[偷得浮生半日閒]用8日獨遊西日本 (京都‧名古屋‧奈良‧廣島)

解決了

瑠璃光院 早幾耐book

過海關有冇叫你開喼check?
我俾佢叫開喼check 都唔知係咪我毒得制

10月10日10點佢一開放預約就book
當時半滿，而家應該所有session 都full

宿咗邊間酒店

冇呀，仲教我用部新機掃QR Code同護照
我見好似冇人要俾人check

加速

出到去第一時間就去遊客服務中心換Pass
之前係Klook訂左關西周遊卡3日用
同職員出示番訂單個QR Code就攞得
不過個職員啱啱處理完個韓仔
見我又戴韓仔口罩，於是就同我寵寵寵
唯有講句"Can you speak English?"收佢皮


係關西地區用JR周遊券搭長途車或者新幹線來回先會抵
短途既話係當地買交通一日券比較著數
但啲券既使用範圍未必覆蓋哂啲景點
變左一時用券一時用IC Card，新手頭都痛埋
關西周遊卡就解決左呢個問題
係京都-大阪-神戶-奈良地區
佢可以任搭大部分非JR營運既公共交通
只可以坐普通車，坐特急要補錢
仲唔駛連續日子使用，非常方便
我Day2 Day3用左，Day6再用亦得，得左
而且某啲景點門票憑券有優惠，雖然我冇用到
張券咁萬能，價錢當然唔會平
3日券平均每日要搭1800yen先回到本
但我買得佢當然就唔會蝕啦

上番2樓行出去就係關西機場鐵路站
近機場方向橙色就係南海電鐵，遠啲藍色就係JR
去京都既話首選JR特急はるか (Haruka)
中間只停天王寺站同新大阪站
去到總站京都站只係大約個半鐘
係香港買單程飛黎呢度換會平過現場買
不過成6個鐘冇食野，好撚肚餓
橫掂又冇乜行李，出難波食飯順便買野



関空ちかトクきっぷ係南海電鐵同Osaka Metro合作既車飛
可以係南海電鐵售票機買到，價值1020yen
包左南海電鐵關西機場站至Osaka Metro任何一站既單程票
中途一定要係難波站轉乘
如果係去大阪市區，呢張飛性價比一定係最高
因為南海電鐵車費930yen
Osaka Metro是旦搭1個站都180yen
計埋點都平過你直接用IC Card俾車費


如果你想坐得舒服啲
買多張520yen既特急券就可以坐特急ラピート (Rapi:t)
特急ラピート係Klook買會平過現場買
不過要預時間排售票處換飛，見到都幾多人
本來我就夾到時間坐既
但係現場有好多韓國人唔識買飛頂住哂
排到我既時候仲有3分鐘就開出，驚跑唔切落月台
唯有就咁買張車飛搭空港急行
之後有幾個靚靚長腿韓妹見我識買飛就走左過黎
用英文問我點樣買飛去難波，都吹左兩句
都叫做塞翁失馬焉知非福既
不過冇圖

左邊月台嗰架就係空港急行
同特急ラピート比座位冇咁舒服又停多啲站
但去難波既車程都只係差10分鐘
如果冇乜特別要求，搭空港急行其實都OK



45分鐘就到難波，見到隔離月台停左部特急ラピート
搭唔到就唯有係終點站影相留念啦

黎到難波，人感覺上真係少左
行去食飯之前去左買株主優待券先


係日本投資股票，只要持有一定數量既股份
某啲公司為左答謝株主 (股東)
就會定期發放株主優待券俾佢地
形式有現金券，折扣券，贈品券等等
於是買左幾十隻股票既人每季都可能送幾百張券
呢啲券大部分都係得幾個月有效期，唔用就蝕
但買股票既人未必個個啱用呢啲券
例如某汽車公司股票送自家品牌驗車服務
但唔係個個都揸嗰個牌子既車
又或者男人買女性內衣公司股票送Bra券咁
有時自己用唔著得黎又未必送到俾人

如示者就衍生出一個二手市場買賣既圈子
有舖頭會低價收呢啲優待券
再以低過市價轉售俾街客，中間食差價
對股東黎講無本生利，消費者又慳到錢
所以市場非常大，旺區好容易就會見到呢啲舖頭

我今次買既係近鐵株主優待券
因為Day6搭既ひのとり需要買乘車券同特急券
特急券冇辦法，一定要係近鐵度買
而乘車券就可以用金券代替
我由近鐵名古屋站搭去大阪難波站，正價2410yen
而優待券用途一樣，就只係1780yen
但呢個價錢係浮動既，視乎舖頭收購價同市場供求
不過平左我都已經心滿意足
結果我係名古屋睇仲平過難波200yen

相信各位對於日本既第一餐都有好高既期望
始終太耐冇黎，點都要有番啲儀式感
我深表同意，專登去其中一間我念念不忘既餐廳
冇錯，睇過之前遊記既人都知
就係松屋旗下既炸豬排專門店 - 松のや

叫餐既方式同以前一樣
都係禁食券機俾錢，攞番啲食券之後搵位坐
店員過到黎收左飛就等佢送餐去你面前
但而家可能因為防疫
變左要自己行去水機度斟水

ロースかつ定食 <590yen>
<豚汁變更180yen>


炸豬扒水準冇變，咬落去外皮脆，肉質鬆軟冇筋
配埋冰凍既椰菜絲減少熱氣
加啲沙律汁酸酸甜甜好開胃
原本送既味噌湯我加左錢轉豚肉湯
有菜食之餘又大碗左，非常有滿足感
但可能我離上一餐時間太耐，都仲未夠飽
算，去京都再食過

係地鐵站繼續用番頭先張飛入閘就得
到梅田站就轉用IC Card係大阪站搭JR
係呢度去京都站，冇理由唔搭新快速
搭3個站就到，車程只需要29分鐘



JR no IT


當地下午4點幾就已經見到好靚既夕陽

到左京都站就去酒店先
呢3晚住ホテル京阪 京都駅南
係車站南面八条口過馬路就係，路程1分鐘
價錢只係1100蚊，仲包埋早餐，抵到不得了


呢度既入住手續全部都靠哂部自助機
職員只係輔助客人去用
感覺上都幾易用，打完名就掃描護照同簽名
搞掂就會出房卡，朝食券同收據
但原來訂既時候房價係未包住宿稅
所以3晚總共要補多600yen，都係部自助機收埋
我當每日200yen早餐費，都仲係好平


係市區住得單人房都唔好期望佢會好大
間酒店開左業2年幾，所以都好新淨
13平方米面積有4呎床我已經覺得好舒服
正常酒店房要有既野佢都有
例如電視，風筒，雪櫃等等



放低行李第一時間就係要去廁所坐一坐
我睇住廁紙托上面個翻譯笑左出黎

係感受完屎坑噴菊花既快感之後就去行街
我本身以為外地遊客少左就會空曠啲
點知原來剩係當地人都可以迫爆京都站
夜晚6點幾啲手信舖個個都拎住成籃野排隊俾錢
日本政府資助既GoToTravel既威力不容忽視
如你地所見，日本9成人都係戴緊口罩



既然係咁我唔阻住佢地買野，走去食野先
因為我預期京都站附近啲餐廳都一定排餐死
所以我就行左去八条口西面五分鐘距離既やよい軒
呢間連鎖和食餐廳性價比高，又坐得舒服
不過我黎到其實都8成滿座


コク旨ちゃんぽんとから揚げの定食 <920yen>
<もち麦ごはん変更30yen>


ちゃんぽん本身係長崎名物，之前係長崎都食過
湯底係用豬骨同雞骨熬成既濃湯
因為放左好多唔同既菜落去煮
例如紅蘿蔔，洋蔥，芽菜，粟米等等
所以個湯濃得黎又好鮮甜，係令人上癮既味道
麵條用左太麵，粗得黎彈牙
唔會因為浸耐左而越食越淋，同個湯幾夾


炸雞炸得好脆又多汁，配飯食一流
我另外加左錢轉もち麦ごはん
比白飯多左啲穀物，食落有啲咬口又甜甜地
唔夠食都可以出自助吧免費添白飯，實食得飽你

食完都係7點幾，就係附近鳩行下
我主要行京都站南面，有AVANTI同AEON
比北面Yodobashi嗰邊靜得多
行完就順便影埋呢度地標 - 京都塔



返到酒店又玩下啲設備
床隔離有部IoT Pad可以控制哂間房既冷氣同燈光
電視就可以睇到洗衣機使用情況，都幾方便


黎得日本點可以唔去便利店
呢晚去左Family Mart買奶同成堆甜品番黎
明治おいしい牛乳我黎到日本係必飲
個蓋設計改左，比以前易擰左好多
奶味濃得黎又唔會有滯或者奇怪既油味
係香港我暫時搵唔到一種奶好飲得過佢
個梳芙厘布甸好甜，泡芙冇乜特別


mont blanc就出乎我意料地好味
出面啲栗子蓉非常細滑
裡面啲Cream都唔係好甜
所以食得出栗子既香味
顛覆左我對日本人味覺偏甜既迷思



之後預習埋Day2啲行程同交通就沖涼訓覺
Day1 完

可唔可以講多d株主優待券
賣呢d 券嘅舖頭要打咩keyword search

留名
之前有追開樓豬遊PO
資料好充足，一路睇一路做功課

巴打一個人去?
日本海關好似特別鐘意check 獨遊撚

日本平價既連鎖都已經可以叫美食 香港……

係呀 我都有聽過
但我絲

打格打得好徹底

lm

之前聽過話因為日本黑幫鍾意搵獨撚偷運金條

條友真係成個喼摷一次咁制

17年去米子直情開背囊全部嘢摷哂出嚟睇，然後再要我除鞋過X光
雖然個關員之後好好咁幫我放返好哂d嘢