[偷得浮生半日閒]用8日獨遊西日本 (京都‧名古屋‧奈良‧廣島)

另一邊嵐山有間叫鯛匠hanana都係咁
淨白飯都好好食

另外奈良志津香既釜飯都好正
食材鮮味滲晒入啲日本米度
正撚到仆街
唯一美中不足係飯焦唔夠乾脆
唔係就真係滿分

其實唔算伏既，只係冇對比冇傷害
朝早嗰間高安係百名店太高質

我見個牌咁寫啲人又真係唔俾現金
柚子絲係唔錯，尤其係和牛咁滯可以中和番味道

燒賣我見人地有食，但我覺得好貴

志津香我有食呀，排左我勁耐都抵
我反而鍾意個飯有少少乾而彈牙既口感
食落唔會黏牙，味道又柔和，脆底反而唔夾

lm

好耐冇見樓豬
上次睇完就跟你去左山口縣玩

記得樓豬同父母去旅行

疫情屋企人走埋，人生遺憾淨係冇機會請父母去旅行

只可以拎住佢地部手機當同佢地去左

我本身都有問佢地跟唔跟我去，橫掂我張機票改得時間
但啲長輩就驚會中招麻煩就話下次先
你地幾個月前都中過啦，驚西
今次都驚佢地擔心就晚晚whatsapp call報告下情況
有時去啲靚景點就開鏡頭俾佢地睇
結果到我返黎之後到佢地啲朋友仔女一家人去
而家就葡萄人地，叫我俾啲相佢地貼朋友圈
———————————————————————————

媽爸姐
：乜咁少人既，上次去迫到死
：都話左冇遊客，叫你黎又唔黎
：係咪大阪呀？我朋友話好正，幾時帶我地去
：都話左係名古屋囉，問左你地又唔去
：我冇假放呀嗚嗚嗚

珍惜同屋企人去旅行

原來未睇過你
10日獨遊半個日本
依個POST

推

食完飯就行出東山通搭巴士返京都站
認住車頭寫住京都駅既就上得



理論上我下一個行程係去白鬚神社
但係我見到開始多雲，怕去到天氣唔好
再加埋我見附近塞哂車，影wide shot有困難
所以果斷放棄行程


另一個諗到既方案就係做鐵膠
扮青春18搭普通列車去名古屋
但攞住行李瘋狂轉車又好似冇乜癮
最後決定改去本來Day1夜晚會去既東寺攝時間
之後搭新幹線去名古屋，咁就最輕鬆

京都站行去東寺大約15分鐘
雖然都可以搭巴士同近鐵，但等得車黎我都行到

講起東寺就順便講埋京都既歷史
桓武天皇係1200年前決定遷都過黎，將呢度命名做平安京
所以呢個時代就叫做平安時代
規劃參照唐朝既長安同洛陽城既棋盤格局
中軸線大約係而家JR山陰本線梅小路京都西至二条站
係中軸線既東面係東寺，西面就自然有西寺
但西寺過左幾百年之後就荒廢左，而家得番個遺址石碑
東寺雖然都曾經被毁，但每次都有善長仁翁捐助重建
而家就成為京都現存最古老既寺院，冇之一
境內既國寶數量係日本算係數一數二多

呢度有2款門票，一場黎到我就俾1300yen睇哂佢



之前睇過唔同既寺都有個塔，而東寺呢個係國寶
仲係日本最高既木造五重塔，高54.8m
秋期特別公開呢段時間第一層內部仲會開放
不過裡面就係嚴禁攝影，驚損害壁畫同佛像
裡面有幾個工作人員，啲嬸嬸好多問題問佢地
所以都聽到少少關於個塔既資料
例如點樣對抗地震，點樣保育壁畫等等




除左五重塔之外，金堂同講堂都係國寶建築
裡面放左好多國寶佛像，但都係嚴禁攝影



講堂隔離係瓢箪池
見到有條女係呢個位攞住部單反影左好耐
我又跟住佢影，又幾靚喎

如果買左800yen拝観券既就係得頭先咁多野睇
我就可以去埋近北大門既寶物館同觀智院
寶物館裡面又係嚴禁攝影，但展品唔特別


觀智院既客殿係國寶建築
裡面有個叫做四方正面之庭既園景
但之前係天龍寺睇嗰個靚好多
不過睇場嗰對男女職員瘋狂傾偈嘈到出出面
睇黎呢度平時都係極少人黎




之後就行番酒店攞行李
越夜就越多雲，好彩冇去白鬚神社

作為半個鐵膠同識少少日文既人
直接操作新幹線售票機係一啲難度都冇
唯一估唔到就係3點幾既のぞみ都咁多人搭
10分鐘後開出嗰班既CDE席居然係爆滿
每行座位係3-2排列，ABC同DE中間係走廊
我禁過幾卡A席都係冇位禁唔到
但見後面好多人排隊費事阻住，是旦Random揀左A席就算


東海道新幹線大部分班次都係停站最少既のぞみ
其次就係停多少少站既ひかり同站站停既こだま
揸全國JR Pass唔包搭のぞみ
揸JR西日本周遊券就唔包搭新大阪以北既新幹線
因為嗰段路線係JR東海既範圍，新手極易中伏


但我都係中左伏，個A席俾隻坐左個位
BC席兩個囡囡即時攞番走隻狗
之後瘋狂同我講すみません
新幹線係容許攜帶小型寵物上車
雖然我唔介意，但因為個車箱都幾焗
所以陣狗味都幾濃，迫我減慢呼吸半個鐘
不過隻Poodle又唔吠又得閒望下我，算啦


34分鐘車程就抵達名古屋

留名

名古屋站出口主要分2個
分別係東面既太閣通口同埋西面既櫻通口
櫻通口既地標就係呢個金時計
呢邊仲可以行去搭近鐵同名鐵
所以呢邊會旺過太閣通口



呢兩晚我會住Montblanc Hotel Raffine名古屋駅前
係櫻通口過左馬路行3分鐘就到
2021年12月開業，680蚊住到新酒店抵到爛



入住手續同之前間酒店一樣都係用自助機
流程完全一樣，所以極速搞掂
另外職員提我為響應環保，房入面剩係得牙刷
額外既清潔用品就係大堂呢邊攞埋上房
另外仲有好多款入浴劑俾你揀



我住嗰層電梯大堂望到一個地盤
呢度既深層地底就係中央新幹線既線路同站體
工程第一期首先興建東京至名古屋段
因為採用磁浮列車，車程由個半鐘進一步縮到40分鐘

酒店房比京都嗰間大至少30呎
床既大細一樣，窗邊多左個梳化可以望出面城景



廁所係乾濕分離，大到痾屎伸直腳都掂唔到門
仲有個可以坐得哂成個人既浴缸
隔離仲用得花灑，訓係度沖涼都夠位




床邊有部Pad，功能比京都嗰間勁好多
可以打內線仲可以上網
另外仲有部膠囊咖啡機，送左2盒俾我試
可惜我係唔飲咖啡既
電視就係4K Sony Bravia OLED
可以睇Youtube，Netflix同Abema TV
性價比好似仲正過Daiwa Roynet





呢晚冇行程，諗住周圍行下就算
同chit chat嗰陣諗起可以去長島三井Outlet
但啱啱好走左班車，再下班就係1個鐘後既尾班車
所以就將Day5夜晚去榮既行程調左上黎去左先
係名古屋站搭地鐵東山線就去到


一出地鐵站就係地下街，食左飯先

好鍾意揀呢啲酒店有乾濕分離

請問遊客服務中心係幾樓，上次去由頭行到尾都搵唔到。網上資料唔知係咪錯㗎。

同出境同一層，攞完行李一出就見到

琴日去咗白鬚神社
無叫酒店幫手打電話book 300yen的士
行到傻
仲要勁大風
又有雨