[立場] 化妝護膚品討論區#136

幸福肌 雙十一 防曬 抗氧化都有五折 係咪同周年慶折扣一樣

停一停諗一諗
好多抗氧化精華冇酒精
而且佢配方穩定性似乎好低，淨係做10ml同埋建議未開封前都要放雪櫃
https://www.makehappyskin.com/product-detail-view.php?p=713&keyword=三倍濃度抗氧化精華（三入）
睇番商品問答，公開咗酒精有10%以上，亦多番強調用家低溫保存重要性，強調品牌運輸出貨係保持低溫
⋯⋯
我暫時未見過有家用護膚品會宣稱需要未開封前放雪櫃，開封後要嘅就有好多
少尷尬，幸福肌一方面強調自己配方師專業性，一方面又冇咩研究數據證明自己產品穩定性同療效
佢哋有嘅研究數據只限於原料供應商提供嘅數據

你好有可能花完一大筆金錢只係獲得一樽酒精溶液，台灣運送到香港，按照佢呢個寫法活性恐怕所剩無幾

唔好舉報我

想問下大家用完護膚品啲瓶瓶罐罐會點處理？
會唔會有邊到可以回收？

七號post更新咗啦

sephora！一個10分，不限品牌，超市洗頭水樽都收
100分勁多唔同mini可以換嚟試，會期期換

Thank u玉絲！
聽日去換先

原來要擺雪櫃之前用嘅時候都冇擺雪櫃 同埋幸福肌呢度既C打都推介左幾年啦喎真係會咁冇用咩？

成千四蚊30ml，去買一個冇臨床數據支持嘅產品，真係需要三思下值唔值得
同價位嘅老前輩skinceuticals有勁多實驗支持
平一半真係由皮膚科醫師主導嘅dr dennis gross都係有曬臨床測試
仲要有一隻無酒精，毋須放雪櫃，開封後六個月保質期，有齊蝦青素、茄紅素、SOD酶、葉黃素、碧容健（碧蘿芷），同埋各種修復防護輔料嘅抗氧化組合拳30ml精華原價hkd214、特價hkd165叫做NIOD S0
唔係話幸福肌冇效，只不過真係唔值，呢個價錢唔應該臨床數據都冇
佢所謂科學實證只係支持當中原料嘅抗氧化功效（由原料供應商提供），並冇數據支持幾隻嘢加埋呢個配方組合係有足夠活性同穩定性
個人認為幸福肌主要售賣嘅係品牌故事，係一股信念

幾好唔錯啊，好適合妝前退紅去角質保濕，用棉抹

唔該晒玉絲襯雙一十入手先
之後再包膠大家

作為一個cosmeceutics既graduate(雖然bachelor係好入門，冇再讀埋master) 有啲位想講，大家可以一齊討論下

因為係抗氧化既配方入面，水本身就係最唔穩定既成份，理論上佢個配方做無水穩定性係高
佢自己擺+叫人未開擺雪櫃只係為咗盡量減慢係開樽前自然氧化既速度
佢可以乜都唔講keep住賣，冇過期就得
佢咁做只係希望鐘意囤貨或者對成份活性好睇重既人係用既時候仲係冇點降解

香港台灣仲有個問題係夏天長期30度，對於產品係好大既影響，返工返學出個門口熄冷氣 屋企就變30度或以上
唔似大部分外國地區就算夏天日頭熱一熱，夜晚都好涼，室溫唔會高得過25
所以係叫人擺雪櫃係幾因地制宜

同埋咁既配方design使用感真係贏好多其他牌子，water base抗氧化精華個通病係多元醇乾乾油油既感覺好奇怪，難得油肌夏天都可以輕鬆用抗氧化應該係得佢
歐美啲天氣就冇所謂啦，油肌都變到要搽cream

Skinceuticals 先唔講佢係Loreal gp,有金主support做實驗，而我哋呢行都知好多非藥物既臨床測試報告金主支持先出到paper+有啲bias係正常（可以參考下Lab Muffin條新片既前半段，講retinol但一樣可以套係任何cosmetics active ingredients上）
做得臨床測試就唔係cruelty free，只係用已知並係市場有咁上下年資既成份組合配方，冇必要令自己產品變cruelty(仲要好貴)，你都可以話cruelty free係marketing/單純愛動物/窮 冇錢做
如果係講俾private lab blind test試係人身上嗰種，認證性其實唔高(因為點都有效，只係唔知幾有效)，又冇可能攞人哋牌子既做對照組，變咗唔係necessary

我係英國有under Skinceuticals training，佢哋係有提CEF抗氧化功效係suppose俾人開樽3個月內用哂，再不斷話根據佢哋recommend既用量，貨裝30mL應該3個月就會用哂，一定唔會超過6個月，記得提病人用快啲，過咗6個月就唔保證有冇效果

base on幸福肌既用法，一次係1-4滴溝落toner/cream，對返其他water base抗氧化精華要用既份量，價錢係平
幸福肌一盒可以用一年左右
用NIOD比較應該就差唔多價錢(不過蝦紅素最近有啲配方師開始講緊冇乜料到得個色，我就等緊多啲資料出嚟再食花生)

以前我係呢個po都推唔少幸福肌，
佢算係價錢 效果 成份配方都好平衡既牌子
全世界咁多brands係market
對於唔同人既膚質一定都會有比幸福肌更好用既產品
但唔想自己做白老鼠唔想揀 又想有效既人
無腦入手攞黎replace用開既護膚品已經可以

ps佢有幾款產品係我搵極都搵唔到可以replace到佢既，當然唔係全部，佢紫色面霜/大樽紅色精華都係還好唔一定要買佢

cruelty係關動物實驗，唔關臨床實驗
所以SC有數據保證三個月內有效，幸福肌冇數據保證幾耐有效
如果無水配方最好，咁The Ordinary隻Silicone維他命C又係咪跑贏其他水基維C產品呢
理論上有效唔相等實際上有效
護膚品研究受市場限制一定係會有偏頗，但係宜家係比較幾十篇偏頗相對於零篇
幸福肌唔係用已知證實有效嘅組合配方，係用幾隻單獨已知證實有效嘅原料溝埋一齊
一盒用一年，咁最後一支喺第八個月剩低幾多？
既然你本身讀呢科，就更加唔可以盲目做成分黨，要做配方黨

番茄炒蛋，番茄好好食，雞蛋都好好食
可以有人煮到番茄出曬水，有啲直接揼水煮蛋落去炒，有啲雞蛋老曬，有啲茄多蛋少，有啲蛋多茄少，有啲有芡，有啲冇
咁簡單淨係兩樣「活性成分」，配方都可以千變萬化，出嚟嘅味道由地獄到天堂不等
米芝蓮係好偏頗，去啲隱世街市檔口都可以搵到驚為天人嘅美味，但係講中伏率，成日媒體曝光嘅餐廳同寂寂無名嘅細舖又係咪相等呢

有冇人試過Rmk 最新gel foundation ?

臨床實驗幾個phases，動物係其中一個一定要做既
即係有臨床實驗=一定包動物
以前係lab既時候日日都見住老鼠被剃哂毛吊住係到
Cosmetics係唔需要有臨床實驗，因為成份正常冇藥性成分(或者已知冇好大既副作用)
有就直接行醫生prescribe條路

台灣/歐美法規唔同，需要做既測試都唔同
如果你想講既係in vitro活性測試，幸福肌係自己lab係有做，我記得佢以前有係blog post出過條curve，只係冇課金publish(根本都唔需要)
不過我懶唔想搵，你有興趣可以message佢哋睇下有冇record

正正係因為我讀呢科，所以我更加知有好多有心想做好配方嘅人冇金主support，辛辛苦苦整個產品出嚟extend唔到落去，最後都係做打工仔算
難得張麗卿用佢咁多年教學同開班教化妝品工廠儲落既錢整個brand出嚟，好用既野咪課金等佢可以keep running



配方係有chem人既浪漫係入面，使用感、溫和度、有效性全部都係，但淨睇成份冇自己摸過產品都唔知係點，更加唔好講好多complex專利成分唔係個個brand都會拎出嚟打飛機，無提就只可以摸住+睇成份估，一係就工廠行內人先會知
配方既學問好複雜，冇可能用冇”臨床實驗”就屌，因為係非必需既野，睇得越多就越會尊重每個牌子，因為你冇可能完全明白一個配方背後究竟係點，同工廠係咪deal咗好耐，lab已經試咗幾年穩定性吸收性etc

btw張麗卿真係唔算寂寂無名，係台灣業界少有獨立開班教配方師/工廠/PIF既大學前professor

就Black Friday update下啲愛用
有啲之前有提過當整合，用牌子分類

Lisa Eldridge
-粉底中規中矩，對毛孔修飾力好好(最靚手法：用手指上+乾掃或sponge，用濕sponge會7啲)
唔太kick紋，最重要係橄欖完美match到色
我自己用9號最夾條頸，2.5和9.5都ok的
-卸妝膏 成份配方好特別(容易生暗瘡最好諗下先，唔肯定會唔會谷瘡)，用完會有敷完面膜既保濕感覺，乾肌應該會好鐘意，仲可以用黎刮痧
-Setting spray 唔係傳統的PVC成膜劑(Skindinavia/CT係)，用咗粉底同一個佢自己整既天然成膜專利成份，唔會漿住，似Mac fix plus多少少定妝效果
可以當爽膚水都可以當setting spray，好啱混合偏乾到乾肌
-Velvet lipstick贏CT/Pat，lip gloss食A酸爛嘴時單用當有色潤唇勁舒服

Westman Atelier
Cheek stick同Contour(biscuit)好smooth
令我發現咗underpainting個妝感好自然好靚
防曬 - 胭脂陰影膏 - 粉餅 ，粉餅會用少咗同埋個妝自然+貼過上完粉餅先上粉狀blush/contour
粉底棒/唇彩/精華都還好，唔係必買

Rose inc
Cream blush同WA都一樣好用，可以睇包裝邊個啱心水，WA smooth少少但都貴啲

Chantecaille
-Future Skin Gel foundation雖然我顏色買深咗(camomile真係好深)，但個妝感真心靚，係自然奶油雞
-粉餅compact makeup整體偏白 買咗Bamboo明明叫medium tan但同LE 2.5差不多淺 持妝度好好，唔set都輕鬆撐到12個鐘，唔kick死皮 算係我今年買最滿意既底妝item
-紫色隔離Just skin，最hit係佢但我覺得唔值個hype，好用係好用但真係好似我有推過台灣goodness bad防曬有色version+保濕少少，一樣係用Titanium dioxide做到spf 15左右，但價錢差咁多 唔係因為Cult beauty bug價半價買到我應該會嬲


Sonia G
-旅行組合mini keyaki，最愛jumbo base和jumbo worker，jumbo base上任何底妝液/霜/粉都正，不過宜家主要用咗黎上粉餅，唔洗成日洗，液/霜用Rare beauty/&be粒蛋既就夠
-Mini base用上cream blush contour一流
-Buffer上碎粉/粉餅