面點樣洗人腦，亦公開平時網上好難搵到嘅內容。我上完個課程，奉勸大家收到朋友呢D“邀請”，千萬唔好去，因為如果你定力唔高，抗壓力唔高，頭腦唔清醒，分析力唔強，就好易比人洗到腦，因為入面黎黎去去都係疲勞轟炸，再利用群眾壓力同埋環境氛圍，催眠慢慢令你跌入佢既圈套，咩圈套？最終就係令你覺得課程非常好，想你比更多既錢去讀佢其他課程，同埋會用催眠方法去令你介紹更多朋友去讀佢D課程，令間公司不斷有收入，但最終收錢只有老闆。中心有3個核心課程：基本課程 - 察覺高級課程 - 突破領袖行動課程 - 蛻變而基本課程價錢$4800，一星期上主要既5堂，星期三至五 7pm-1200am，星期六10am-1130pm，星期日 10am-6:30pm。 + 星期一：創新生活面談（任揀時段2小時）