去左人生洗腦課程，記錄晒入面所有內容細節

呢D課程由細聽到大，但到而家都聽到有好多人被昆上去，直到有日有個朋友同我講佢讀左個課程，話個課程好好改變左佢，令佢人生好正面積極，搵返人生目標，幫到佢好多，叫我都去上堂聽下，體驗下，我一聽到就知係洗腦課程，佢仲話幫我比埋錢，有咁嘅機會緊係唔放過啦，睇下入面點樣洗人腦，亦公開平時網上好難搵到嘅內容。

我上完個課程，奉勸大家收到朋友呢D“邀請”，千萬唔好去，因為如果你定力唔高，抗壓力唔高，頭腦唔清醒，分析力唔強，就好易比人洗到腦，因為入面黎黎去去都係疲勞轟炸，再利用群眾壓力同埋環境氛圍，催眠慢慢令你跌入佢既圈套，咩圈套？最終就係令你覺得課程非常好，想你比更多既錢去讀佢其他課程，同埋會用催眠方法去令你介紹更多朋友去讀佢D課程，令間公司不斷有收入，但最終收錢只有老闆。
中心有3個核心課程：
基本課程 - 察覺
高級課程 - 突破
領袖行動課程 - 蛻變



而基本課程價錢$4800，一星期上主要既5堂，
星期三至五 7pm-1200am，
星期六10am-1130pm，
星期日 10am-6:30pm。
+
星期一：創新生活面談（任揀時段2小時）

閒日上到12點咁chur 唔洗番工咩第日

呢個課程係Asiaworks 既MAD人生課程。其實仲有好多公司都有一模一樣既課程，而好多媒體都有報導過呢D公司。

即日朋友幫我報左名，第2日有職員打比我，想約我用一個鐘時間做Zoom Interview，實質係初步了解入讀者既性格特性，篩選適唔適合被洗腦。如果係一個對自己前途唔清晰，迷失，冇目標，冇自信，帶有負能量，剛畢業學生，同家人或伴侶關係唔好，應該好符合佢地條件。

而喺呢幾日，我已經網上做左資料搜集，大慨會知佢地想點，但就好難搵到關於課程整個內容，個朋友都唔講，叫我自己去體驗。而我搵到一個討論區，有一班曾被洗腦之後醒覺抽離嘅人分享，原來有唔少大學畢業生，甚至老闆都會去讀。原來佢地講返係因為個講師講中左自身問題，包括性格、與家人、同事關係、金錢等等問題，講師話有方法令佢地變得更好所以當初深信不已，但最後發覺變左幫人地搵錢所以醒覺。

當中產生好多問題：
佢地會用咩方法令人去相信佢地套理論？
點解咁多年都仲有咁多人比錢去讀？
點解讀完既人係咁話好然後又係咁介紹人入去讀？
點解有人讀完後會幫人比錢讀？
入面有冇同學同我一樣其實一早知呢個課程？

想知後續

留名

留名

LM

留名

留名
我之前都試過俾人夾左去類似呢啲人既聚會度好辛苦

星期六仲以為得個半鐘 睇真啲原來十幾個鐘

Strong post leave name

一定的 因為要消耗你體力等你防守鬆懈

聽聞令你唔夠訓繼而精神崩潰係其中一個手段

因為個課程想疲勞轟炸
而個朋友日日車我返屋企，之後我會提到個朋友點解會咁做
D朋友係會出面等"學生"落堂，因為係被導師洗腦要佢地咁做

Lm

Lm

釋放自己

係屋企打機都打唔到咁耐
何況仲要出去

留個名

之前我老婆正正就係去讀依個mad41
讀晒全部課程成兩皮幾三皮

強帖留名