[長氣多圖][絕不爛尾] 東京食玩訓蜜月之旅

全部玩晒？

水牛芝士好似係唔焗得㗎

你講得冇錯 正宗pizza真係好似咩都係Margherita+r唔同配料上去 但是就係咁簡簡單單先好食

btw $1xx一個pizza真係好抵

上個月我都住咗呢間 幾好 舒服 係海鷗線有啲嘈

老實講我都唔明點解廁所門只可以向外開

應該係防天災設計
一路都係教避難要走入去廁所

水牛芝士好似係唔焗得㗎

你講得冇錯 正宗pizza真係好似咩都係Margherita+r唔同配料上去 但是就係咁簡簡單單先好食

btw $1xx一個pizza真係好抵

真咩
人地d水牛芝士都係熔晒落去pizza到？
可能佢想口感唔同d?

上個月我都住咗呢間 幾好 舒服 係海鷗線有啲嘈

價錢算平又唔會太細間
地鐵站上蓋
其實幾抵玩
我又唔係好聽到下面列車聲

佢廁所太窄
向內會頂撚住個馬桶

唔係檯底？

日本係教入廁所，所以比較傳統小小既酒店你會見到成個廁所係一體式一大個膠盒咁，不過啲新酒店就越嚟越小咁既設計，要以靚行先

如果你講緊係原本形狀一個個波咁 之後撕開一舊舊 食落係凍凍地個種Buffalo cheese係唔焗得唔熱得

放佢係pizza就係食個種冰火二重奏
pizza熱
Buffalo cheese凍

明白
即係蕃茄水牛芝士沙律果種

我覺得幾好丫
至少都有個浴缸

廁所向外開係防止有人係廁所暈左頂住度門開唔到救唔到佢

終於寫到尾聲
好似越黎越多廢話
越黎越用更長既時間
講緊都已經去完泰國都就黎兩個月


DAY7.3 てんぷら下村 阿美橫丁 らーめん鴨to葱

兩點先食lunch
差唔多食到四點先走
但夜晚果餐又book左六點半
即係中間只係得兩個半鐘休息
係apa hea左陣就落去上野行埋最後既一段路


雖然上一次黎睇煙花都有住係上野
但都真係第一次行阿美橫丁


呢段路都幾神奇
成條商店街就起係jr線路軌下面

而且係勁多人行


餐廳仲好多都排撚晒隊


其中有間就係連登仔同台仔成日吹奏既鴨to葱

今次旅程都無咩點食過拉麵
都有諗過去試下既
不過見到門口條人龍都唔洗點諗啦

望左一陣都完全睇唔明


大約行左半個鐘
見仲有時間
就決定行過去餐廳
因為地鐵都只係搭一個站
最後一日就試下行下路

離開左阿美橫丁就變成左住宅區



商店街係完全無人行既


同我地頭幾晚住間酒店同一個集團

不過呢間就再平D
但離開大站都一段距離
唔係幾方便

最後呢間餐廳又係開係住宅區入面


天婦羅下村

黎得東京
當然係想唔同類型既食物都試下
本身預定會食就已經有
壽司
拉麵
鰻魚
pizza
吉列豬扒
燒肉
刺身丼
串燒
壽喜燒
最後就決定揀多間係香港無咩點食過既天婦羅
原本係目標係米芝蓮兩星既近藤
見佢lunch好抵屌
一萬yen都唔洗
但book唔到
之後轉深町
又係book唔到
最後先揀左呢間算比較易book既下村
都叫做係一星米芝蓮
佢lunch又係好抵食
可惜當時已經book間pizza
所以最後都係要硬食個比較貴既晚餐set

下村係tabelog既分數唔算太高
都係得3.77
係東京排第12
百名店之一
店主下村満彦曾經係名店山之上擔任過副料理長
17年自立門戶
book檯既方法好簡單
係pocket concierge就可以搵到
事前要比晒全數
可以免費取消
唔洗代訂費
最後亦都無其他雜費要收

但係book檯果時就已經無晒bar檯位
只係得番table位
咁想食都無辦法啦
入門面就即刻會見到零零捨捨有張四人檯


係大張既

唯有安慰自己係坐得比較舒服啦

外國人教學


然之後檯面就有天婦羅醬

蘿蔔蓉
鹽
同埋放天婦羅既架

有單點menu可以追加


都有飲品menu


環境就係咁
無得睇住師傅炸係少左好多樂趣
但咁樣又會少左份尷尬
係好矛盾既

上網book檯果時已經知道
成個set 3係會有活車海老x2
魚x4
菜x6
天婦羅丼
同埋雪糕甜品

女小二係師傅得到天婦羅之後就夾到我地個架上面
每上一道菜都係有介紹既

丼飯可以四揀一




甜品係雪糕


認真
今次就真係好似食左陣風咁
夜晚萬四yen應該比起好多名店算係平

但真係唔夠飽
除左蝦之外都唔算好特出
唯一似米芝蓮既就大約係服務啦
相比起之前食既燒鳥
呢間係無額外收費
帳面幾多實收就係幾多
算公道
不過我地唔係坐bar檯
就完全無同師傅接觸過

不過去廁所果時發覺廁所附近位置係超級痴立立

直頭可以話係寸步難行既地步
好難想像一間米芝蓮餐廳係咁

食左兩個鐘
出番去黑已天


夜晚既阿美橫丁同日頭係完全唔同

周圍都係大排檔同飲撚醉酒既人
又雜又嘈
烏煙瘴氣
好少感受到日本係咁既樣
去歌舞伎町都唔會feel到

行到去宇奈とと

一樣都要排隊

女人唔想等就買左個鰻魚重外賣

價錢960yen
大約50蚊港紙
香港果個要成舊水
即係貴一倍價錢
但而家黃埔果間執左
isquare又長期都落晒閘
可能都已經做唔住

份量差唔多

無比香港特別好食
但岩岩炭燒出黎口感好好
就咁已經好過野田岩

意猶未盡
又行左過黎鴨to葱

大約九點半
排隊條人龍同朝頭早完全無分別
呢間舖頭真係由朝排到晚
不過最後一晚
就決定黎排下隊啦

然之後望一望個牌

終於明白點解排隊要排到一堆人咁

首先要係自助機買飛

買完飛過多陣就話完賣
但過多陣又再開番
可能係人龍過長會截掛
咁買完飛排隊即刻就會有小二問你想揀邊款蔥
每月精選有三款
沾麵揀一款
拉麵可以揀兩款
見過至少有兩個小二係講國語既
排隊既又多數係台灣人
我真係有理由相信呢間拉麵舖唔係日本人開既

舖頭開門時間比人早

收工亦都比人遲
而且仲要無落場時間
仲要無定休日
一間咁既拉麵店係tabelog都有3.75分
諗落都真係幾顛

就算已經成九點幾先黎排隊
但都等左五十分鐘先入得

檯面有塊長墊
水係自助式

成間餐廳就係反L型設計
座位後面有籃可以擺袋
有勾可以掛衫
我地坐餐廳最入個位
背後係廁所
個位就係長期都臭到陷家產

而且餐廳正正就係JR線軌道下面

係每隔幾分鐘就會震到仆街
震到入心
即係係度食野長期就要感受住又震又臭雙重夾擊既垃圾環境

因為一早買左飛
所以坐定定只要等個麵上檯就得
因為已經食完天婦羅又食鰻魚飯
所以只係叫左最平既鴨拉麵

其他兩個拉麵既分別就係多左幾塊鴨肉或者雲吞

個麵一夾就係成堆痴埋晒

上面有小麥點

而塊鴨肉就無傳聞講到咁嫩

唔知會唔會係個湯入面浸耐左
見格離檯塊鴨片有兩截色幾靚

另外緊係要沾麵啦

貌似就無咩人會叫

湯入面無原塊鴨肉

只有碎肉
成個感覺就完全係同多賀野好似
個湯一樣都係熱到辣口
不過更濃
好清好甜
而且仲有好大量既蔥

個麵粗過拉麵少少

比較扁身

檯面上面有鴨葱麵既介紹

不過舖頭實在太震太臭就真係無點樣好好咁睇
食完就比老婆趕狗咁走
由入座到離開都係廿分鐘左右
個麵係唔錯既
未到好撚好食一定要去既地步
但深夜都要排一個鐘隊
而且食得好撚唔舒服
都係屬於試過就夠系列
不過因為唔肚餓都無試到個親子丼
唔知食完個親子丼會唔會改觀呢

出門口果時其實已經過左營業時間
不過都仲有一兩個仲排緊隊

估佢食埋都應該已經十一點
如果唔想排咁耐隊既話我諗十點左右黎就差唔多
不過亦都會有截龍既危機
所以都真係要睇彩數
唔知三四點左右條人龍會唔會少d呢

就黎十一點既阿美橫丁d人終於散左


番到去上野街頭




入左呢條街


點知原來入面又拉客又盛

我仲諗住部相機係咁影
真係顛左

話說對上一次我都係呢條街街尾酒店住左晚
當時又唔係好覺係條咁既街
果時仲見間有唔少家庭客
我都係貪佢又平又近機鐵站
不過過左四年估唔到已經執左了

最後入左間lawson

老婆要求下第一次去抽下一番獎

可惜700YEN得件濕鳩垃圾



又買左兜炸雞食下


好似都係好普通既事
但全部都係我毒撚黎到唔會做既野

番到apa

2樓係比較多野做既

有冰機有汽水機亦都有微波爐


同埋算係天井平台

即係如果有人跳樓都會伏係到

咁呢間19酒店係完全無咩好做
而且最後一晚都要執好行李聽日一早走
間房亦都係細到真係訓得好唔舒服既


DAY7 完


寫埋成田機場應該未會開始泰國住
都係想更新左香港遊記先
太耐無寫

我覺得食食下有地鐵震動好有地道日本Feel
朝頭早我排六個食到 排一個鐘就真係唔值得

我坐一陣都搞不撚掂
震到個心都痛
都唔知入面職員點生存