我估你個上限係用maf180 set,會高少少,不過都無咩大問題
但係睇返你兩張圖最大心率都會上到17x,咁樣如果練帶氧既話就太高,愈高心率會愈傾向無氧系統果邊,變相慢慢就由練帶氧變左練乳酸跑,唔係話無用,不過你要諗返其實你想練既係帶氧定係抗乳酸能力。如果真係想最有效率地練帶氧既話就要低啲,尤其低心率訓練能夠慢慢適應同提升燃脂效率呢樣野係高d心率訓練時做唔到既。所以耐力運動好多都提倡極化訓練,慢要夠慢,快要夠快。
懶人包:
建議你將平均心率壓到145下,最高心率唔好上超過160,可能咁跑即時會慢左,同埋好似輕鬆無咁費力左,但你過一段時間用返你而家可能155既心率再跑,你就會見到原來暗地裡有效果。
有d人跑極都跑唔到低心率係因為無累積過壓心率既訓練,低強度下提供能量既能力(燃脂效率)差同無練過,所以往往要跑都係會升到可能起馬80%最大心率左右,以燒糖為主先搞得掂。
https://www.youtube.com/watch?v=2mzMuUoKhpw&ab_channel=Let%27srunfaster