[長氣多圖][絕不爛尾] 東京食玩訓蜜月之旅

唔難食
不過就唔值過萬yen呢個價位啦

除左燒肉
仲有呢兜已經放左肉既shabu shabu


本身已經幾好食
點知續點既都仲係好撚靚仔

我直頭覺得唔會差過聽日食既人形町今半好多
不過呢幾塊野真係好顛
食些少都濟到hi

野飲都飲唔到幾多



威士忌我都唔識飲

生雞強就好似得一隻
係tablet搵唔到有得落單再點
兩個鐘之後tablet就會error無得再落

最後有粒甜品送


呢餐雪之宴連野飲就每人10890yen

用匯豐碌番單就大約六百四一個人
同牛角第二級放題差唔多
我自己係未係牛角食過咁貴既set
呢個價位貴唔貴我都唔係好識計
因為同聽日食人形町今半係完全一樣價
但又貴過尋日去食jumbo hanare
不過比我自己揀就一定唔會去
真係得女人先咁鍾意任食
我寧願去試多幾間好西

服務黎講一開始唔錯既
不過程仁富做到後尾已經面到西晒
就真係好遊客餐廳
但係走果時小二都有講88既

最後得到香口膠兩塊

幾年前係大阪食燒肉走果時仲會同你噴幾野
呢間就無了
就擺係lift口比你自己噴

座位後面可以望到十字路口街景


我地就去左下面間藥妝行


入面好似上水比支那人行果d舖頭咁

個免稅額好奇怪


個女人對大黑屋好執著

又話聽日要係度買去箱根既車飛
但根本就唔現實

搞到十一點幾
怕尾班車都係快手番酒店

臨尾一日有叫人執房

同埋夜媽媽去左洗衫
但搵左幾層都有人用緊部洗衣機
又要洗兩個鐘
都三點鐘先訓到


DAY4 完


其實有時都想update下個香港遊記
想快手整埋個置地文華佢
但番香港之後仲懶左
連隻薩爾達都成個星期無掂過

Total去幾多日？

6日ja

人形町金半係咪官網book

官網條link就係tablecheck
入去tablecheck就可以見到晒時間
不過本店睇黎睇去都無位放出黎book唔到

等緊巴打繼續出post

DAY5.1 人形町今半 小田急浪漫特快

住左四晚汐留
每晚八舊水
叫做係地鐵站上蓋
開到晒兩個gip
亦都有張茶几仔可以食下野
都有個浴缸可以休息
我覺得都算係咁

不過你唔叫佢地打掃
佢地真係連毛巾都無備用比你
亦都唔似其他酒店可以平些少
咁呢間酒店唯一特別既就係會跟多個萬能插

如果以香港既標準黎計
呢d插頭就係違規既
唔知日本係點呢

再見汐留

基本上我係連汐留既路面都無踏出過
即係住左四晚我對呢個地方都係一d都唔認識
格離大廈有個免費既觀景台
但因為次次番到黎都夜一夜
都無上到去睇下
酒店後面既濱離宮恩賜庭園就更加唔好講
咁到底汐留好唔好住呢
我都無咩意見
不過因為番工放工時間真係多人
而且目光感覺好差
我就唔會太推薦呢個地方

汐留都仲有個優點最後一日可以用得著
就係去新宿都係二十分鐘內車程
因為無辦法book到人形町本店
係睇晒資料做晒攻略一個月前既十一點鐘都唔會顯示到有位
後來最多都只係見到一點鐘先有位
不過如果食呢個時間
係完全無可能可以順利到達箱根
所以最後揀左新宿高島屋站
貪佢食完就可以出發去箱根
tabelog只得3.5幾分
同本店3.7係有段距離既
不過都無計啦
咁樣對個行程係最順暢
所以我地都帶埋個gip去食飯
不過營地鐵站過去高島屋又要過馬路又盛
係幾煩既

入到商場仲要同班廢老爭lift搭

最後緊係去搭急行啦

上到十四樓全部都係食肆


門口已經寫左滿席
walkin就唔知有無位

人形町今半
官網介紹就話係百幾年前已經創業
1956正式成為壽喜燒專門店
而家除左東京
去到橫濱
名古屋
福岡都有分店
同埋佢地有話係特登唔標明自己牛肉品牌等級同產地
稱聲自己賣既就係自己品牌人形町今半黒毛和牛
原本呢間係老婆點名要食既
我自己就見到有另一間同分不過係米芝蓮一星既いし橋
但係果間只可以電話book檯
而且只做夜市
所以都係決定去食人形町今半

同本店既個室唔同
分店好似都係普通座位


咁我地張檯都大張既

服務我地果位就好港式高級豉油西餐小二feel既阿叔

menu就無既
因為網上book檯果時就已經揀左
人形町今半間間分店價錢都唔同
呢間新宿高島屋店就貴本店好多
官網寫話lunch set有三種價位選擇
但係tablecheck見到就只係得特撰同極撰可以揀
即係根本同夜晚無分別
都唔洗點揀就每樣一款
咁我覺得果d咩course係完全唔需要
因為都只係多左前菜同刺身
肉係無分別既
無謂浪費多餘錢係唔係重點既野上面

可以揀既就只有飲品


見佢有推薦就要左支熊野紫蘇梳打

飲落都係葡萄適d fd

lunch set都一樣有前菜

不過牛肉乾唔好食
同海玄果份完全唔同級

之後就開始準備

生強佢會幫你發埋

配菜


八千幾yen既特撰牛


一萬二千幾既極撰牛


即係望落去極撰係比較靚既
咁但係特撰好似甩頭甩骨咁樣
賣相麻麻地
但講緊呢三塊都成五舊水


一開始果兩塊係由小二去燒既

就係對稱咁填滿個鍋

沾埋強汁係好滑好c服咁sir落口既

連咬都唔洗點咬

之後小二會幫你落埋一半配菜


再教埋你要落幾多份量既汁醬就會離開比你自由發揮
不過可能我技術太差佢睇唔過眼
所以食多一兩塊之後佢又幫我落過


秘技就係你表現到廢柴咁就會有人幫手燒


之前係jumbo hanare都已經驗證過了

全部每人三塊就真係幾到喉唔到肺
亦都無想像中咁驚為天人
兩種肉既差別我亦都唔係好食得出
而且仲好快就玩完

之後小二就作最後準備


仲夾走埋鍋入面些少既肉碎


就會再落強醬落鍋


落埋蔥花再搞幾野


就變成左兩碗滑蛋飯


咁食埋呢碗飯就會對頭先唔到肺既感覺一消而散

變成左滿足既味道

拎走左個鍋發覺個電磁位都唔係咁明顯


最後仲有個雪糕作為甜品

咁就真係完左啦
本身覺得好快食完
但原來搞下搞下都食左成個半鐘

連埋野飲就同尋日六歌仙一模一樣價

今日匯率比尋晚低
番單比尋日六歌仙平左6蚊
平均每人都係六百幾蚊
即係去酒店米芝蓮法國菜食個lunch set咁既價位
中環sukiyaki mori都係呢個價位左右
日山當年有半價卷仲平好多
而家諗番起其實都幾貴
不過叫做環境舒服
而且真係有人幫你煮
試過就好

高島屋頂果幾頂都係食肆

又有間uniqlo
因為去箱根既車一個鐘先一班
時間未夠又可以行一陣買下野減個靚稅

由新宿前往箱根湯本既浪漫特快全程大約個半鐘

我都係第一次搭
因為上次去箱根我係由三島入小田原出最後番熱海
而家經過開溫泉區一定仲會停一晚
以後都唔會再有以前咁密集既旅程了

浪漫特急一個鐘一班

趕唔切一點鐘車既我地唯有搭兩點鐘

係counter買飛

每人2470yen
好似仲有來回飛可以買
不過我地回程會搭新幹線
所以唔岩用
浪費特急總站係箱根湯本
轉登山列車唔洗出閘
直接係月台對面轉車就得
所以就要係終點強羅果度補多410yen

小田急浪漫特快座位唔算好寬落

不過勝在人無人搭
成卡車應該都唔過十人

但係佢又無行李架

好耐無做過人力抬舉了
好懷念

多摩水道橋


無野做睇下車上面本書仔
入面有介紹下箱根溫泉旅館既價格

搵到我地一陣過一晚夜晚fufu箱根
都係去開先知
原來箱根溫泉係貴到離晒譜
住係箱根兩個人過十萬係非常普通既事
講緊之前係河口湖都住過算係比較貴既秀峰閣湖月
但都係三萬幾一個人
五月尾已經唔算係櫻花季節
但都收呢個價都幾顛
更加唔好講L佛住果間強羅花壇
不過而家又搵緊紅葉季節城崎溫泉既溫泉
間西村屋本館個價仲撚顛
真係一山還有一山高

真係無人搭

可能去得箱根既就係一日遊唔會咁晏先去掛

終點站箱根湯本本身就已經係個溫泉區

不過呢一帶既旅館就唔算好吸引
最後我都係揀左住強羅果邊

係箱根湯本站既轉車時間為十二分鐘

要再搭多四十分鐘登山電車先會去到強羅
所以去到已經四點幾
對比以前到達溫泉旅館既時間已經算早
因為我通常都去盡晒先入住
不過經過呢三年staycation既洗禮
住靚酒店就當然越早check in越開心啦

箱根湯本站

上次夜媽媽先黎到都無點樣睇下呢個車站

浪漫特急列車


唔少得去埋車頭影啦

有d後悔無揀到車頭或者車尾

箱根登山電車

同瑞士Rhaetian Railway結成左姊妹鐵道
上次去瑞士未有機會搭到

頭卡車同後段車既座位係有分別既

第一卡係前後2+2座位

之後果d係同普通電車一樣既橫座


中間d細站基本都係無人落

不過登山路線係Z形上山
所以車長要成日係車站由車頭跑到車尾
而列車亦都經過會改變前後方向

沿路亦都係好似搭緊阿里山鐵路咁穿過身邊既樹林上山

雖然已經黎過一次
但呢d全部都係上次夜晚落山體驗唔到既風景

我係搭緊小田急浪漫特急班車上面send左個mail比旅館話我會搭四點十九分班車到達強羅

佢地亦都好快覆番
不過個上車位係好on9既
位置就係車站轉右
然後見到有條隧道
要拎住兩件行李行樓梯落後再上
係幾辛苦既
不過佢話車站前面唔泊得車都無計啦


續

間pizza 我都book左
正唔正？

我個時係新宿 Hyatt 酒店下面食人形町今半，和室格局，不過又有椅子坐，係職員全程服務。

都好食既
不過感覺太正經
四四正正咁
少左拿玻里pizza份狂野
同埋果日見唔到總廚

全程服務咁正
我見呢間都平好多

上野廣小路都係全程服務
不過前菜印象重深刻過主菜啲肉

季節版普通course

しのばずコース
前菜・小吸物・お造り3種とローストビーフ・すき焼・お食事・デザート

DAY5.2 箱根溫泉 馥府箱根

對上一次黎到箱根
蘆之湖附近大部份景點都已經去過
唯獨強羅呢一邊就完全無時間過到黎
所以今次就揀左係強羅溫泉住一晚
先發現箱根溫泉旅館係貴到離晒罩
唔知同比較近東京有無關係啦
兩個人過十萬yen一間房原來係好等閒既事
更加唔好提L佛住果間唔會有房既強羅花壇

溫泉之旅亦都係老婆既指定節目之一
不過話晒今次係蜜月旅行
揀番間靚旅館黎住都好合理
以前次次毒撚去住溫泉旅館都要左搵右搵邊間可以受毒撚
而家無晒呢d限制咁就緊係要搵番間有私人風呂既

fufu箱根中文名叫馥府箱根
係2022年新開既
由kato pleasure group營運
而家日本一共有九間fufu系列旅館
其中箱根都有兩間
除左fufu另外一間係翠松園
見熱菇好hard sell就揀左呢間fufu
雖然都有另一個youtuber有賣呢間廣告
今次我都係jalan book
貪佢有分儲
價錢亦都同官網一樣
一泊二食每人五萬九
好彩而家yen算平
翻單都未洗7K
但對比番當年係和倉溫泉食埋蟹都唔洗呢個價位
真心貴

以前去唔少既溫泉
基本一出車站就已經有車手係度等緊
北海道果d直頭成架旅遊巴係市區接送
呢間就要係等車位等左差唔多五分鐘先到
仲要拎住件行李係車站出面行樓梯又落又上
即係收咁貴個配套係差既

入到旅館之後就送左上三樓lobby checkin

後面係酒吧空木
夜晚先營業

呢度座位私隱度都唔錯
不過咁大隻窗就只有樹林無其他景睇到


搞掂晒就推埋行李入房介紹


fufu旅館分左幾棟建築

本館山瑠璃就係旅館入口check in同餐廳所在
另外有二棟同三棟
三之棟叫杉之梢
成棟都係客房我就無去過
另外我地間房就係二之棟

同一棟都又分開左兩個名
最後溫泉都係我地呢邊
但位置係五樓
我地住一樓
要行樓梯上二樓先有lift搭
所以如果住二樓以上要拎行李都幾煩
另外四樓spa同五樓溫泉其實係叫做一之棟櫸之實
就應該無咩人會去記

住溫泉有職員帶入房介紹係基本
不過之前我都以為頂五星既酒店應該都會咁
但係香港staycation住晒咁多間福布斯四五星既酒店
真係得半島,置地文華同奕居先有呢種服務

安頓好之後係有事發生左
就係旅行之前係日本城貪平買左個gap
諗住粗粗地用爛左就算
點知入到房就發覺開唔到
原因應該係密碼移左位
cls咁大件事點算?
有諗住要整爛佢或者搵職員求救幾個方案
最後係上youtube睇教學
好彩又真係做到
方法係睇番密碼齒輪下方

扭到某個位就會見到有個la位
只要集齊三個la位係開鎖位既唔知前定後
總之就試晒佢
就應該會開得到
好彩只係虛驚一場
而家叫做識多左樣技能

咁又開始介紹
fufu箱根聲稱全部房型都係洋式套房
無和式房
另一間幾高分既円かの杜因為房比較細都係我選擇fufu既原因
我地住呢個房型叫做precious suite
同comfort suite相比可能就係多左個露台
官網就無寫間房大細
不過佢有分晒客廳腥房
而且個浴室貫穿晒廳同房
我諗大概五六百尺左右掛

門口玄關可以除鞋


前面有個客廁
噴水馬桶係基本設定黎
不過因為浴室係無廁所既
所以呢個亦都係成間唯一一個


轉左個彎都仲未入到屋


有個櫃位可以等出面互通


放左幾件有叫做rock brown既岩

入到去就已經一眼睇晒

左手面係廳
右手面係房
盡頭就係浴室溫泉同露台

不過成間房都幾暗

開到盡都係咁

無咩係溫泉見過步入式既衣櫃

呢間都意外
不過真衣櫃就有兩個
仲有個係房擺左浴衣
廳就用黎擺外套

角落位有個小書檯


客廳

有張L型梳化同獨位椅

50吋電視

第一次見電視自己有apps可以睇到youtube唔洗係電話share出黎

不過成間屋就只有廳一部電視
房係無電視機既
所以佢就仲有一部細細地既手提電視

可以拎入溫泉睇

門鎖係最傳統既鎖匙

出門唔會自動鎖而真係要用實體匙黎鎖
都係第一晚食完飯番黎直接開到門先知

溫泉淨係開到十二點


另外仲有今晚餐單

有成十六樣主菜可以揀
望落好似好複雜
但研究完其實都係差唔多

另外仲一個餐單係預設好既

其實即係果十六樣揀左三樣比你

mini bar

除左有牌果幾枝酒之外全部都係free既

個女人即刻拎左支啤酒出黎飲


茶包都好似係自家野


房就預設係兩張雙人床

軟林林係成個人會陷入去果隻
我自己就覺得好爽
第二朝完全唔想起身

床頭制好簡約


最緊要都係有插蘇位

衣櫃就頭先所講既浴衣


同埋間房真係無電視

想睇就要拎迷你機入房睇
仲有間房都好多趟門
不過全部都有緩衝唔會夾到手

最後係浴室

客廳同睡房都可以入到

fufu箱根最signature

全部房型都有既私家溫泉
見佢官網寫話房內同大浴場既溫泉泉源係唔同既
客房係強羅溫泉
而大浴場係大湧谷温泉
兩隻都無乜味
不過因為係石造溫泉
我自己就試過撞落去磨損左隻腳
同埋佢唔是浴缸咁長方體
中間位係一路斜上去塊床褥到
試過想由溫泉位行上去床褥
中間係冼到仆左街
好彩仲番得到香港

沖涼液全部都係支裝

好似係自家品牌

洗手盆得一個


lotion有四種


最最最重要係用dyson風筒


全落地玻璃可以望番入房


最後係露台位
佢係要由溫泉張床褥個位烏低頭行出去
而且一出去右手面仲會有級樓梯
我又試過一出去轉身關窗就叉錯腳跌左落去
即係呢度乜意外我都試暈晒了

露台只有一張凳

坐係度係好舒服既

對住個樹林靜靜地思考人生


即係個私人溫泉雖然唔算係露天風呂
但正因為咁夜晚就唔會有咁多混蟲沖入去
所以咁都唔錯既
雖然無晒d傳統和室味
但呢度都住得好舒服
基本上呢兩日我都無乜點離開過個溫泉
一有時間就沖落去浸
第一次住有私人溫泉係好爽
以後大概好難番到轉頭

book房果時就有兩個食飯時間可以揀
一個六點
另一個八點半
咁我原本驚遲去到所以揀左八點半
但係去到佢地話六點都有位
咁我地四點幾都黎到
都有時間可以先浸過溫泉
所以之後就改左六點食
見之前有巴打推介間佳ら久都有分兩個時段
又係以前住溫泉未見過既
因為通常都好嚴格唔比你遲過幾點食
但箱根呢度就可以食到咁夜

所以好快就要準備去食飯
我地房號110

算係呢一邊最近主棟既房

前面幾間一樓既房應該都係同我地一樣有露台既房型

然後要上樓梯先有電梯搭去三至五樓

二棟同三棟中間有條樓梯仔可以打下卡


三之棟比我地近


又要穿過條走廊先番到去主棟


成間fufu箱根有一間餐廳山之笑
入門口見到個半開放底徐晃
餐廳基本都係四人檯
有分上下層
我地就坐窗邊既下層

四方型餐檯
檯面既石板餐盤之類全部都重到仆街
唔是鳩流流果隻膠板
好有手感

雖然唔是個室
但同格離都隔左個帳

私人度都唔錯既

景就都係果d樹林景


餐牌亦都係果一張

一共有八道菜
可以係房寫定個號碼黎到交比小二

前菜個擺盆勁靚

就咁望落都聚手到hi
完全係for打卡用既

因為佢之後會再逐碟砌上你塊石板到


再介紹下呢件係乜野


全部都有晒程序
又唔算太機械式
係幾舒服既

第二道係湯


仲有大大件蝦肉丸