無職轉生點解紅到？

睇曬樓主d留言，佢喺用上帝視角理性地去睇呢個故仔，冇將自己代入去人物度諗

我細個嗰都諗唔明小龍女做咩要嬲楊過，但又唔比機會楊過解釋，覺得好唔合理，出嚟做嘢大個d就開始明

"4卷頭一開波送個勁人保護，連原因都唔俾，七八頁就由大爆炸飛去遠處極危險變極安全。"

事實上唔係送個勁人保護
隨機傳送原本就係遇到咩都唔出奇
咁啱主角遇到一個以保護小朋友為天職嘅人
同見到嘅係唔係主角亦冇關係
因為佢見到咩細路都會保護
由極危險變極安全都係因為有佢保護
如果唔係魔大陸對主角佢地嚟講唔算極安全

"5卷 40左右，隻烏蠅咩事躁狂症俾人綁住都夠膽打人？"

角色性格問題
如果係紅老婆或者紅老婆啊爺俾人綁住
以佢地嘅性格都會做一樣嘅野

"然後一嘢隊冧，哇，主角做咩帝女花咁「不可以殺人」，喂點解咁大反應，違反咗嗰個世界既倫常定日本國法律？ok解咗好耐唔可以冧友，冧友好大鑊，然後隔離兩個共犯態度係嗰個世界壞人團伙，或本身人死都唔係咁大單嘢啫。"

小說係依件事上多好多描寫
人死唔係好大單野
但係當時嘅情況係有個細佬(主角)俾人踢一腳
勁人就直接殺對方
即使係殺人唔係好大單野嘅世界
咁容易trigger嘅人都唔多
就好似主角做家庭教師個陣
劍王殺人係因為佢地綁架仲要想殺主角同紅老婆
對主角嚟講有咁嘅人係身邊只會係定時炸彈
而且當時主角同勁人唔熟
唔知佢又會因為咩小事而殺人
甚至可能下一個因為小事而被殺嘅就係主角
主角都知自己一定冇可能打贏勁人
依個先係主角驚嘅原因
所以先叫會佢唔好再殺人

"5卷88左右。個社會秩序似乎呈現大家組隊按危險性接job，有秩序就係為防太危險之類。然後，你老母平常一件事，三隊人入去，兩隊死人仲要一隊死清光。仲要好似好常見咁喂好大鑊喎？好似報案就話阿伯暈咗，去到發現成隊ak47打劫銀行咁。而冇人追究呢個情況。ok, 已經咁撚反常既情況大家都危險，然後主角隊呈現全隊自發要救另一隊"

我冇睇漫畫
但係小說係依個情節入邊
實際上依個任務嘅危險性比表面上更高
以其他兩隊嘅實力係唔會安全解決到依件事
唔係平常一個任務
三隊人入去都會死兩隊
你用"報案就話阿伯暈咗，去到發現成隊ak47打劫銀行咁。"係啱嘅
就係因為一班只處理到阿伯暈咗嘅人
去處理成隊ak47打劫銀行嘅任務
所以先會死兩隊
主角團只得勁人一個因為對方係細路所以一定要救人
主角同紅老婆其實一開始都冇諗住救人
加上一直都有講勁人好撚勁
佢勁嘅程度係成個魔大陸都冇乜人勁過佢
以主角同勁人依一隊嘅實力嚟講
依個任務入邊嘅怪唔算太危險
會有危險嘅只係其他兩個小隊
佢地去救人其實都唔會令自己陷入危險

我冇加「認真」喎
所以係認真㗎喎

你仲惡頂

冇喎青
等我睇下先
好中意d打鬥畫得仔細既動畫

個似大陸個網紅講野嘅

鬼滅

第一段個part，佢應該唔係講緊合唔合理既問題，而係講緊作者咁樣安排好唔好睇既問題，由遇難既危機感變到有勁人保護既安心感，過程連幾分鐘都冇，完全無“係絕望中努力掙扎”既果種feeling

"唔救有罪，救遲啲都要屌。咦你自己都係受害人，同埋大家都冒險者點解消防員上身要救人。又，若果死人咁平常之前又咁大反應？"
勁人嘅角色性格或者係特點就係一定要保護細路
所有同細路有關嘅野都會被佢放大
勁人要救嘅亦都只係個三個細路
另一隊就算有危險佢都唔一定會出手

"跟住又係一個難頂位。原來私下交換任務嚴重違規既！頂你原來你係大賊。隊員入面一個對「惡棍」咁大反應而惡棍只係偷嘢打細路，一個喊哂口唔要殺人要救人，但轉頭違法輕輕鬆鬆。大佬仲話要企穩陣腳打好關係既？作為嗰地方新仔大膽偷雞？"
唔俾勁人殺人唔係因為道德問題
純粹係因為主角同紅老婆嘅安全問題
主角係道德上一向都唔係一個單純嘅好人
勁人都唔係
所以破壞公會規矩對佢地嚟講都唔係大問題
要保護細路純粹係因為勁人嘅個人觀念
唔係因為佢地係道德撚唔想殺人想救人

"6卷最金。佢老豆屌到佢飛天。理由係，咁耐以嚟冇睇街招同冇收信。哇頂我而家先知佢冇睇冇寄信/冇用任何方式聯絡本家。首先佢老豆確信已經用咗有效方法搵佢，咁佢行開行埋公會唔望街招係奇葩行為，理由欠奉。如果街招唔易睇既屌佢做乜。再嚟跟住佢行條女直頭有名望人物，做乜連佢都唔寄信乜乜呢，如果通信係可行而且習慣。條女有條仔冇既理由？？呢場衝突理由牽強到嘔，為衝突同之後和諧監生屈。"

主角同紅老婆兩個一開始係喺傳送陣嘅隔離俾人傳送走
係返屋企嘅途中佢地都冇見到過任何同佢地一樣被傳送走嘅人
所以係佢地兩個嘅角度嚟睇
依件事係佢地同劍王三個人一齊被傳送走
其他人仲係城同村入邊等緊佢地返去
唔係好大件事
咁佢地梗係唔會專登睇咩街招喇
主角都唔知全部人都俾人傳走
條女都唔一定會專登寄信返屋企
因為佢地一直移動緊
係個個世界寄封信一來一回
遠嘅話都要一到兩年
就算寄咗信都唔知收回信個陣行到邊個城市
應該係邊度收返信
而對佢老豆嚟講
係佢生活嘅地方
佢識嘅所有人一次俾人傳走曬
佢認為個仔都會知道
今次係咁大件事
個仔都一定係努力幫緊手
點知係佢仲未搵返曬老婆仔女嘅時候
成家人入邊最勁嘅仔竟然仲係到溝女當咩事都冇發生
因為佢覺得佢個仔太唔負責任先會嬲到仆街

話好睇解釋on9理由果班 咪同蔡加讚差唔多
佢都覺得自己係畀絕大部分生活失敗嘅人更加努力更加付出多

駁唔到

屌呢本野就係成功人士？2元對立到
自製階級鬥爭整個假想敵出嚟圍爐繼續逃避現實啦

我諗作者都唔打算咁快喺呢個位就講佢絕望 始終佢都有機會番屋企 留番之後啲劇情俾佢絕望啦
反而作者想講佢喺呢個旅程喺各方面都學習同成長唔少
同埋而家有勁人都唔係變得極安全 隻馬騮都有講佢有好多嘢要顧慮
1.身邊兩個人乜都唔識要靠自己
2.又第一次去魔大陸呢啲唔係人族住嘅地方
3.一開始未信嗰個勁人之前仲要提防佢隨時背叛殺咗佢哋

咁樣嘅話我覺得的確係劇情鋪排得唔好
因為以小說嘅劇情鋪排嚟講
魔大陸篇係前期劇情
重點其實唔係要講主角遇到幾多危險
經歷七七四十九關先返到屋企
而係描述主角第一次獨立嘅冒險生活
如果想睇主角陷入佢完全冇辦法解決嘅危險嘅話
要等到劇情中期到十五卷人神篇先會有
我會話如果唔係背景將魔大陸講到九死一生咁
會令更加多人容易接受少少

對比盾勇黎講已經寫得好好

蜘蛛呢

結論 樓主腦生草
睇故事0代入 全部上帝視角

主角有理解到鬥氣係用d魔力圍住身體加防加速加力
但佢唔知點解做唔到咁解
因為做到佢就=拉普拉斯級數

呢啲套路十幾廿年前大陸啲穿越小說玩到爛啦，
主角一定會有外掛，寫到中期同輩完全跟唔上主角成長速度

圍唔死架,
你睇下後期幫手果班帝級王級
再者就算唔夠魔都好,
跑走就冇人追到
人地用腳跑快過交通工具

如無意外係冇勁嘅攻擊魔法係d書上面(但有萬能治療術)
主角學完王級都係覺得只係幾個聖級撈埋一齊咁解
倒不如改config加爆魔用岩炮彈好過
然而改config呢樣野要無詠唱先做到
因為個世界觀入面 詠唱=set好哂config唔洗諗點放,講就會放到
但無詠唱要仲係幼幼果陣先學到
學唔到就好似老師咁,
就算學到水王都係用唔到

係,一路講到有幾想扑野又剩
然後咁小事就陽萎

其實未到嘅，拉普拉斯肉體強度好高

咁係因為
其實你個人期望佢會遇到好危險
而唔係作者想咁鋪排


同巨人第一季一樣
讀者一開始期望小隊打巨人 唔係巨人打巨人

講返無職
作者呢度係描寫
魔大陸 係危險既地方
光頭佬係武力上係頂尖
用光頭佬 既武力保護 同魔大陸既危險 反差
中間既 反差 （即你期望睇到而無發生既絕望事件）就係魯迪既 從人神獲得既甜頭

但光頭佬強 唔代表價值觀一樣
魯迪係日本肥宅 見到投降既人就會不殺
呢個係日本人大部分既通病 （雖然我唔理解）
用烏繩係黎帶出 男主同光頭佬既價值觀唔同
打又唔夠佢打 佢下次發癲想殺盧迪同艾莉絲點算既擔憂
即係 佢武力強到獨步魔大陸 可以保護你免受絕望
同時 佢既矛頭指向自己時 無人會有能力救到你

呢件事係無發生 但動畫小說都有講過盧迪係有呢個擔憂

劇透部分

點先叫合理?轉生就999lv果類一早睇到厭
無職個主旨係講人浮於事 成個故事都係建基於偽人神同龍王既對峙
主角盡全力都只係能夠響窄縫中生存 好反映現實社會既情況