[長氣多圖][絕不爛尾] 東京食玩訓蜜月之旅

Agoda我覺得經google map條link入好似仲抵

我都有睇清去白川鄉
呢幾年變化太大

其實都好飽
唔夠佢仲有個親子丼可以追加

好似都幾高分

間燒鳥成個體驗好似幾一般下

2萬幾yen食雞串燒

我都覺得係
食物同服務都唔覺有一星

DAY3.1 東京迪士尼海洋(上)

今次呢個旅程
一共有三個任務
第一係去迪士尼
第二係去富士急
第三係去箱根
我前果大半個人生去迪士尼既次數一隻手都數得晒
但武肺呢幾年
一年至少都要入去轉兩個圈
餐飲上面有唔可以退讓既地方
但呢d主題樂園就讓晒比佢
更何況廿年前果時雖然海洋岩岩新開
但全家人最後都係決定去番傳統樂園
到而家都仲未去過海洋呢邊
所以一去無妨
不過以往去旅行
入得主題樂園
都一定係一早出發玩足全日既
估唔到佢自己決定既行程
係可以三催四請都唔出發

起身仲話要食埋尋日食剩既野先
酒店每層都有一部微波爐

不過叮完拎熱到辣手要番房都係一重挑戰

今朝既早餐有炒麵
pizza包
同尋日無食到既炸牛肉球

最後都成十點鐘先肯出發
而酒店入東京迪士尼既方法係好撚煩
由汐留去係要搭晒四種鐵

第一程係坐都營地鐵到月島
轉東京地鐵到到新木場
再轉JR入舞濱
最後搭迪士尼線入海洋
google話一小時內搞掂
實際轉車加埋等車
真正去到迪士尼海洋都已經十一點半
四程加埋都要成七百幾yen

當中新木場個站幾特別


轉JR就上路面大月台



呢邊月台可以望到晴空塔


去到舞濱就見到迪士尼酒店


老婆曾經仲有一個要求
就係去住toy story酒店
咁我都有plan過一落機就直接過黎住
再食餐自助餐
不過感覺太花時間
本身仲要去富士急同箱根
完全唔會有時間可以係東京入面行下
所以放棄左
而且間酒店仲幾難book
下下都要第一日步住先得
而後來最初仲打算係住豐洲三井既
過黎迪士尼半個鐘都唔洗
有大浴場有早餐又平又有景睇
不過話好遠好遠又放途棄左

舞濱站就仲好多人


對面就係迪士尼單軌列車站

基本上kk園區內所有範圍都要靠呢架列車

而呢個車仲係單方向行駛

所以要差唔多搭足全程先去得到迪士尼海洋

站入面已經有紀念牌可以抽


舞濱站


單軌路軌


同香港迪士尼線架專用車又唔太一樣



老鼠窗口可以望到入園區


扶手都係老鼠造型

係迪士尼海洋落車
可能成十一點所以人流都少左
到門口已經係一個人都無


尋晚係kkday買左飛
票價就$475

迪士尼同迪士尼海洋同價都係8400yen
比起香港平
係apps搵番個qr就可以入場
但唔知實體賣飛口係邊
因為一出車站就係入口
成個感覺好奇怪

一入去以為去左環球影城

毫無實在感
都好多職員係度幫人影相

老婆好鍾意一開始就去睇紀念品
就好似去食自助餐一開始就要食甜品咁
完全理解不能

64著上身可能即刻比狗拉




咁我同佢講買完又要拎住咁煩
走果時買都未遲
結果因為趕住去食飯走果時係完全無時間買

睇完精品出到去岩岩好12點

湖上面就有表演船
現場d音樂係嘈到仆街

對呢d表演就無咩特別興趣
走左去買爆谷

普通size就400YEN
如果有盒既話refill就600YEN

爆谷筒就要另外買既


普通盒既size

同香港差唔多大
不過香港就多左幾種顏色
望落去吸引d

散左場就可以係湖邊影下相


下面有船可以遊纜


話說黎迪士尼海洋之前
為左避免劇透
基本我係無睇任何資料既
即係入面有咩玩有咩區我都係完全唔知道
入到黎之後又無晒實體地圖
都係靠樂園個apps搵食
同香港係一模一樣咁樣顯示晒要排幾多分鐘既

睇完地圖大概知道分左唔同園區
而家身處既叫做地中海海灣


然之後前面個火山叫做神秘島
無咩事就直接過去開打

中間經過類似威尼斯既場景


偶然會見到呢種觀光車

之後就知道呢種車是on9的
曬到仆街
要坐就坐有得遮頭既

入到神秘島即刻就入山窿搵野排


要排55分鐘


呢個叫做地心探險

排隊一樣有d場景睇下
呢個算係有d頹
去到後面奪寶奇兵果D就好玩好多

一開始以為好似香港迪士尼灰熊山個過山車咁

但望落架車就好似唔係
呢個就簡單好多
只係睇幾個場景之後落下左下咁大把

不過神秘島既火山就造得幾實在

好似真係係山入面咁


咁排完玩完都已經成點半鐘
就係呢區食埋個快飯
主題樂園d野又貴又難食是常識吧

但見佢門口呢個set有麵有湯有前菜有甜品有野飲好似幾豐富就比佢呃左入去

不過餐廳開係山洞入面係幾特別既
然後買野食既方法同香港係一樣
即係拎完想要既野食最後一次過計數比錢




最後加多件蛋糕就兩份食


話說呢度都成百五蚊

雖然都有心理準備
但無論係個麵個湯汽水抑或係個甜品
都係比預想再差
呢d全部都唔係即整
估計連炒飯都係
真係劣撚過公司個狗飯堂

食完拿拿臨繼續
呢個區有兩隻game
一個係岩岩玩完既地心探驗
另一個就係眼前既海底二萬哩

排隊時間顯示五分鐘

不過日本學生同連登仔就一樣好鍾意阻撚住晒
成條路一字排開行下停下咁唔知做乜柒
本身就唔洗排可以直入既
但係時間就塞撚晒係佢地度
所以唔放佢地出黎唔得
好嬲好嬲

因為無人排
所以可以有私家船

船入面有三張長凳
每張凳都有個窗口

佢就係不斷製作水泡營造水底效果
我就覺得幾迫真
唔明點解同地心探驗個差距咁大

唔識路
離開個火山出番黎又番到起點

原來頭先果條橋係佛羅倫斯條老橋
唔怪得仲有威尼斯河

經過呢個夢幻奇航

但要排一個鐘以上
果斷放棄

法國d人好鍾意同40周年影相

由地中海轉上美國

鬼佬日式餐廳大概就係咁

呢個set比頭先個擔擔冷麵貴一倍
應該都好伏

廣場有人跳老舞


座城堡係迪士尼海洋入面都算係好搶眼


之前睇過連登仔講話估佢唔到
然之後係門口棟左咁大個驚告牌出黎

都估到大概係咩類型既野

呢個只需要排廿分鐘左右
大堂整得幾有氣氛


同其他迪士尼玩意一樣都係睇完片入房
個特效幾好
然後又排隊又盛
最後入面就係電梯版既跳樓機
升到上頂可以係高空望迪士尼幾秒風景
然後落下
但因為坐係室內
就完全唔驚既
聽講夜晚玩風景會靚d

呢個區仲有間船塢餐廳

食漢堡包既

感覺好似唔錯
但係完全唔涼既

海濱仲有架好顯眼既哥倫比亞號




入面係個叫龜龜漫談既遊戲


就係畫面有隻龜識講日文然後同小朋友交流互動

除左有冷氣涼之外就完全係浪費人生既節目

美國區最後就坐左個遊覽車轉左個圈


地面好似有路軌

可能以前係行小火車之類既野


回程見到下一架就係呢個露天車

睇見都覺得熱

美國區仲有樣我地無玩到既
就係toy story
睇apps就話排隊要超過一個鐘
咁而家都四點半
先去得果兩個區
真心無可能係度等落去
老婆就緊係口講全都要
但又唔諗下自己幾點出門口
所以話如果比佢plan行程一定好失敗
不過見到大概都係同香港迪士尼入面蟻俠一樣咁玩法係咁射野
後尾係富士急個狐忍區都有個一模一樣既遊戲
所以係完全唔可惜既



續

DAY3.2 東京迪士尼海洋(下)

過左鐵橋都仲係美國區範圍

不過都成四點鐘
預計八點要離開
仲有成半個迪士尼未行
所以要開始加速

下面應該係遊覽船既其中一站

呢架船真係可以係成個迪士尼海洋轉一個圈


仲有座燈塔

不過只有打卡用途



呢個區都幾多餐廳

但唔知係時間關係定點

係無人既

除左遊覽船
仲有小火車都可以係圍住迪士尼轉個圈

不過兩樣我都無時間坐

入到發現港
以為係碰碰船既物體


見佢只需要排廿分鐘

緊係去玩啦

行李可以放係船頭個籃


但坐上去發覺架船係自己跟軌道行

係完全無得控制既

仲諗住可以沖過去漩渦


但on99就只係個湖上面不停咁自轉

同曬太陽
真係笑撚左

呢個區同神秘島一樣只有兩隻game
另一個就係海底巡遊艇

但因為人龍都幾長所以又棄左驚
上番官網睇應該都係坐係度一路播片一路搖黎搖去既野

直接入下一區百慕達三角


尋找老鼠遊戲

無時間

但係就夠時間可以食番條老鼠雪條


由耳仔開始

慢慢咁消滅晒成個頭

奪寶奇兵係成個迪士尼海洋最好玩既

而且佢排既時間亦都唔長
只需要十五分鐘

入面好uncharted



迪士尼海洋d遊戲未必真係好好玩
但佢地每個造型都會令到你幾有feel

奪寶奇兵一樣都唔係過山車
只係坐係架類似吉普車上面
不過全程雖然都係跟軌道行
但聲效加埋架車係咁跳黎跳去既感覺係幾好玩既

燒雞set


呢區應該仲有架過山車既

可以轉番個360度
但而家就無開放
next

區域黎計除左火山果一帶
阿拉伯區都造得好真實
呢區既遊戲我地係玩足晒既
最緊要係越入既區域就越少人玩

第一個係阿拉伯版小飛像

變左坐飛毯

下一個望到架船就知咩料

當然係阿拉伯版既小小世界

夜晚班友仔應該又會周圍走




入到市集就變左刺客教條





連餐廳都好天方夜譚

呢度咖哩勁香勁吸引
成個迪士尼望落就呢間最似樣

如果唔係出面book左檯
今晚就應該會係呢度解決

勁好feel


點估到前面係旋轉木馬

而且係雙層旋轉木馬

仲有得騎韋史密夫


格離仲有個神燈劇場
無影相
入面係4D劇場再加魔術表演

夜晚開始人少

最後美人魚區已經七點天黑

入左去海底王宮


全部都係BB級既機動遊戲

而且無人排隊全部都可以直入

BB級降傘


BB級咖啡杯


唯獨呢個小飛像唔是BB級

都轉得幾快


餐廳都唔知仲有無開

趁無乜人玩埋戶外迪士尼唯一一架過山車


呢個時間包場係基本
成架過山車得我地二人世界咁玩
不過佢應該預左好撚多人排隊
要行勁遠先玩到

雖然係BB級過山車
但架過山車比想像中快
都有小小刺激

格離仲有架美人魚版既彈弓狗


終於去齊晒咁多個區
雖然都有幾個多人排隊既遊戲玩唔到
但總算叫做完滿結束
後來經火山出番去
又見到有成村人入番黎美人魚區
終於知道點解d遊戲無人排
因為個個都去晒門口個湖睇表演
個表演即係等同普通迪士尼個煙花表演
我地係完全miss左
都唔知叫好彩定唔好彩

夜海灣

因為事前真係無劇透自己
所以連有乜表演都唔知
無期望就無失望
迪士尼果邊個煙花八點半先放
我地亦都唔會睇到
所以今次黎到係完全無睇到任何表演既
不過最緊要都係老婆無不滿既姐
始終迪士尼係佢既核心活動
佢無問題我就無問題架啦

臨走先見到門口有間酒店

上網睇過好似至少都要三四千蚊一晚
但可以坐係房睇表演同望住班傻仔趕時間

有緣再見


下次唔知幾耐之後了
我自己都預期唔到
可能好快
又可能好耐
不過有下次既話都應該會去番普通迪士尼果邊
掛


續

goji 抵食好食

而家先知迪士尼海洋交通咁麻煩