照直講 如果佢係個理性嘅人
唔講到時只會爆獲勁，同佢傾下囉
……我覺得我同你一樣…男朋友成日係我呻緊果陣話我唔應該咁諗乜乜乜
岩岩比佢話完…
咁都係唔啱喎
痴左線咩淨係可以笑
佢唔俾你呻好快你就唔搵會呻
嘩我有frd同你一樣 同男朋友呻返工野比佢男朋友指住話佢eq低唔識處理問題 之後佢就唔再搵佢男朋友呻
唉岩啊
我男朋友叫我搵好姊妹啦~幫我唔到喎
好狗
依d說話難聽過粗口
聽人呻都係聽佢鳩up架喇 敷衍兩句都算 又話人蠢又剩
佢都講到出口
咁你都要識做喇 搵朋友呻/上黎呻
好過搵個唔啱既對象呻完仲要比人話返轉頭
咁我想問 如果你條仔剩係 哦 嗯 係啊
會唔會收貨
應該唔收
我上黎就係想問下
如果男/女朋友係你好唔開心果陣話 "你諗多左啦~我覺得你為呢啲野唔開心好無謂，根本唔值得"(佢係真心好睇得開果啲)
我應唔應該收貨
定係我係大港女
利申先我冇追post
但想點點解你會用到"收貨"呢個字眼?
你覺得佢俾嘅回應只係貨嚟?
每一個人對唔開心嘅事睇法都唔同
有人小小嘢就覺得好大鑊, 有人天跌落嚟當被冚
你講, 佢肯聽, 分折完再講佢嘅意見, 其實唔夠咩?
如果你唔係想要聽呢d嘅, 咁咪唔好搵佢傾
唔係每個人都可以俾你想要嘅嘢你
至少佢已經出盡自己全力想去安慰你, 而唔係哦同嗯
不如你都試下係佢角度諗下啦
佢係你男友, 唔係心事收集機
唔係你擺d唔開心嘅嘢入去, 佢就嘔返d你想聽嘅說話出嚟
咁依家你覺得, 仲應唔應該"收貨"?
er 其實係之前個post 咁講我先跟住用
冇諗咁多sorry
你講得岩既 但係係我角度睇就係
我唔開心
佢覺得我為呢件事唔開心係唔合理
係咁說服我接受佢果套
例如我會好擔心某啲野咁啦
佢就覺得好無謂，擔心黎冇乜意義
我都明既，但就係擔心緊驚緊啦嘛
如果我真係可以做得到佢個境界就唔使講咁多次呢啲野啦
有時有啲同佢兩個人之間既爭執都會有咁既問題
所以好迷惘
咁又唔洗sorry, 大家都係吹下水
只係我覺得, 如果對方係有心去聽你講, 俾意見
即使唔明白唔理解你為咩唔開心
其實佢都已經盡咗自己力去為你分擔
當然對方明白, 可以站係你角度去諗係最好
但唔係每一個人都做到同理心
既然佢每次俾嘅意見都會令你更失落嘅, 咪避重就輕
兩個人一齊唔係咁簡單架
特別係要相處心靈上, 價值觀上嘅問題
但冇人有義務接收你嘅唔開心
正如我有煩惱嗰陣, 同男友講佢都俾唔d咩安慰我
永遠都只係識話: 唔好唔開心啦~
當初我都覺得好廢話, 佢唔識安慰我呀bla bla bla
但慢慢覺得咁樣都係解決唔到問題, 仲破壞感情
倒不如試下欣賞對方, 其實佢已經盡咗力
然後自己搵朋友呻好過
嗯嗯我試下
多謝你
