[長氣多圖][絕不爛尾] 東京食玩訓蜜月之旅

係好多年前
我係連特登搭車去食飯都會覺得on9既人
更加唔好講咩去排隊
然之後
就慢慢被改變
到後武肺年代
我已經變到
可以覺得食餐飯係重要過去景點
唔一定要全程都住好西食好西
但起碼都應該要有一部份要好好享受
之後既我係咁諗
今次去東京
其實係渡蜜月
呢三年間既變化大到已經記唔起之前既人生係點樣過
由香港遊記記錄唔再係毒撚既生活
到而家成家立室
今次係武肺三年後第一次搭飛機去旅行
目的地同以前去一個細區唔同
就只有東京都一個地方
三年前既我
一定唔會理解今日既自己到底係做乜
曾經諗過想要去制霸全日本既自己
竟然會用咁長時間去一個地方
曾經
我係唔鍾意大城市
覺得太多人
太急促
但三年後就已經打倒左昨天的我
而家已經唔再係一個人
唔再係獨遊既身份
所以先話一切都已經唔再一樣

就算以前同屋企人一齊
但都已經唔係果個可以話屌就屌既老母
更甚係
一個會同你鬥屌咀
一個唔會同你讓步既人
生活起左變化
連旅程既意義都係
我鍾意既神社城堡
佢全部都唔鍾意
而且大家工種唔同
唔再好似以前咁可以book定一年後機票
plan左就可以出發既日子
真係要好好咁諗以後到底要點樣走落去
所以今次既蜜月旅行
就真係只係食玩訓
景點就只有最大路既主題樂園同觀光塔

雖然呢三年都仲有寫下香港既遊記
但實際既旅行遊記已經遲左好多起步
希望仲可以做番以前既自己

今次旅程係八日東京
不過斬左頭尾
再減番兩日主題樂園
一日去左箱根
其實行程根本就無乜野可以安排
而基本上呢幾日就淨係食野同食野
揀好西既準則不外乎都係米芝蓮同tabelog
當然想揀d有星tabelog又高分啦
但世事就當然無咁完美
首先無電話book唔到d困難店
有得上網book熱門既又要爭餐飽
基本上tabelog gold果d都無咩可能會爭到
到好似拉麵店咁又要開門前兩個鐘排隊
更甚係好似我本身plan好去食成藏咁
除定褲條撚都準備好係omakase網book檯
但到預定book檯果日先知道成個星期既平日都唔開門
即係都幾多野未能如意
好彩叫做有後備方案
最後取捨後就食左以下咁多間餐廳

行程表
14/5 DAY1 香港->羽田機場->銀座篝->梅丘壽司美登利->澀谷Sky
15/5 DAY2 築地場外市場->海玄->銀座かつかみ->燒鳥おみ乃
16/5 DAY3 東京迪士尼海洋->燒肉ジャンボはなれ
17/5 DAY4 富士急樂園->六歌仙
18/5 DAY5 人形町今半->箱根登山鐵道->馥府箱根
19/5 DAY6 馥府箱根->箱根登山鐵道->高輪花香路->五代目野田岩->東京鐵塔
20/5 DAY7 高輪花香路->The Pizza Bar on 38th->天婦羅下村->拉麵鴨to蔥
21/5 DAY8 成田機場->香港

食左三間米芝蓮一星
兩間必比登推薦
tabelog盡量都揀3.7分以上既餐廳
四間百名店
其中兩間4分以上
不過食完係無想像中咁出色
可能自己真係垃圾脷唔識欣賞
最失望就一定係個鰻魚飯
雖然本身都好多人唔推薦呢間
但book唔到かぶと之後已經萬念俱灰
見係米芝蓮就搵左呢一間
但條鰻魚一夾上手係散晒
完全唔明係咩玩法
其他燒鳥同天婦羅都係食完就係咁無咩驚喜

以前d濕鳩遊記
日本山陰山陽
https://lihkg.com/thread/220010/page/11
日本關西名古屋
https://lihkg.com/thread/395127/page/1
英國倫敦
https://lihkg.com/thread/278840/page/8
日本東海道
https://lihkg.com/thread/451855/page/1
日本南九州
https://lihkg.com/thread/535359/page/1
意大利西北
https://lihkg.com/thread/624247/page/1
日本中部北陸
https://lihkg.com/thread/684922/page/1
俄羅斯
https://lihkg.com/thread/753355/page/1
台灣嘉義
https://lihkg.com/thread/869213/page/1
日本北信越
https://lihkg.com/thread/951368/page/1
日本南北海道
https://lihkg.com/thread/1049262/page/1
日本中九州
https://lihkg.com/thread/1121830/page/1
日本道北
https://lihkg.com/thread/1285227/page/1
日本山梨
https://lihkg.com/thread/1487369/page/1
泰國曼谷
https://lihkg.com/thread/1646140/page/1
瑞士
https://lihkg.com/thread/1819047/page/1
日本中部白川鄉
https://lihkg.com/thread/1911363/page/1
香港
https://lihkg.com/thread/2183921/page/1
https://lihkg.com/thread/2438613/page/1
https://lihkg.com/thread/3104863/page/1
澳門
https://lihkg.com/thread/3352934/page/1

仲有個已經好耐無更新過既行程地圖
https://travel98.com/member/62235/trip
入面有列晒以前既洗費地圖

今次係無乜景點
連埋食物貼下算

DAY1.1 國泰航空 Hotel Villa Fontaine Grand東京汐留 銀座篝本店

三年幾無搭過飛機
但機場巴士就唔會陌生
因為去迪士尼
去大澳
又或者送走機都一定會搭得到
不過今日星期日六點幾搭架機場巴士都爆到七彩

行李架係三層都滿晒要周地擺
又要玩人力舉重

仲要落大雨


朝早機場已經勁多人排隊

可能呢三年d人都無用過里數
國泰又唔肯放位
我去程係book唔到商務位
只可以坐特選經濟
但都叫做有條優先隊可以排得快些少

去到閘口已經開始登機

深深明白到一個人同兩個人既分別
明明準時出門口
乜都無做過
但時間唔知點解就會變好趕

好不幸
而家換機票連位都無得揀
所以最後兩程機都揀唔到窗口位

特選經濟位係242設計
基本同舊經濟艙間格一樣

不過空間就真係舒服好多既
完全頂唔到腳
仲可以有少些斜度可以調教

因為唔鍾意張繼聰
所以窄路微塵讚到幾西利都好
我都係無咩意慾入場

不過今次就算係飛機真係睇到眼濕濕
人到中年
都只係想堅守一下自己既原則
個世界閪ja
唔代表要做閪人
不過張繼聰呢個人實在太理想
我自己就一定做唔到
尤其係格離果位完全唔會去考慮做番個好人

早餐一次過上

正正常常又無咩難食

套戲入面都幾多黃店廣告

林森導演之後就有套少年係香港上唔到
但就係台灣得6獎
之前想連埋時代革命一齊係台灣網買既
到而家都仲未買到

今日坐呢部係7770-300ER

我一直以為每部機最多都係得三種機艙
有特選經濟就唔會有頭等
但係呢部份機
竟然係有四種機艙
所以落機果時係可以見到有頭等艙

完全估佢唔到

又食野又盛
結果睇套戲都差唔多落機先結局
全程基本係無時間訓
好似轉個眼就到左日本

三年幾了

係日本既味道呀

即刻換番張電話卡
之前去鴨寮街見到有張卡話可以打到廿分鐘電話咁撚勁
八十蚊買左呢張支聯通8日6GB既電話卡

因為佢係用香港號碼
係日本係用漫遊
所以可以打到電話
但第一日落機只係收到3G

慢撚到陷家產
唔知點解要到第二日先用到5G

我地大約兩點落機
到等車呢一刻都未洗三點

而家入境手續唔同左
可以係出發前上visit japan web填晒入境資料
就唔洗再係飛機上面賣黃色同白色果張紙仔

入境雖然都好多人排隊
但都幾快搞掂
行李一出黎就已經見到
不過拎完行李過海關果下有d煩
以前最多就有個海關望下行李就算
而家仲要去埋部自助機掃QR code先可以再排隊過自助通道

我自己就不嬲用開apple pay張西瓜卡
但人妻就不嬲唔用呢D野
所以就點都要買番張實體卡

出卡就好容易
係售票機就買得到
不過有500yen係按金

今次係搭單軌電車出去
次次都覺得呢架野好kick
明明係機場線但係完全無位擺行李
去到濱松町就轉山手線


呢個站幾似火炭站?


其實我一直都麻麻地東京呢個大城市
人又多又急促
番工放工時間直頭想死
又無野行無野玩
不過今次真係無可奈何就要學下去認識呢度既交通


雖然都係住係東京
但因為會去箱根
又想住下五星酒店
所以都住左三間酒店既
頭幾日我就book左係汐留住
以為佢身處都營地鐵站上蓋
同東京地鐵站既新橋好似都近
又平
應該無死掛
但因為新橋去汐留條路好煩
又要落地底行
中間又無扶手電梯
結果有兩次係要舉gip落樓梯
想死
過完奧運都仲係無進步過

後尾我先知汐留應該係商業區黎
勁多西裝友番工放工
但星期日呢條地下通道竟然都有d偶像活動
真係見到成班megu megu fire咁叫


原來由新橋步兵過汐留都要行十分八分鐘
再加埋拖gip上上落落
一開始已經覺得呢條路好kick
而汐留雖然身處大江戶線同海鷗線兩條線既底下
但其實海鷗線我係一次都無搭過

lets fucking go
你地幾個高汁日本旅遊家同期一齊出post既
又有高汁遊記睇了，g持g持

Hotel Villa Fontaine Grand東京汐留
今次book呢間酒店大約八舊水一晚

入住係用自助機
不過職員就全程協助
佢自己係櫃檯check完有你個名
然後就叫你係自助機再search自己個名去check in
完全唔明咩玩法

呢間酒店入lift前用棟門
24小時都要啪卡先入得
所以電梯就唔洗拍既

酒店高十層
我地住九樓
但洗衣機就要雙數樓層先有
仲有每層得一部
每次都要洗個幾兩個鐘
所以基本要鬥搶
一係好夜先用到

呢間酒店係比較特別
我地房門口有窗可以望番落大堂

所以大堂係有十層樓底咁高

有部份房既窗景就係望呢邊大堂

酒店十點至兩點係打掃時間

所以有叫你貼d牌仔出去

平面圖

大約係U型咁排既房
又唔係全部左右都有房

成間房一眼睇晒

雖然唔係雙床房
但張床係超大張既
夠晒訓有突
窗邊都仲有茶几仔可以食到野

窗外係望住幾條唔同線既火車經過

我地住九樓都會聽到有火車線
但唔算太嚴重
而且日日都好夜番
都無咩大影響

電視唔是smart tv
無得airplay



近門口位係夾萬同雪櫃


拖鞋正常既都


浴室

都係一般一體式格局
浴缸都夠大夠深

沖涼野

牙膏牙刷有提供
其他剃鬚刀果d就可以係大堂自助區拎到
咁樣八舊水一晚係東京既車站上蓋我覺得還可以
不過因為呢棟野係寫字樓關係
便利店就要落地底通道行幾分鐘路先有
唔係過條馬路就有果種

最後想講下佢如果貼左請勿打擾
係唔會打掃之餘
連毛巾備用品都唔會放係門口咁比你
呢d住東橫inn果d就好好多

收皮啦，蜜月都冇床照睇

咁快就蜜月

LM 8月再去

咁其實汐留離開銀座都近
唔係拖gap既話就方便得多
一開始就plan左落機去食拉麵
由汐留一路行過去銀座都係十五分鐘路程

不過第一日就已經落雨濕濕
但去到兩個主題樂園就好天到不得了

搞下搞下件人妻又係酒店樓下買starbucks又買炸雞


仲係咁讚件炸雞無撚得輸
到行到過去都已經五點鐘

今日第一間去食既係雞白湯拉麵
銀座篝本店
曾經係16同17年得到過米芝蓮推薦既餐廳
不過後來餐廳搬左舖就再無獎了
見好多人包括連登仔都話食過篝唔洗再去中環座銀
咁就試下咩料啦

餐廳就係兩邊樓宇中間既窄巷
可能我唔係銀座站果邊方向過黎
完全唔明白人地話點樣難搵法
我地五點黎到都見排左條龍都幾長
當中起碼有三份一係操流利廣東話
咁日本仔排隊不嬲都係幾多個人食就要幾個多個人排隊
佢除左有個牌話唔可以代排

仲有個小二會出黎睇場
見唔少鬼佬因為咁要走人

排到咁多上下就會比餐牌你睇
再排多陣就會落埋單

原本我有沾麵就一定係揀沾麵架啦
但睇睇下發覺原來兩款沾麵都係醬油沾麵黎
果斷放棄左
咁如果唔揀松露同醬油既話
基本就係得普通同特製兩個選擇
我地就一人揀左一款
然後因為個拉麵無強
所以再加五百羊加多個特製仕樣

去到中間因為要讓人過就將條龍分開左兩截

亦都代表差唔多排到

東京最高分果堆拉麵店絕大部份都唔做晚市
就算做既話通常都會有落場時間
但係篝係全日供應由十一點開到夜晚九點半

所以佢並唔算係東京最一流既拉麵
但正因為佢無落場時間
所以先有時間可以過黎食得到

星期日黃昏大約等左四十分鐘先排到門口

佢話部機壞左而家淨係收現金

再等多幾分鐘就入左去
今日坐面壁位

篝算係比較有裝修唔係upupdupdup既拉麵店
入面有洗手間
檯面仲有擺盤
其他主要都係bar檯位

但其實師傅係再入面廚房整麵
所以都係睇唔到既

大約五分鐘就上齊晒所有野


普通同特製兩個拉麵就咁睇係無咩分別
普通

特製

都係有d配菜加幾塊雞叉燒
不過抄下抄下特製果碗係多左雞雲吞


另外果五百羊追加既就好豐富

佢仲預設幫我地分開左兩碟
兩碟都有強
而肉係有兩款既
有隻係仲點左醋係上面幾開胃

不過隻強真係用黎搞笑用
就算係香港都未見過咁差既

個湯同座銀泓一呢類雞白湯唔同
佢都係濃味既
不過就比較清
類似天浮橋果隻咁
但再濃味d
即係清純雞湯味
咁我就比較鍾意發到起泡果兩間
不過泓一而家唔再做雞沾都無咩特別想再去

麵條正常無話好唔好食

叉燒都係一般般
始終雞肉都係比較鞋

埋單3650YEN

港紙二百一左右
兩碗麵其中一碗加大再加topping
咁緊係抵食過香港好多
而且環境同服務都比一般拉麵店好同舒服
味道都好食既
但唔係話好有驚喜果種
如果要再排成九個字隊就不了啦
始終無雞沾都係差咁d

六點三出番黎

人龍反而好似仲少左
換遮會又出現

出番大街

係銀座既街頭呀

咁撚大座hermes

之後就坐地鐵去澀谷

續


希望可以出得快過香港篇
不過又買左機票去泰國
應該會寫寫下又停一停

呢排多人去
呢個遊記無乜高汁野

又老左幾年啦

東京?

Ching BMI面家幾多

留名
好鍾意睇巴打嘅遊記

尤其我自己去日本都好係主要去城堡神社
開返關之後終於可以繼續百名城踏破之旅

度蜜月 好sweet

食飯呀

Yes 2月尾去咗一個月日本追tour 空餘日子都係美食之旅由頭食到尾 東京差唔多試哂所有高分炸豬排 仙台牛舌又試哂御三家 札幌有間燒肉超正唔洗book 拉麵食得太多同湯底既話就算高分店要排隊既多數食完都冇乜驚喜

本身都想去台場同皇居給番個靚印
最後都無左呢方面既行程

都係一貫鬧下交咁啦

吹雞啦

而家先知原來豬扒飯都係course咁上
食左銀座果間
環境好靚服侍又好
但隻豬唔算特別好食
中間有道伊比利亞豬直頭咬唔開

有無去新大久保叫雞先？